جنوط السبور لل 307

[Mahmoud_405]

انا واحد صحبي عندي 307 بس للاسف من غير جنوط فكان عايز يعرف جنوطها الاصلية بكام؟؟؟

[ssafwat]

يا محمود العربية اللي من غير جنوط سبور غالباً بتكون متباعة عن طريق الوكيل وبتكون جنوط 15 لكن الجنوط السبور 16

صاحبك لازم يفكر انه مش بس حيغير جنوط لكن كمان كاوتش.

15: 195/55/15
16: 205/65/16

فرق السعر بين الإثنين كبير وكمان الجنط السبور ، الواحد الأصلي بيعملوا حوالي 2500 وده سعر التوكيل. يعني من الآخر يعمل حسابه في 14,000 جنيه.

انا رأي انها لو زيرو على الأقل يستنى على الـ 50 الف ويبقى مضطر يغير الكواتش

[Mahmoud_405]

14,000 جنيه

سعره غالي قوي وانا شليف ان في جنوط اشيك من الاورجينال بكتير

[FLYINGPEUGEOT]

حوووووووووووووده حبيبى عامل ايه..والله واحشنى موووت..اخبارك ايه واخبار الطب والاسماعيليه ايه

وssafwat هانم اللى مناواره القسم :) نجمة المنتدى :)

14000 ايه يا نجمه بس..:) ..دا حتى تبقى عيبه فى حق سمعتى فى السوق :)
هو احنا افنديه بردو :)

هو فعلا سعرهم كده فى التوكيل....بس انا ليا عيون فى كل مكان زى منتوا عارفين :)

انوى انت ياحوده بس ...وانزللى مصر كده يوم من اوله...نتغدى سوى...وننزل اجبلك

اجدعها جنط 16 لل 307 ..بم فيهم الجنط ال conical كمان!!!!!!!!!!!
.ياترى عرفين بكام ؟؟؟؟
مستعده للصدمه يانجمه :)

2000 جند فقط لاغيييييييير !!!!!!!!!!!!!!!!!!!!!!!!!!!!!!!!!!!!!!!!!!!
...ومتسألنيش ازاى وامتى وفين...دانا الزعيم بردو :)

[ssafwat]

:) محدش قال فن مافيش ارخص من التوكيل بس 2000 للأربع جنوط ده سعر هايل الصراحة !!

لكنه برده محتاج كاوتش وأقل فردة محترمة ب 700 جنيه والمحترم اوي بيوصل 1000. انا شخصياً بفضل الكونتينتال الفرنساوي جربته والكوتش قعد معايا 35 الف وبعت العربية وحالته زي الفل

[dr_3eshoo]

مهيا بتبقى كده
شفت جنوط للبسات عند محمد زكي قالي 8000 جنيه للاربعه
بس لما دورت من تحت ل تحت لقيتهم ب 3700 طبعا من غير كاوتش
مش عارف التوكيلات دي بتستهبل و لا ايه

[ssafwat]

لقيتهم فين با دكتور عيشو؟ ممكن اسم وعنوان وتليفون؟؟

[dr_3eshoo]

دي للبسات مش للبيجو
دي في شارع رمسيس قريب لجامع الفتح

[dr_3eshoo]

بصراحه مش فاكر الاسم و لا التليفون بس العنوان في شارع رمسيس في في اخره
ناس بتبيع قطع غيار فولكس

[ssafwat]

اخر الشارع من انه اتجاه يا عيشو؟ من فضلك حاول تفتكر عشان في ناس معارفي عايزين جنوط سبور للـ Jetta ومستغليين سعر محمد زكي

[dr_3eshoo]

من نحيه جامع الفتح

[dr_3eshoo]

في تلاته جنب بعض
في كمان في شارع دمشق في ناس كتير بتوع قطع غيار فولكس بس ماشفتش عندهم جنوط

[ssafwat]

انا كده تهت رسمي :d عموماً شكراً على محاولتك

[dr_3eshoo]

يا فندم انا من دمياط معرفش الاسامي اوي
انا الي اعرفه رمسيس له نحيتين نحيه عند توكيل ميتسوبيشي و النحيه التانيه نحيه جامع الفتح بس مش اكتر فين التوهان هنا

[ssafwat]

المشكلة مش عندك المشكلة عندي انا بره مدينة نصر معرفش كثير :(