Tweet
السلام عليكم و رحمة الله و بركاته يا احلى منتدى ....
أولا اعرفكم بنفسى .... انا اسمى هانى مهندس بشتغل فى السعوديه
أحكيلكم حكايتى مع البيجو 307
أنا كنت بدور على عربيه مستعمله امشى بيها حالى فى السعوديه فى حدود 15000 ريال
المهم و انا بدور مفيش حاجه شديتنى غير دى
لقيتها فى احد المعارض ب 18000 ريال المهم اشتريتها و كانت عامله 150 الف كيلو موديل 2003
أول لما اشتريتها وديتها للتوكيل غيرت سير التايمنج ( الكاتينه ) و الفرامل و الفلاتر و البوجيهات و تشييك على العربيه
و طبعا اتلسعت 2500 ريال من اولها مده فى اول صيانه ( سير التايمنج لوحده مع التركيب حوالى 1000 ريال)
المهم .....
أول لما ركبت العربيه حسيت بالذوق الفرنسى فعلا العربيه شيك جدا و الخامات فوق الممتازه
لما بدات اتحرك بالعربيه حسيت انها تقيله ..... يعنى ماسكه فى الارض و كمان ناعمه قوى
كمان الطابلوه بتاعها منظم و البيانات فيه واضحه
انا قعدت ماشى بيها جوه البلد شويه ..... التكييف ممتاز و تاتش و اكتشفت ان فيها تلاجه .... فيه فتحة فيرون بتضخ هواء بارد فى المكان الى بيسموه درج القفازات ده .... بصراحه انا مخدش فى بالى و قلت دى لا هتسقع ولا حاجه
لغاية دلوقت انا مبسوط بالعربيه و شايف انها عربيه شيك و مش قويه قوى ( لانى لسه مجربتش قوتها )
كانت فيه حاجه مضايقانى .....ان انا اول لما اطلع بالعربيه و اوصل لحوالى 20 كم و بدون ما ازود بنزين احس ان عزم العربيه زاد قوى لمدة 30 ثانيه و بعد كده ترجع طبيعى تانى ( كنت فاكر ان فيه حاجه مش مظبوطه فى الكهربا بس طلع ده التيربو بيساعدك فى التسارع)
فى يوم من الايام و انا داخل على الاشاره حوالى سرعة 60 كم لقيت واحد بيعدى الطريق و مدى وشه الناحيه التانيه ....و كان بينى و بينه اقل من 10 متر فضربت فرامل باقصى قوه ..... طبعا من خلال خبرتى مع العربيات التانيه الى كنت بسوقها قولت ان انا هخبطه و رحت فى الكلابوش يا عم هانى ...... و اذ بى اوفوجأ ان العربيه وقفت و ايه بى اس اشتغل و الحمد لله عدت على خير و عرفت قيمة الفرامل القويه
طبعا العربيه بتديك درجة الحراره الخارجيه كام و البنزين الى موجود يمشيك كام كيلو و معدل استهلاك البنزين الحالى كام و متوسط معدل استهلاك البنزين كام ..... بصراحه الكمبيوتر ده مفيد جدا
كنت انا وواحد صاحبى معاه تويوتا كرولا بتناقش ولاقانى مبهور من العربيه و قالى ان هوه ممكن يطلع منى بعربيته ...
بصراحه انا مجربتش العربيه ..... بس موتور البيجو اقوى من التويوتا و هوه 1600 سى سى و انا 1600 سى سى .... بس اليابانى التسارع بتاعه اكبر من الاوروبى .... بس انا عندى تيربو برضه ..
المهم طلعنا طريق مفتوح وواحد اتنين ثلاته جوووووووووووووووو
فى الاول هوه طلع منى .... تقريبا اول 3 ثوانى .....انا عملت كيك داون على الاول العربيه طلعت عادى و هوه سبقنى لغاية لما التيربو اشتغل من سرعة 25 تقريبا لغاية لما وصلنى لسرعة 40 بعدين جبت التانى و كيك داون اشتغل برضه التيربو معايا لسرعة 70 تقريبا بعد كده اصلا تسارع العربيه بيبقى ممتاز ..... طبعا اخينا كان وره فى الطراوه و البيجو اكتسحت الكرولا......
