بيجو405

[temokemo]

مساء الفل علي احل اعضاء
انا يا جماعة عايز مساعدة من السادة الاعضاءاساتذة البيجو في المنتدي
المهم علشان وقت حضرتكم
انا في عربية بيجو 405 موديل 1992
1600سي سي برستيج
كاملة عادة رشة برة فقط
المهم اني مليش في البيجو خالص في الحقيقة عايز اعرف اية اهم حاجة اخلي بالي منها وانا باتفرج علي العربية وفي نفس الوقت عايز اعرف تساوي كام
وهل ال405 كويسة ولا لا واية عيوبها ومميزاتها
ارجو المساعدة بسرعة
وشكرا لجميع الاعضاء

[Nour_Peugeot]

يا باشا البيجو ال 405 عربيه بسم الله مشاء الله عليها

انا معايا واحده موديل 90 بس وحش علي الطريق يسم الله مشاء الله عليها يعني

ثبات فل
قطع غيار معمره
موتور قوي و بذات البرستيج
صالون واسع و فخم
و تعمل دلوقتي في حدود 38 ال 44 الف حسب الحاله

بص علي اساسات العربيه كويس و روح اعمل كبس موتور لو هو ماشي كتير

و ربنا يوفقك يا باشا و تنضم لينا و مش هتندم ابدا علي هذا الاختيار

[the-hero]

برستيج 1600 عربية نادرة
تأكد ان الماتور بتاعها الفول انجكشكن 1600 سي سي 16 صباب
ولون الماتور اسود
جريد باب العريض ومريات كهربا وأربعا أزاز كهربا
وأربي ام وكشافات شبورة
وهتلاقى أختلاف ف العفشة الأماميه والخلفية بمعنى الطنابير الأماميه بروحين ومخرمة من النص والخلفية فرامل سكاكين زى قدام
لكن لو لقيت المانور ابيض الومنيوم وبكربراتير وعمة تبقي بقي 1600 405عاده والناس بيقولوا عليها برستيج
أزازين اللى قدام كهربا بس ومرايا منيوال عادة يعنى ومفيش اربى ام
ولو فى حاله الشكل القديم اللى فيه فبرا سودا بين الفانوسين الى ورا فده فيه أربى ام لكن الطبلوه القديم القطعتين المربع
وده من من مو 1988-1992
وبلغنا بأى جديد واى ملاحظات
ولو انت قريب من حلوان او زهراء مدينه نصر ممكن تستعين بأحد الاعضاء المميزين فى ال 405 يجوا معاك زى نور او استاذ حرفوش

[temokemo]

الف شكريا جماعة
والله انتم ناس محترمة جدا
وان شاء الله بكرة هاروح اشوف العربية
انا كنت اتمني ان اكون في القاهرة ولكن العربية في المنيا وانا من المنيا
واناشاكر لتعبكم معي ولو في اي حاجة هاكتيب ليكم
وشكرا

[khaledf]

انا عارف انها عربية جامدة بس ياريت حد يدلنى على سيارة تكون حالته كويسة وسعرها كمان كويس ويقولى على عيوبها وازاى اواجه مشاكل المستعمل لاقدر الله

[the-hero]

انا عارف انها عربية جامدة بس ياريت حد يدلنى على سيارة تكون حالته كويسة وسعرها كمان كويس ويقولى على عيوبها وازاى اواجه مشاكل المستعمل لاقدر الله

أحسن حاجه فى البيجو بوجه عام انك متصلحش حاجه ومتسمعش كلام الصنايعية بوجه عام
اللى يبوض ريح دماغك وغيرة كله وأسعار قطع غيارها مناسبة جدا ومش غاليه
اما فى حكاية العربيه والسعر
فأهم حاجه تكون عربيه أساساتها سليمه يعنى الشاسيه من تحت و حا لات البرومة والكسر وحاله الفرش والطبلوه والشنطة والحوض لو كل ده فبريكة تبقى تمام
والباقى بقي سهل

[temokemo]

برستيج 1600 عربية نادرة
تأكد ان الماتور بتاعها الفول انجكشكن 1600 سي سي 16 صباب
ولون الماتور اسود
جريد باب العريض ومريات كهربا وأربعا أزاز كهربا
وأربي ام وكشافات شبورة
وهتلاقى أختلاف ف العفشة الأماميه والخلفية بمعنى الطنابير الأماميه بروحين ومخرمة من النص والخلفية فرامل سكاكين زى قدام
لكن لو لقيت المانور ابيض الومنيوم وبكربراتير وعمة تبقي بقي 1600 405عاده والناس بيقولوا عليها برستيج
أزازين اللى قدام كهربا بس ومرايا منيوال عادة يعنى ومفيش اربى ام
ولو فى حاله الشكل القديم اللى فيه فبرا سودا بين الفانوسين الى ورا فده فيه أربى ام لكن الطبلوه القديم القطعتين المربع
وده من من مو 1988-1992
وبلغنا بأى جديد واى ملاحظات
ولو انت قريب من حلوان او زهراء مدينه نصر ممكن تستعين بأحد الاعضاء المميزين فى ال 405 يجوا معاك زى نور او استاذ حرفوش

