يا شباب هجيب عربيه 304 ايه رايكوا

[gsober]

لو سمحتوا عاوز شويه نصايح حول موضوع شراء سياره بيجو304
هى حالتها كويسه بتاعه واحد قريبنا وبيحبها اكتر من بنتو قعدنا نقنع فيه عشان يبيعها حوالى اسبوع واخيرا فى لحظه تجلى وافق
المهم انا هروح اشوف العربيه ايه اهم الملاحظات اللى اركز عليها وانا بجيب العربيه؟
وايه اللى اسال عليه واتاكد منه انه كويس بخلاف الشاسيه والماتور والعفشه؟؟
فى حاجه اسمها كرسى النص هو ايه ده؟
ياريت تجاوبونى بسرعه قبل ماشترى
الرجاااااء سرعه الرد
ولكم منا جزيل الشكر والعرفان

[hesham_shousha]

العربيه قويه جدا وممتازه ورخيصه لكن مصاريفها عاليه اوى ( حدث ولا حرج ) لكن زى ماقطع غيارها غاليه بتعيش
لو مستعد توكل على الله
لو ماعندكشى استعداد بلاش
افكرك طقم الدسك والاسطوانه والرولمان بلى النهارده فى حدود 2000 جنيه
ده على سبيل المثال لا الحصر

[gsober]

يا خبر
دنا اشتريت خلاص
وكنتش اعرف ان مصاريفها عاليه كده
طب انا اعمل ايه عشان احافظ عليها
وغيرش كل شويه خاصه انى لسه بتعلم سواقه
وفى ملحوظه الدركسيون تقيل ليه؟؟؟؟

[gsober]

ونسيت اقولك متشكر قوى على رد حضرتك

[hesham_shousha]

يا خبر
دنا اشتريت خلاص
وكنتش اعرف ان مصاريفها عاليه كده
طب انا اعمل ايه عشان احافظ عليها
وغيرش كل شويه خاصه انى لسه بتعلم سواقه
وفى ملحوظه الدركسيون تقيل ليه؟؟؟؟

موش عارف اقولك ايه
ربنا يعينك عليها ويصلح لك حالها

[ahmed_esmail]

304 مكنتش انصحك
اماا 305 هيا جميله وهيا اللى ف توقيع الاستاذ هشام
اتاكد انا حاسس انك اشتريت 305 مش 304
عربيه متينه وقويه جدا ولكن فعلا مصاريفها عاليه جدا ومش موجوده
ممكن تقولى هيا موديل كام وجبتها بكام ؟؟

[gsober]

العربيه نظييييفه جدا
لان صاحبها كان جايبها من الفبريقه
والحمد لله الموتور ناعم والعربيه قويه انا جربتها
وبجد ارتحت معاها قوى قوى
انا جبتها ب9.500
وده عشان حالتها الممتازه والله
ولسه الراجل شاددها شده محترمه واستخدام طبيب

[gsober]

الدركسيون طلع متغيرله علبه دريكسيون وعشان كده هو تقيل
وهى 304 مش 305

[ahmed_esmail]

الف مبروك يا باشا
وربنا يكرمك فيها

[gsober]

الله يخليك ويبارك فيك

[powerofhelll]

الف مبروك
ربنا يديك خيرها ويكفيك شرها

[gsober]

الله يبارك فيك
ومتشكر جدا
العربيه حلوه قوى بس الفتيس مجننى
لانه دركسيون

[hesham_shousha]

الله يبارك فيك
ومتشكر جدا
العربيه حلوه قوى بس الفتيس مجننى
لانه دركسيون

بكره تاخد عليه
والعربيه اللى انت اشتريتها فوق الممتازه بس تصرف عليها
وعلى فكره قطع غيارها معمره
يعنى المحصله واحده وممكن تكون كمان فى صالح ال 304
يعنى تكلفه الكيلومتر هتلاقيها عاديه

[gsober]

معلش هغلس شويه
عاوز اعرف طرنبه المياه الاستيراد اجيبها منين
وبكام تقريبا وازاى اعرف انها كويسه مش بايظه
وكمان ايه هو جوان وش التقسيمه
وهل الكانيز هى سير الكاتينه؟
معلش كل ده اللى محتاجته العربيه دلوقت حسب كلام مهندس الصيانه بتاع البيجو

[hesham_shousha]

معلش هغلس شويه
عاوز اعرف طرنبه المياه الاستيراد اجيبها منين
وبكام تقريبا وازاى اعرف انها كويسه مش بايظه
وكمان ايه هو جوان وش التقسيمه
وهل الكانيز هى سير الكاتينه؟
معلش كل ده اللى محتاجته العربيه دلوقت حسب كلام مهندس الصيانه بتاع البيجو

أولا : ماتجيبش طرنبه مياه إستيراد لإن سعر الجديد موش غالى
لما عملت العمره سنه 2001 ركبت واحده جديده تايوانى ب 125 جنيه ولسه لحد دلوقتى شغاله كويس
سير الكاتينه بتاع العربيه دى مابيتغيرشى ( بيتشد بس ) بس موش أى ميكانيكى يعرف يشده
روح لأحمد عماره أمام مرور عين الصيره - لسه ظابطلى السير من حوالى سته أشهر وقاللى بالحرف الواحد السير ده مابيتغيرشى إلا مع عمره الموتور فقط
ولو عايز تعرف سعره هو فى حدود 300 جنيه ( سير كاتينه+بلف+شداد )
وطبعا لازم تعرف إن موتور عربيتى زى موتور عربيتك بالضبط بس اكبر فى السعه
أعتقد ال 304 = 1100 بينما ال 305= 1500
عشان كده اللى يمشى على ال 305 يمشى على ال 304
ولو عايز تشترى قطع غيار كويسه جديده وما تتخمش فى السعر روح ميدان لاظوغلى هناك تجمع لمحلات البيجو
وفيه كمان فى التوفيقيه
وربنا يوفقك