نصيحة لمالكي البيجو 405 برستيج 2000 سي سي

[Mahmoud_405]

المعروف ان العربيات ال 2000 سي سي بتاخد 4 لتر زيت من غير فلتر و 4.5 لتر بفلتر بس ده غلط في البيجو 405 2000 سي سي الموتور بتاعها ال 8 صمامات بياخد 4.5 من غير فلتر و 5 بفلتر اما الموتور ال 16 صمام بياخد 5 من غير فلتر و 5.3 بفلتر.( مش موجود الموتور ده في مصر)
اصل انا لما غيرت زيت الراجل حطلي 4 من غير فلتر وانا مش حعمل كده تاني.
الكلام ده انا مش مألفوه ده من ال peugeot service and repaire manual

[شريف شعبان السيد]

Re: نصيحة لمالكي البيجو 405 برستيج 2000 سي سي

دكتور محمود انت من 15 يوم كنت فى التوكيل غيرت زيت هناك ولا بره وعملت ايه فى زيت الفتيس وكل عام وانت بخير

[waleedabbas]

شكرا يا محمود باشا على المعلومة
بس تكملة لكلام حضرتك ال 405 كلها بتاخد 4.5 لتر من غير فلتر وبتاخد 5 بالفلتر
يعنى سواء 2000 سى سى او 1600 سى سى
بس غريبة ان الراجل حطلك 4 لتر بس المفروض بيقيس بعد ما يحط ويلاقيها لسه ناقصة يكملك نص لتر كمان

[kareem_Ashmawy]

شكرا يا محمود على النصيحة :D

سؤال لو سمحتم
هو ضغط الاطارات فى البرستيج كام...
يعنى لما أروح أزود الكاوتش أخليه يضبط الضغط على كام شتاءا و كام صيفا....؟؟

[Mahmoud_405]

ياستاذ شريف انا انا غيرت الزيت قبل ما اروح التوكيل وزوت زيت الفتيس عملية مش مستهلة توكيل وبالنسبة ياكريم للصغط بتاع الكاوتش بيبقي مكتوب علي العربية (في استكر في باب السواء من جوه ) غالبا بيبقي 30 بس ماعرفشي حكاية الصيف والشتاء دي .

[Mahmoud_405]

صح يا اتستاذ وليد انا راجعت المانويال وشفت ان ال 1600 برده بتاخد زيت 4.5 من غير فلتر و 5 بفلتر. طب انا اروح ازود النص لتر ده.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Mahmoud_405]

الفيديو رائع. بس انا شوفت حاجة لمبة البنزين بتور معها لمل يدوس بنزين جامد ولنل يهدي عداد البنزين بيرجع تاني واللمبة تطفي .... المشكلة دي عندي بس شوفتها كتير في عربيات بيجو......هي دي حاجة عادية ولا العوامة يايزه وكمان لنا احود ولا الف عداد البنزين بيحرك جامد....

[waleedabbas]

اه طبعا يا باشا الافضل تروح تزود النص لتر
وبالنسبة لعداد البنزين بصراحة انا مقابلتش العيب ده قبل كده فمقدرش افتى لكن ممكن يكون العوامة والله اعلم.

[kareem_Ashmawy]

بس انا شوفت حاجة لمبة البنزين بتور معها لمل يدوس بنزين جامد ولنل يهدي عداد البنزين بيرجع تاني واللمبة تطفي .... المشكلة دي عندي بس شوفتها كتير في عربيات بيجو......هي دي حاجة عادية ولا العوامة يايزه وكمان لنا احود ولا الف عداد البنزين بيحرك جامد....

الحكاية دى عندى انا كمان بالضبط زى ما انت بتقول كده يا محمود

[Mostafa]

الموضوع ده انا عارفه

يا جماعه انا عندى الموضوع بتاع عداد البنزين ده . مؤشر البنزين فى البيجو 405 متوصل بطلمبه البنزين . الطلمبه متركب فيها شريحه صغيره مسننه و الشريحه دى واصل عليها العوامه . لما البنزين بيزيد العوامه بتترفع فالمؤشر ييجى على سنه معينه فى الشريحه فيظهر قدامك على التابلوه القرايه المقابله ليها .
كل المشكله ان السنون دى بتخف شويه فمع حركه العربيه البنزين بيتحرك فبيحرك العوامه اللى بدورها بتفضل تطلع وتنزل مع حركه البنزين فالمؤشر قدامك على لوحه التابلوه يفضل يتغير .
وللاسف الموضوع ده حله انك تغير الطلمبه كلها لان الشريحه صعب قوى حد يعرف يركبها على الطلمبه . انا عن نفسى دخت على ما لقيت طلمبه بايظه فكيت منها البشريحه بس محدش عرف يركبها

[Mahmoud_405]

طي الطلمبة دي بكام وبتباع مع العوامة ولا كل واحد لواحده؟؟؟؟؟؟؟؟؟؟؟؟؟؟؟؟؟

[kareem_Ashmawy]

طلمبة البنزين بألف جنيه.........من بره التوكيل

[Mostafa]

الطلمبه والعوامه حاجه واحده وبتباع بألف جنيه من بره التوكيل زى ما أ كريم قال . بس بتتباع استيراد ب 500 جنيه

[FLYINGPEUGEOT]

بس ابل ما تتدخل فى ال طلمبة البنزين
انصحك انك تخلى كهربائى كويس يراجعلك على العوامه وعلى ضفيرة الdashboard
لان ساعات بتبئى الطلمبه والعوامه سولام وبيكون فى تآكل فى الاسلاك بيعمل ارضى ويعملك البرجله دى

[Xpert]

الموتور ال 16 صمام بياخد 5 من غير فلتر و 5.3 بفلتر.( مش موجود الموتور ده في مصر)

موجود و عندي منه 2 .. بس راكبين في النص بتاعهم و المطلوب بيع النص بالكامل ... (العربيات نازله كامله قطع غيار و نازله نص امامي كامل)