بيجو 306

[zima_1st]

انا مشترك جديد فى الموقع ده وبجد حبيته اوى لكم المعلومات الى فيه المهم ... :k32:

انا بفكر اشترى البيجو 306 موديل التسعينات بس نفسى فى معلومات من الى عندهم خبره فيها يعنى .

- سعر العربيه دلوقتى يعمل كام لو حالتها كويسه
- سعر قطع غيارها
- انجيكشن ولا كربيراتير
- سحب العربيه وثباتها
- الميكانيكيه بيفهمو فيها ولا ايه
ويا ريت نقدر نجمع اكبر كم من المعلومات عنها

[Nour_Peugeot]

بالنسبه لسعر العربيه يابدا من 30 الف الي 40 الف حسب الحاله و الموديل

قطع غيارها موجوده بس قليله و فعلا قليله و في حجات بتبقي مقرفه شويه بس البيحب العربيه مش بتفرق معا

كل صانيعيه البيجو فاهمين فيها

لو هتجيب هات كلبرتير احسن و اريحلك في الصيانه

سحب العربيه كويس جدا لو ال 1600 و ثباتها عالي طبعا

بالنسبه لاسعار قطع الغيار هي اغلي من ال 405 و ارخص من ال 206

يعني اسعار غاليه بس في المعقول

و يارب اكون قدرت افيك

[fakhry]

فعلا سعر العربيه زي ما نور بيقول وعلي حسب الموديل و الحاله
قطع الغيار كويسه جدا و تعتبر رخيصه كمان بالنسبه للبولو و الابيزا ومتوفر جدا بالنسبه للموتور و العفشه اما بالنسبه للفوانيس والحاجات الخارجيه مش اي حد ممكن يكون عندة قطع غيارها جديدة انما استيراد متوفر وممكن تنزل الوكاله او الحرفيين و تسأل
اما بالنسبه للتصليح صيانه عاديه مش معقدة و هتلاقي كذا ميكانيكي بيشتغلو فيها وهي هي نفس موتور 205 من موديل 88 و ال106 و ال206 و الستروين ax , Zx , xsara يعني الموتور محفوظ في التصليح مش مقرف ولا حاجة
والموتور غالبا بيبقي كربيراتير
طبعا بالنسبه للثبات فهي رهيبه و كانت نزله مع جولف الدبه (3) وتفوقت عليها في 3 حاجات التصميم و الثبات و التسارع الكلام دة تقريبا كان سنة 94 و خدت جائزة المقود الزهبي و اللي صممها مصمم ايطالي شهير بيصمم للفيراري
وانا علي فكرة عندي 306 موديل 94 تكييف و باور و سنتر و زجاج كهرباء و مريات كهرباء و1400 سي سي 75 حصان وحالتها كويسه جدا فانا مش عارف اللي قدامك دي موديلها كام و حالتها ايه لو عاوز تجرب العربيه قبل ما تشتريها ممكن تيجي تجرب عربيتي وتاخد فكرة انا علي فكرة بعشق التميز وبحب اكون سايق عربيه مش موجود منها كتير

[zima_1st]

اولا انا احب اشكركم على ردكم المفيد
بصراحه انا كان معايا fura 127 اتعلمت فيها السواقه وبهدلتها وهى كمان بهدلتنى ولسا بيعها من كام يوم وهفكر اشترى حاجه تانيه بس لما اخلص امتحانات
فلو المسائل الماديه اتظبطت معايا كويس هجيب peugeot 306
اما لو غير كده هجيب citroen ax لانى شايف الى حد ما الاثنين نفس التكنولوجيا وبصراحه بحس ان ان المصرين مش مقدرين قيمتهم
ولا انتم ايه رايكم........
وعلى فكره انا معايا ال Manual لو حد محتاجه انا ممكن ارفعه