نبذة عن مواتير ال 405

[the-hero]

السلام عليكم ورحمه الله وبركاته
أزيكم يا حبيبي يا بيجوهاتيه تحياتى الطيبة لكل أفراد العصابة
وكمان شايف أفراد جديدة تسعى للدخول فى عصابتنا ربنا يوفقهم
النهارده بقي قلت ألملكم جميع المعلومات عن ماواتير البيجو ال 405 عشان الكل يستفيد
أقدم ماتور ويعتبر الاصغر فى السعة الترية السي سي
TU3 GL 1360 carb ...er 34TLP
65 حصان
ده بقي ماتور نارد جدا جدا مش موجود غير فى عربيات وارد الخارج وسيارات المعوقين ومنز لش منه غير موديلين 88و89 بس
نيجي بقى للماتور الأكثر انتشارا فى مصر وهو 1600 سي سي كر براتير 92 حصان

XU51C.1580 carb...er 36TLC,Solex34-34Z1 92hp
ماتور 4 سلندر8 صباب كربراتير 92 حصان التسارع من صفر ال 100 فى
12 ثانية السرعة ال قصوى 210كم/ساعة أستهلاك البنزين من 200 الى 240 ك فى الصفيحة
لايعتبر ماتور رياضى ولكنه قوى وعزمه كبير 150 نيوتن
سير كاتينة 114 كل 50 الف كيلو. الزيت الماتور 4.5 ك بدون فلتر بفلتر 5ك شيل الأصفر من 3000 ال 5000 كم
زيت الفتيس3 كجم لكل 10 ألآف كم
يوجد منه موديلات GL.GLX.GR
فى أوربا موديلات من مو 88 ال مو 92
فى مصر من مو 88 ال مو 92 الفرنساوى وارد الخارج 405 الشكل القديم ومن مو 92 ال مو2003 وجيه اباظة الشكل الجديد
جسم الماتور من مادة الانتيمونيوم
أجزاء التثبيت بجسم السيارة كراسي الماتور ثلاثة كسأر موديلات البيجو الجر الامامى
تكيهات الماتور تعمل بضغط الزيت لذلك لآ يتم التعديل بها ولكن لضبطها يتم خراطةالأطباق الخاصة بها واعادة تركيبها لتخفيض صوت المحرك
يجب مراعاه الاولسيهات للمكينه وكذلك أولسيهات الكبالن لعدم الترشيح
وكذالك أستك الاسبراتير وجوان الطرنمبة وجوان غطاء التكيهات
وكل أعطاله تكمن فى الكربراتير والأسبراتير والفتيس
وفاصل ونكمل باقى المواتير

[Mahmoud_405]

الله عاليك يا احمد... معلومات جامده

[Samah AbdAllah]

[marq="3;right;3;scroll"]
الف شكر عالموضوع
[/marq]

[Mahmoud_405]

بعد اذنك يا احمد باشا ممكن اتكلم عن موتور ال 2000 سي سي (البرستيج)
الموتور اول مره ينزل في ال 405 سنه 1992 في فرنسا ونزل في مصر تحت اسم 405 برستيج معرفشي بدا نزوله امتي في مصر
2000 سي سي 123 انجكشن حصان وعزم 176 نيوتن لكل متر عند 2750 ار بي ام
8 صباب وكامه واحده بياخد 4.5لتر زيت بدون فلتر و 5 بالفلتر
يعيبه ارتفاع قطع غياره بالنسبه لمواتير ال 1600 وبرده مش منتشره قوي
العربيه كانت بتنزل ماتيوال او اوتو ويزيد عن ال 405 العاديه 2 ازاز كهرباء في الخلف ومرايات كهرباء وجنوط سبور
ولو اي حد يعرف اي زياده عن البرستيج يفدنا يارجاله

[amr mokhtar]

الف شكر على المعلومات الهايلة
و بجد موتور 1600 و كاربيراتير يقدر يجيب من 0 ل 100 فى 12 ثانية فقط و كمان توب سبيد عالى

