إستفسار محيرنى

[skipper35]

إلى كل أعضاء منتدى البيجو الكرام هناك حاجة محيرانى وهى إنى وطنى جداً ومنتمى للسيارة البيجو خاصة 504 اللى أنا إتربيت عليها وشفت فيها أيام حلوة لكن لما جيت أشترى عربية ليا وزى مانتو عارفين ماخاب من إستشار فوجئت إن الكل بيقولولى إن البيجو سعره عالى وإن فى حاجات ألمانى ويابانى إمكانياتها أعلى وسعرها أقل زى مثلاً المقارنة بين الكورولا 2009فول أوبشن وال308sw وشكراً

[walids]

السلام عليكم

البيجو 504 عربيه محترمه
لكن لما اكون معايا مبلغ محترم و بقارن بين بيجو 504 و بين تيوتا كرولا 2009
فأكيد هشتري ال الكرولا
لأسباب كتيره أهمها الموديل و امكانياته

بالنسبه لبيجو 308sw فمعنديش معلومات عنها
لكن الموضوع ده ممكن يفيدك

http://nilemotors.net/Nile/showthread.php?t=82839

[the-hero]

الاوربى بوجه عام لا يقارن باليبانى خالص
يعنى مفيش اى مقارنه أساسا بين ال 308 والكرولا
ليه لأنك بتكلم فى عربيه عالميا مكسرة الدنيا وعمله ضجة فى أوربا
تكنولوجيا رهيبة فيها حجات الواحد لسه معرفهاش
التيوتا بقي مفيهاش abs أو اى حساسات او كمبيوتر
هنقارن بينهم بقي ازاى

[skipper35]

معاك حق يا وليد باشا بس أنا كان قصدى المقارنة بين الكورلا وال308sw ليه دايماً البيجو غالى أكيد فيه سر خاصة إننا بنقارنها بفئات كويسة برضه

[skipper35]

hero باشا أنت لفت نظرى إن الكورولا مفيهاش abs ولا كمبيوتر طب يا باشا أنا عايز أجيب مستعمل أجيب إيه فى حدود80000

[nabaster]

علي ما ابو حميد يرد عليك

الـ 80 الف دول يجيبولك حته 307 مستريح عربيه نضيفه وشيك وواسعه

بس اعمل حسابك ودي جمله سمعتها من الصنايعي بتاعي

البيجو عربيه مينضحكش عليا

[WaleeD-ZidaN]

التيوتا بقي مفيهاش abs أو اى حساسات او كمبيوتر

إزاي يا باشا الكورولا مفيهاش abs???

[the-hero]

علي ما ابو حميد يرد عليك

الـ 80 الف دول يجيبولك حته 307 مستريح عربيه نضيفه وشيك وواسعه

بس اعمل حسابك ودي جمله سمعتها من الصنايعي بتاعي

البيجو عربيه مينضحكش عليا

الراجل جاب من الأخر +10000000000000000000

hero باشا أنت لفت نظرى إن الكورولا مفيهاش abs ولا كمبيوتر طب يا باشا أنا عايز أجيب مستعمل أجيب إيه فى حدود80000

307عربيه ممتازة وعندك كمان ال 406 بس تكون موديل عالى 2004 او 2005

إزاي يا باشا الكورولا مفيهاش abs???

لو بصيت لكل التويات اللى فى مصر كلها بطنابير خلفية مش سكاكين وكمان العربية مفيهاش اى تقنية وماتورها يعتبر بسيط ومفيهاش لا كمبيوتر ولا سنسورات ولا أى حاجة
ولو لقيت منها الخليجى مواصفات خاصة هتلاقيها بالكتير او فيها abs+ايرباجز
وشكرا على كدا

[WaleeD-ZidaN]

لو بصيت لكل التويات اللى فى مصر كلها بطنابير خلفية مش سكاكين وكمان العربية مفيهاش اى تقنية وماتورها يعتبر بسيط ومفيهاش لا كمبيوتر ولا سنسورات ولا أى حاجة
ولو لقيت منها الخليجى مواصفات خاصة هتلاقيها بالكتير او فيها abs+ايرباجز
وشكرا على كدا