مساء الفل يا باشا
انا راحت امبارح واتفرجت علي العربية في الحقيقة هي عربية كويسة حوض وشنطة سليم بس هي رشة برة ولسة عملة عمرة كاملة مفيش ثلاث شهور
بس هية طلعة العادة مش البرستيج علشان الماتور عادي بكربراتير وعمة والماتو المونيوم ومفيش ار بي ام ولا ازاز كهرباء خالص وانما فيها تكيف وبور وسنتر فقط
ولكن في بض الملاحظات علي العربية مثل ان العربي لما تيجي تدور العربي بتتاخر معك شوية لغاية لما تدور العربية ولما تدور بيقي فيها صوت ونة عالي شوية مع صوت تكتكة
في الحيقية العربي بشكل عام كويسة بس محتاجة بعض التظبيط بس انا قلقان منهل شوية ان كل اللي بيسالة بيقول انها عربية كويسة بس مشكلتها انها تقيلة شوية لما تيجي تبيع وخصوصا اني محتاج عربي اليومين دولة وبعدين هابيع وجيب زيرو فعايز حاج كويسة امشي بيها شوية وبعد كدة ابيع العربية
وعلي اعموم هو طالب من الاخر 35000
ولكن اهم شي التسجيل مش هيعمل توكيلات
فاتا محتار جدا مش عارف اعمل اية ارجو المساعدة وشكرا

[nour2007]

اهم شيء اخي العزيز انك تتأكد ان العربيه مش نصين او رشه جوه
وممكن تتأكد انها مش نصين بأنك تتأكد من رقم الشاسيه اللي موجود علي القايم الخلفي اليمين بيكون عليه رقم الشاسيه اللي هو هو اللي موجود في الحوض اسفل االصاجه اللي تحت مفصلة الكبوت او تعتبر الصاجه اللي متثبت فيها ماتور المساحات
وخللي بالك كويس من الموضوع ده لأن فيه واحد لسه شاري عربيه 405 ملاكي الاسكندريه دهبي اللون واكتشف الموضوع ده عند خبراء البيجو اللي عند ال bbc وكان شاريها ب32000
والسعر اللي انت بتتكلم فيه لازم يخليك تشك مليون مره في موضوع رشة الدواخل لأن فيه ناس محترفين في موضوع اخفاء الرش وتجميع النصين
وربنا يوفقك ان شاء الله

[fakhry]

انا اول مرة اشوف عربيه 405 بالسعر ده عموما لو فعلا نظيفة طبعا اوعي تفوتك ربنا يوفقك

[the-hero]

بالنسبة للونه فديه السيور عاوزة تتشد او تتغير
والتكتكة فهتحتاج ضبط تكهات
واليلة ديه هتخش لها فى 500 ج
ومشكلة تاخير الدوارة فهيحتاج تنظيف كربراتير وتغيير بوجيهات وضبط كهربا
وكمان حل المارش ومراجعه الاوتوماتيك والجلب
والليلة ديه تخش بالكتير ف100 ج
وهتبقى لسعه فى الدوارة
أهم حاجة حكايه التاكد أنها مش نصين زى ما أبو نور قال مهم جدا جدا جدا
وبالنسبة للسعر فهو مناسب

[ahs712002]

اخواني الاعزاء :
انا عاوز اشتري بيجو 405 موديل 1992 موتور 1600 ، ولكن الكل ما بنصحني فيها وبحكولي انو خرابها كثير وكل يوم والتاني على الكراج وان الحرارة بترتفع باستمرار فيها وخوفوني منها ، بس اللي قرأتو في هذا المنتدى الرائع عكس كل الكلام الي سمعتو عن العربية.
انا صرت بحيرة في امري ..... ارجوكم انصحوني
مع الشكر الجزيل

[ahs712002]

ما في حد بدو ينصحني
ما تعودناش هيك في هالمنتدى الرائع

[nabaster]

ما في حد بدو ينصحني
ما تعودناش هيك في هالمنتدى الرائع

طالما ملاقيتش رد يبقي محدش عنده معلومات كافيه بالنسبه للموضوع ده

احنا هنا منقدرش نطنش حد طالما قادرين نساعد وعارفين معلومات معينه

بالنسبه لموضوع ال 405 الي عايز تشتريها العربيه هنا زي الفل وقطع غيارها معمره ومنتشره

الله اعلم بقي انتا منين وهل عندك ال 405 منتشره زي هنا ولالا وتوافر قطع الغيار كمان الله اعلم

احب اقولك في الاخر تقبل الموضوع بصدر رحب وهنا محدش يقدر يبخل عليك بمعلومه يعرفها مش هوا ده الي متعودين عليه مع بعض

A.Yakout