نيجى على طريق سفر ..... انا سافرت من الرياض الى المدينة المنوره حوالى 850 كم ...... و بصراحه كنت قلقان من الطريق و ان العربيه صغيره و ممكن متكونش مريحه فى السفر ..
توكلت على الله و طلعت و كانت اقصى سرعه جبتها قبل كده 120 كم
جبت العصائر و المياه و اللذى منه و حطيتهم فى الى بيقوله عليه تلاجه و قولت اهو على الاقل ميسخنوش
فى الاول كنت ماشى 120 .....بعدين جبت 130 بعدين اتشجعت و جبت 140 لقيت العربيه لوحدها بتقولى هات 150 جيت اعدى من واحد جايب 150 جبت 160 و العربيه ما شاء الله ثابته و فضلت ماشى على 150 طول الطريق لغاية ما لقيت لجنه شيك و فى منتهى الادب و الذوق قالولى مخالفة سرعه و عطونى وصل بالمخالفه من غير ما يخدو الرخص لان كل حاجه بتتسجل على رقم الاقامه ... المهم كنت مشيت حوالى 450 كم قولت اقف اريح بقه شويه و كانت قزازة الميه الى جانبى خلصت ففتحت الثلاجه اجيب قزازة ميه و فوجئت انها ساقعه جدا زى ما تكون حاططها فى تلاجة بيتكم
البنزين كان قرب يخلص ففولت و كملت المشوار .... قبل ما اروح المدينه الناس حذرونى ان من بعد القصيم لغاية المدينى حوالى 400 كم مفيش ولا بنزينه على الطريق ..... طبعا يالت البيجو يا بيجو ممكن تمشى قد ايه بعد لما فولتى و على سرعه زى الى كنتى ماشيه بيها ال 450 كم الى فاتو قالتلى معدل استهلاكك يا فندم 9 لتر لكل 100 كيلو و ده يعملك حوالى 666 كم ... قولت تمام.
ودى المميزات الى شوفتها فى البيجو 307
بصراحه البيجو ممتعه فى السفر و مسافة 850 كم موقفتش غير يمكن مرتين او تلاته و العربيه مسخنتش ولا اشتكت.
طبعا فى انذار للسرعه بعد 120 و ده ممكن يتقفل علشان الدوشه
حرارة العربيه ثابته ما بين 90 و 95 و غالبا 95 مبتجيش غير فى الزحمه او على السرعات فوق 150
اول لما تشغل العربيه و تمشى بيها الابواب بتتقفل اوتوماتيك
لما تبطل العربيه النور الداخلى بتاع العربيه بيشتغل لوحده و الابواب بتتفتح
يمكن التحكم فى ارتفاع او انخفاض الانوار الاماميه للعربيه ( يعنى فى الطريق السريع لو شغلت العالى الناس هتقعد تنورلك علشن متزغللين و لو شغلت الواطى مش هتشوف مسافه بعيده خصوصا لو انته على سرعه عاليه فانا كنت بشغل الواطى و اعلى مستوى النور من الزرار بيبقى مناسب جدا)
ثبات العربيه ممتاز بس لو فيه رياح جامده مش هتعرف تعدى 120 علشان العربيه بتتاثر بالرياح الجامده
الثلاجه مفيده جدا فى السفر و مكنتش باضطر اقف علشان اجيب حاجه ساقعه ( منا معايا تلاجه :) )
استهلاك البنزين بتاعها ممتاز بس على السرعات العاليه بيزيد شويه
العربيه عاليه و مش بتحك فى اى مطبات
طبعا الموتور قوى و التيربو بيساعد قوى فى التسارع
و دى تجربتى المتواضعه عن العربيه البيجو 307 موديل 2003 بعد قيادة 12000 كم فى حوالى 8 شهور
أولا اعرفكم بنفسى .... انا اسمى هانى مهندس بشتغل فى السعوديه
أحكيلكم حكايتى مع البيجو 307
أنا كنت بدور على عربيه مستعمله امشى بيها حالى فى السعوديه فى حدود 15000 ريال
المهم و انا بدور مفيش حاجه شديتنى غير دى
لقيتها فى احد المعارض ب 18000 ريال المهم اشتريتها و كانت عامله 150 الف كيلو موديل 2003
أول لما اشتريتها وديتها للتوكيل غيرت سير التايمنج ( الكاتينه ) و الفرامل و الفلاتر و البوجيهات و تشييك على العربيه
و طبعا اتلسعت 2500 ريال من اولها مده فى اول صيانه ( سير التايمنج لوحده مع التركيب حوالى 1000 ريال)
المهم .....