يا باشا التويوتا ال 2008 اللى فى التوكيل كلها فيها abs و2 air bags
والخليجى فيها 8 air bags
وفى 96 بيبقى فيهاabs بس مش كلها طبعا (مواصفات اوروبية)
و 2002 برضه فيها بس مش كلها ونفس الكلام ل2005
الكلام ده ممكن تتاكد منه بنفسك من الاعضاء اللى معاهم العربيات دى

[the-hero]

يا باشا التويوتا ال 2008 اللى فى التوكيل كلها فيها abs و2 air bags
والخليجى فيها 8 air bags
وفى 96 بيبقى فيهاabs بس مش كلها طبعا (مواصفات اوروبية)
و 2002 برضه فيها بس مش كلها ونفس الكلام ل2005
الكلام ده ممكن تتاكد منه بنفسك من الاعضاء اللى معاهم العربيات دى

اوكيه كلامك سليم بس برضه الامكانيات ديه تعتبر قديمة برضه. البيجو مثلا ال 307 موديلات قديمه وتلاقى فيها اوبشن رهيب كمبيوتر كامل بأوضاع كميه سنسورات وحساسات غير عاديه حساسات ضوء ومطر . تلاجة فى الطبلوه. سنسور ركن . تدوير تاتش بكارت
وعوامل الأمان بس
abs و ebd و eba و عدد من 5 ال 9 srs air bags
فين التويوتا من ده كلوا ولو قارنت هتقارن بال مو الجديد بقي ال 2009 سعرها 160 الف الفول اوبشن

[WaleeD-ZidaN]

اوكيه كلامك سليم بس برضه الامكانيات ديه تعتبر قديمة برضه. البيجو مثلا ال 307 موديلات قديمه وتلاقى فيها اوبشن رهيب كمبيوتر كامل بأوضاع كميه سنسورات وحساسات غير عاديه حساسات ضوء ومطر . تلاجة فى الطبلوه. سنسور ركن . تدوير تاتش بكارت
وعوامل الأمان بس
abs و ebd و eba و عدد من 5 ال 9 srs air bags
فين التويوتا من ده كلوا ولو قارنت هتقارن بال مو الجديد بقي ال 2009 سعرها 160 الف الفول اوبشن

بص يا باشا انا عامة مش بقارن بين العربيتين انا بس كنت برد على موضوع الabs اللى مش موجود فى التيوتا
لان مينفعش نقارن مابين (صينى وكورى ولا كورى و يابانى ولا يابانى و اوروبى)
وطبعا محدش يكره التكنولوجى والكمبيوتر والسينسورز
بس التكنولوجيا لما بتزيد المشاكل والاعطال بتكتر وللاسف الشديد حدانا فى البلد (مصر)
الصيانة بتفشل و بتعجز فى بعض الاحيان امام احد الاعطال اللى ممكن تكون مش كبيرة برضه

[the-hero]

بص يا باشا انا عامة مش بقارن بين العربيتين انا بس كنت برد على موضوع الabs اللى مش موجود فى التيوتا
لان مينفعش نقارن مابين (صينى وكورى ولا كورى و يابانى ولا يابانى و اوروبى)
وطبعا محدش يكره التكنولوجى والكمبيوتر والسينسورز
بس التكنولوجيا لما بتزيد المشاكل والاعطال بتكتر وللاسف الشديد حدانا فى البلد (مصر)
الصيانة بتفشل و بتعجز فى بعض الاحيان امام احد الاعطال اللى ممكن تكون مش كبيرة برضه

طبعا طبعا كلامك سليم بس التكنولوجيا بتغرى الواحد وليها فوايد كتيرة جدا
وعلى فكرة انا من كلامى مش بقلل من شان التويوتا عربية محترمة جدا وليها مميزات بتتفوق على الاوربي فيها
بس كدا كدا الزمن بيتقدم والتكنولوجيا بتزيد فحكاية ان احنا مش مواكبين التطور ده عيب فينا وكدا كدا لآزم نتأقلم معها بأرادتنا أو غصب عنا