حاجة مبهرة

بس هل فيه موتور 405 و يكون 1600 و فيه وحدة تحكم إلكترونى و لا مفيش منها كده؟

و منتظرينك بعد الفاصل

[the-hero]

عدنا
الماتور ا لتالت 1900 سي سي العادر مزودبكربراتير هاف انجكشن الماتور ده بقي حكاية بس قليل برضوا اوى
110 حصان يشبه كتير الماتور ال 1600 بس عزم اشد 170 نيوتن وبرضواواحد كامة 2 صباب

XU92C.405 GR,SR 1905 carb Solex 34-34Z1/Z2 110hp

مجموعة مواتير البرستيج الماتور الاسمر الفول انجكشن
تعتبر من احدث المواتير اللى نزلت فى ال405 ونزل منها تلات مواتير مختلفةالأول

XU5M2 .405 .1580 EFI Bosch 90hp

ماتور 1600 سي سي فول انجكشن 90 حصان 2كامة 16 صباب ماتور جامد جدا عزم 160نيوتن سرعة قصوى 220 زمن
التسارع من 0 الى 100 فى 9 ثوانى
نزل من موديلات GL.GR وكمان نزل منه أوتوماتيك
وعلى فكرة الماتور ده نادر برضوا جدا جدا
التانى
XU7JP 405 (Automatic) 1761 EFI Bosch 103hp
1800 سي سي فول انجكشن واحد كامة 8 صباب نفس الشكل
ماتور مصنوه من مادة تشبه الزهر المقوى بالصلب وليس كل اللموديلات السابقة المصنوعة من الأنتمونيوم
ماتور متوافر فى مصر نزل منه موديل واحد بس GRX وده من سنه 92 المو 96 وده صبعا فى أوربا لكن فى المحروسه برضوا لحد 2003
الماتور الجبار بقي البرستيج ال 2000 سي سي

XU10J2C. 405 .1998 EFI Bosch 123hp
الماتور ده بقي حكايى زى ممحمود قال
نزلت منه موديلات GRX SRi,GTX كنات فى اوربا من مو 92ال 96 وبرضه فى مصر لحد 2003
ماتور ماشاء الله عزم هايل 179 نيوتن متر عند 2750 لفة
صعب جدا تلاقيه فى اى عربيه بالعزم ده طبعا بخلاف ال 406
ماتور زى ماقال محمود بيجو
برضوا نفس الشكل الماتورين اللى فاتو بس ده بقي مزود بجذى مستطيل ماسك الويرات والاسلاك وداخل فيه زيت الفرامل هو ده اللى بيميزه عن الاتنين اللى فاتوا فى الشكل
تسارع من صفر ال 100 فى 9.5 ثانية
كل المواتير البرسنيج الفول انجكشن لا يعتبروا مواتير رياضية ويعيب عليه أرتفاع الصوت وكل مشاكلها تكمن فى الكهربا
لكن ميكانيكيا تعتبر بسيطة وغير معقدة

[the-hero]

تغير الزيت كل 3000 ال 5000 شيل الأصفر بتاخد 4.5 ك بدون فلتر و5 بالفلتر
زيت الفتيس كل 50000 كم وكذالك سير الكاتينه الاصلى
التنك 70 لتر لكل موديلات ال 405
أستهلاك البنزين من 170 ال 190 فى الصفيحة
سرعة قصوى 225 كم/ساعة
يوجد بكثرة لدى تجار الأستيراد بالزقازيق وبورسعيد
الماتور بالفتيس بالضفيرة واليونت من 3500ج ال 4500 ج
وواصل ونفاصل

[the-hero]

نيجى بقي على توب المحركات فى ال 405 وهى محركات رياضية تمتاز بالسعة اللترية الكبير من 1900 ال 2000 سي سي وتعطى قوة حصانية كبيرة بالرغم ن انها 4 سلندر

سلسلة مواتير ال mi16

XU9J4 .405 Mi16 1905 Motronic 160hp 10.4
XU9J4 .Mi16 1905 Motr 1.3 150hp 9.5 US model

