سؤال ضرورى.......أرجو المساعدة!!

[m_diab]

أنا لسه شاري عربية 406 موديل2002

بس المشكلة انى لما أدور العربية الصبح بتحصل رجة جامدة و تقعد شوية كدة و ترح

لو فى حد يعرف السبب ياريت يقولى و شكرا جدا

[the-hero]

ده أكيد ياما ضبط ماتور يأما الشكمان

[m_diab]

شكرا يا باشا علر الرد
بس فى ناس بتقول دى قعدة موتور
اية رأيك؟؟؟

[the-hero]

كلام سليم الصوت ناتج عن رعشة فى الماتور وهو بارد ولما بيسخن بيضبط ممكن قواعد ماتور او ضبط ماتور واليونت أو ربط شكمان أفتح الكبوت وانت بتدور الصبح ولو لقيت الماتور بيتحرك ويرعش روح لميكانيكى ولو غير كدا يبقي الشكما

[ssafwat]

يا دياب لو العربية بتنتظم لما تسخن يعني تترج لما تكون باردة ولما تسخن تروح الرجة ده عيب كستبانات. لازم يتغيروا او تحاول يتنظفوا ويمكن يروح العيب ويمكن لاء. المهم تعمل الشغلانة دي يا في مركز خدمة يا عند ميكانيكي نضيف اوي عشان فيها فك وش السلندر. ربنا وفقك

[bee]

ولو العربية سحبها حاسه ضعيف ممكن تكون بتلت يعني شغالة 3 بوجيهات بس ولما بتسخن النتشة او الرجه بتروح

[m_diab]

شكرا يا جماعة على الرودود
بس ممكن حد يقولى على مكان حد بتاع قطع غيار 406 بس يكون أصلى و ياريت لو نمرة تليفون

[nabaster]

شكرا يا باشا علر الرد
بس فى ناس بتقول دى قعدة موتور
اية رأيك؟؟؟

معلش لتاخير الرد بس انا اول مره اشوف الموضوع

عموما لو حابب تجرب انها مشكلة قاعده او لا

تعالي الصبح والعربيه بارده ومن تحت البوابه تمسك بايديك اليمين وايديك الشمال البدي من قدام من ورا الريداتير

وتحاول تهز الموتور بقوتك مرتين تلاته بس اوعي تكون ماسك من حته فيبر او قابله للكسر

لو كراسي الموتور هتحس ان الموتور في ايديك رايح جاي وبيتحرك

شكرا يا جماعة على الرودود
بس ممكن حد يقولى على مكان حد بتاع قطع غيار 406 بس يكون أصلى و ياريت لو نمرة تليفون

لو ممكن تقول مكان حضرتك

A.Yakout