سلك معدن من غرفة المحرك لغاية التانك أسفل السيارة؟؟

[kareem_Ashmawy]

السلام عليكم أيها العصابة..
النهاردة والدى جاى بالعربية و فجأه سمع حاجة بتحك فى الاسفلت
نزل بص لقى سلك معدن سمكه بتاع 3 مم ساقط من العربية
رفعه لفوق كده و كمل لغاية البيت
بصينا تحتيها لقينا 3-4 اسلاك ماشيين بطول العربية
على الطرف لليمين من العربية جايين من قدام من الموتور
لغاية تانك البنزين و طالعين لفوق من قبل التانك
و الحتة اللى نزلت دى لقيناها مقطومة و حطيناها فى الشنطة
.
.
حد يقولى بأه ايه الاسلاك دى
و فى مشكلة لو مشيت بيها كده لغاية يوم الجمعة على ما اروح للميكانيكى و لا ايه
.
.
انا شكيت انه يكون سلك فرامل اليد ( محدش يتريأ )
بس جربتها لقيتها شغالة تمام

منتظر أراءكم..و شكرا جزيلا

[bee]

السلام عليكم أيها العصابة..
النهاردة والدى جاى بالعربية و فجأه سمع حاجة بتحك فى الاسفلت
نزل بص لقى سلك معدن سمكه بتاع 3 مم ساقط من العربية
رفعه لفوق كده و كمل لغاية البيت
بصينا تحتيها لقينا 3-4 اسلاك ماشيين بطول العربية
على الطرف لليمين من العربية جايين من قدام من الموتور
لغاية تانك البنزين و طالعين لفوق من قبل التانك
و الحتة اللى نزلت دى لقيناها مقطومة و حطيناها فى الشنطة
.
.
حد يقولى بأه ايه الاسلاك دى
و فى مشكلة لو مشيت بيها كده لغاية يوم الجمعة على ما اروح للميكانيكى و لا ايه
.
.
انا شكيت انه يكون سلك فرامل اليد ( محدش يتريأ )
بس جربتها لقيتها شغالة تمام

منتظر أراءكم..و شكرا جزيلا

انت بتتكلم عن سلك ولا ماسورة رفيعة ؟؟

لو ماسورة يبقى خطر جدا لان دول مواسير الباكم .. لو انا فاهم صح ..
وطبعا خطر عشان الزيت هيكون بينقص كده والفرامل هتهرب ..
مستني ردك ..

[kareem_Ashmawy]

لا ياباشا سلك مفهوش تجويف
و شكرا لردك..

[farahat]

ممكن يكون سلك فرامل إليد لكن ناحية واحدة فقط هي إلي انقطعت ، و التانية سليمة عشان كدة الفرامل لسة شغالة ، و الله أعلم

[kareem_Ashmawy]

هى كل عجلة رايحلها كذا سلك و لا سلك واحد
لأنى أما جربت فرامل اليد العجلة اللى ناحية السلك المقطوزع كانت بتمسك كويس..
وشكرا لردك أ.فرحات

[farahat]

الحاجات التانية إلي بيكون ليها سلك هي شداد فتح الشنطة من داخل الصالون و شداد فتح تنك البنزين ، و إن كنت برضه شكك في الفرامل

[amr mokhtar]

يمكن تكون أسلاك بتاعة طرمبة البنزين
أعتقد مفيش حاجة تانية فى المنطقة دى بتحتاج كهرباء غيرها

[kareem_Ashmawy]

الحاجات التانية إلي بيكون ليها سلك هي شداد فتح الشنطة من داخل الصالون و شداد فتح تنك البنزين ، و إن كنت برضه شكك في الفرامل

لايافندم معنديش فتح الشنطة و التانك من الداخل..هى غالبا فرامل اليد

يمكن تكون أسلاك بتاعة طرمبة البنزين
أعتقد مفيش حاجة تانية فى المنطقة دى بتحتاج كهرباء غيرها

لايا عمرو..دى مش اسلاك كهرباء
دى اسلاك معندنية...مش كهرباء
زى بتاعت شداد القفل بتاع الكبوت كده

[bee]

لايافندم معنديش فتح الشنطة و التانك من الداخل..هى غالبا فرامل اليد

لايا عمرو..دى مش اسلاك كهرباء
دى اسلاك معندنية...مش كهرباء
زى بتاعت شداد القفل بتاع الكبوت كده

عروستى يا كريم ..
يا ريت تعرفنا لما تعرف بقه عشان بجد اتلخبطتتتتتتتتتتتتتتت

[the-hero]

انت قصدك واير مش سلك يبقى مفيش غير وير الهاند
وباقى الأسلاك لطرنمبة البنزين وخراطيم بنزين
بس اكيد واير الهاند انزل تحت العربية وشوف

[محمد ابراهيم 1]

ممكن تكون سلوك الكهرباء بتاعة الفوانيس الخلفية

[kareem_Ashmawy]

الميكانيكى بص فى السلك اللى معانا و بنقوله دا وقع من العربية
و قال العربية كلها مفهاش سلك بالمنظر ده
و نزل تحت العربية و شاف السلك اللى كنت بقولكم عليه
قال ده مش سلك دى خراطيم الباكم
وراجع عليها و قال مفيش فيها اى كسر او حاجة ناقصة
و طلعت فى الاخر ان دى سلكة من الشارع شبكت فى العربية من تحت و مش تبع اى حاجة فى العربية

و طبعا ضربنا المشوار على الفاضى
بس بالمرة بقى غيرنا فلتر البنزين و البوجيهات عشان
كانت بنتش و مبتسحبش
.
.
شكرا جزيلا لكل من تفضل بالرد
و
نأسف للازعاج

[bee]

الميكانيكى بص فى السلك اللى معانا و بنقوله دا وقع من العربية
و قال العربية كلها مفهاش سلك بالمنظر ده
و نزل تحت العربية و شاف السلك اللى كنت بقولكم عليه
قال ده مش سلك دى خراطيم الباكم
وراجع عليها و قال مفيش فيها اى كسر او حاجة ناقصة
و طلعت فى الاخر ان دى سلكة من الشارع شبكت فى العربية من تحت و مش تبع اى حاجة فى العربية

و طبعا ضربنا المشوار على الفاضى
بس بالمرة بقى غيرنا فلتر البنزين و البوجيهات عشان
كانت بنتش و مبتسحبش
.
.
شكرا جزيلا لكل من تفضل بالرد
و
نأسف للازعاج

عشان تبقى تسمع الكلام من الاول لما اقولك :10D5C8~1107:
وبعدين كويس يا كيمو انت زعلان ليه الحمد لله انها طلعت سليمة يا مان

[kareem_Ashmawy]

طبعا يا بوب الحمد لله انها جت سليمة..
بس كنت متغاظ من المشوار بصراحة بس الحمد لله و ادينى طلعت بالفلتر و البوجيهات اللى اتغيروا..
و الله أول ما قال مواسير الباكم افتكرتك على طول

[bee]

طبعا يا بوب الحمد لله انها جت سليمة..
بس كنت متغاظ من المشوار بصراحة بس الحمد لله و ادينى طلعت بالفلتر و البوجيهات اللى اتغيروا..
و الله أول ما قال مواسير الباكم افتكرتك على طول

ههههههههههههه
اي خدمة يا مان ..
ومبروك على البوجيهات و الفلتر