مواتير رياضية فول انجكشن ب 2 كامة و16 صباب نادرة جدا فى مصر ومنتشرة بشكل كبير فى اوروبا نزل منها موديلات من 88 ال مو 92 وكلها ماوتير رياضية زات سعة لتريه 1900 مزودة بفلتر رياضى وتنتج قوة 160 حصان والموديل الامريكى 150 حصان
تسارع من صفر ال 100 فى 8.5 ثوانى
بسرعة قصوى 250 كم / ساعة
الماتور ده فى منه أستيراد بيعمل فى رينج من 7000 ج ال8000 ج

الماتور ده بقي فور باى فور
XU9J4Z.405 Mi16 Mi16 X4 (4WD) 1905 EFI Bosch 148hp With Kat
أخر ماتور بقي لسلسه مواتير ال 405 وأقواهم هو
T16

XU10J4TE .405 T16 1998 EFI Turbo 200hp
ماتور رياضى من الطراز الاول منزلش مصر نهائيا ونادر عن تجار الاستيراد بس يتجاب برضه بس بصعوبة
ماتور فول انجكشن 2 كامة 16 صباب فلتر رياضى تيربو تشرجر أصلى أداى خيالى 200 حصان سرعة سحب ملهاش حل من صفر ال 100 فى 7 ثوانى
سرعه قصوى 250 كم /ساعة
نزل من موديلات من 92 ال 96 ويعتبر هو اخر مأنتجته بيجو من مواتير ل 405
وبكدا يبقى انتهينا من عرض جميع محركات السيارة الرئعة ال 405 اللى تعتبر من أفضل ما انتجته بيجو
وكفايه كدا أحسن أنا تعبت من المواتير اللى هتجننى ديه
والسلام ختام

[aboasmaa88]

شكرا على المعلومات القيمه والى الأمام دائما

[kareem_Ashmawy]

حاجة جميلة تسلم ايدك يا أحمد باشا
موتور البرستيج متعرفوش ...أقصى سرعة كام؟؟
عشان كان فى واحد لذيذ عمال يجادل فى أهلى ان البرستيج حتى لو 2000 سى سى
عمرها ما تجيب حتى 200 كم/س

[the-hero]

حاجة جميلة تسلم ايدك يا أحمد باشا
موتور البرستيج متعرفوش ...أقصى سرعة كام؟؟
عشان كان فى واحد لذيذ عمال يجادل فى أهلى ان البرستيج حتى لو 2000 سى سى
عمرها ما تجيب حتى 200 كم/س

ياراجل أذكان عربيتى ال 1600 بتعدى ال 200 يبقى البرستيج بقي هتعمل ايه

وريله الصورة ديه


ولو مصدقش هرفعلك كليب فديو

[the-hero]

ال ماتور ال 1600 كربراتير

الماتور ال 1900 هاف انجكشن

ماتور البرستيج ال 2000 سي سي

ده بقي ماتور ال mi 16

وده العملاق ال T16

[nabaster]

تسلم ايديك يا ابو حميد

علي فكره واحشني موت يالي مبتسألش

[harphosh]

أولاً : شكر خاص لأخى أحمد على المعلومات الجميلة دى عن مواتير البيجو

حاجة جميلة تسلم ايدك يا أحمد باشا
موتور البرستيج متعرفوش ...أقصى سرعة كام؟؟
عشان كان فى واحد لذيذ عمال يجادل فى أهلى ان البرستيج حتى لو 2000 سى سى
عمرها ما تجيب حتى 200 كم/س

ثانيا / سيب اللى يجادل يجادل يا باشا وبدون مبالغة ولا تحيز صدقنى موتور الـ 405 الـ 1600 مش الألفين على طريق جيد وبروقان يجيب الـ 200 كم/س ببساطة وده عن تجربة بس للمصداقية لحد الـ195 كم/س وبعدين خفت أكمل أكثر من كده العمر مش بعزقة !!

[amr mokhtar]

موضوع رائع
تسلم إيدك يا أحمد

و فى إنتظار المزيد