مشكله فى بيجو 206 اريد حلها

[ya_broker]

اعزائي اعضاء المنتدى
ارجو الافاده
عندى بيجو 206 موديل 2001 اجد بها الان اننى عند السير احيانا اسمع صوت تكتكه اعتقد انها جايه من التابلوه
ارجو الافاده و شكرا

[amr mokhtar]

صوت التكتكة ده جاى من ناحية السواق و لا حاسس إنه من جوة التابلوه؟
و هو الصوت ده عامل زى صوت البلاستيك لما يحك فى بعضه و لا حاجة تانية؟

أصل انا أحيانآ بيظهر عندى صوت تزييق من ناحية السواق و بالأخص من عند الفيوزات و الصوت ده بيظهر فى المطبات

[ya_broker]

صوت التكتكة ده جاى من ناحية السواق و لا حاسس إنه من جوة التابلوه؟
و هو الصوت ده عامل زى صوت البلاستيك لما يحك فى بعضه و لا حاجة تانية؟

أصل انا أحيانآ بيظهر عندى صوت تزييق من ناحية السواق و بالأخص من عند الفيوزات و الصوت ده بيظهر فى المطبات

الصوت جاى من ورا الكاسيت تقريبا و هو عباره عن تكتكه معدنيه شويه كده و بتظهر لما ببقي قارص بنزين و مش دايما

[amr mokhtar]

فك الكاسيت و شوف لو فيه حاجة واقعة جوة جايز تبقى هى دى اللى بتبقى عاملة الصوت ده

أو و ده الأرجح ... شوف زور الشكمان.. إحتمال تكون حاجة فى الشكمان و صوتها بيرن ورا التابلوه

[bee]

لو بتوقف العربية في الشمس دايما ومن غير شماسه ده كفيل ان العربية تزيق وتعمل اصوات ..لان فيه اماكن بتتمدد بالحرارة وتحتك ببعضها ..

ده لو بتركن في الشمس كتير ومن غير شماسه ..

غير كده هتحتاج تعمل تشيك على الاماكن المحيطة بالتايلوه وهتوصل بس الموضوع محتاج صبر .. والمكان الي تشك فيه حط قطن فيه او اسفنج رفيع لو التزييق راح هتعرف انه من المكان ده ..

[amr mokhtar]

لو بتوقف العربية في الشمس دايما ومن غير شماسه ده كفيل ان العربية تزيق وتعمل اصوات ..لان فيه اماكن بتتمدد بالحرارة وتحتك ببعضها ..

ده لو بتركن في الشمس كتير ومن غير شماسه ..

غير كده هتحتاج تعمل تشيك على الاماكن المحيطة بالتايلوه وهتوصل بس الموضوع محتاج صبر .. والمكان الي تشك فيه حط قطن فيه او اسفنج رفيع لو التزييق راح هتعرف انه من المكان ده ..

الله ينور عليك
انا كان عندى بيحصل صوت تزييق فى التابلوه فى الصيف و لما بركنها فى الشمس كتير
و لما بقيت بحط الشماسة على طول الصوت تقريبآ إختفى

[amr mokhtar]

يا ريت لو حضرتك عرفت سبب المشكلة تقولنا عشان تعم المنفعة

[bee]

الله ينور عليك
انا كان عندى بيحصل صوت تزييق فى التابلوه فى الصيف و لما بركنها فى الشمس كتير
و لما بقيت بحط الشماسة على طول الصوت تقريبآ إختفى

ربنا يخليك ..
بس ده عيب معروف جدا

[ya_broker]

يا ريت لو حضرتك عرفت سبب المشكلة تقولنا عشان تعم المنفعة

إن شاء الله يا استاذ عمرو