أول لما ركبت العربيه حسيت بالذوق الفرنسى فعلا العربيه شيك جدا و الخامات فوق الممتازه
لما بدات اتحرك بالعربيه حسيت انها تقيله ..... يعنى ماسكه فى الارض و كمان ناعمه قوى
كمان الطابلوه بتاعها منظم و البيانات فيه واضحه
انا قعدت ماشى بيها جوه البلد شويه ..... التكييف ممتاز و تاتش و اكتشفت ان فيها تلاجه .... فيه فتحة فيرون بتضخ هواء بارد فى المكان الى بيسموه درج القفازات ده .... بصراحه انا مخدش فى بالى و قلت دى لا هتسقع ولا حاجه
لغاية دلوقت انا مبسوط بالعربيه و شايف انها عربيه شيك و مش قويه قوى ( لانى لسه مجربتش قوتها )
كانت فيه حاجه مضايقانى .....ان انا اول لما اطلع بالعربيه و اوصل لحوالى 20 كم و بدون ما ازود بنزين احس ان عزم العربيه زاد قوى لمدة 30 ثانيه و بعد كده ترجع طبيعى تانى ( كنت فاكر ان فيه حاجه مش مظبوطه فى الكهربا بس طلع ده التيربو بيساعدك فى التسارع)
فى يوم من الايام و انا داخل على الاشاره حوالى سرعة 60 كم لقيت واحد بيعدى الطريق و مدى وشه الناحيه التانيه ....و كان بينى و بينه اقل من 10 متر فضربت فرامل باقصى قوه ..... طبعا من خلال خبرتى مع العربيات التانيه الى كنت بسوقها قولت ان انا هخبطه و رحت فى الكلابوش يا عم هانى ...... و اذ بى اوفوجأ ان العربيه وقفت و ايه بى اس اشتغل و الحمد لله عدت على خير و عرفت قيمة الفرامل القويه
طبعا العربيه بتديك درجة الحراره الخارجيه كام و البنزين الى موجود يمشيك كام كيلو و معدل استهلاك البنزين الحالى كام و متوسط معدل استهلاك البنزين كام ..... بصراحه الكمبيوتر ده مفيد جدا
كنت انا وواحد صاحبى معاه تويوتا كرولا بتناقش ولاقانى مبهور من العربيه و قالى ان هوه ممكن يطلع منى بعربيته ...
بصراحه انا مجربتش العربيه ..... بس موتور البيجو اقوى من التويوتا و هوه 1600 سى سى و انا 1600 سى سى .... بس اليابانى التسارع بتاعه اكبر من الاوروبى .... بس انا عندى تيربو برضه ..
المهم طلعنا طريق مفتوح وواحد اتنين ثلاته جوووووووووووووووو
فى الاول هوه طلع منى .... تقريبا اول 3 ثوانى .....انا عملت كيك داون على الاول العربيه طلعت عادى و هوه سبقنى لغاية لما التيربو اشتغل من سرعة 25 تقريبا لغاية لما وصلنى لسرعة 40 بعدين جبت التانى و كيك داون اشتغل برضه التيربو معايا لسرعة 70 تقريبا بعد كده اصلا تسارع العربيه بيبقى ممتاز ..... طبعا اخينا كان وره فى الطراوه و البيجو اكتسحت الكرولا......
نيجى على طريق سفر ..... انا سافرت من الرياض الى المدينة المنوره حوالى 850 كم ...... و بصراحه كنت قلقان من الطريق و ان العربيه صغيره و ممكن متكونش مريحه فى السفر ..
توكلت على الله و طلعت و كانت اقصى سرعه جبتها قبل كده 120 كم
جبت العصائر و المياه و اللذى منه و حطيتهم فى الى بيقوله عليه تلاجه و قولت اهو على الاقل ميسخنوش
فى الاول كنت ماشى 120 .....بعدين جبت 130 بعدين اتشجعت و جبت 140 لقيت العربيه لوحدها بتقولى هات 150 جيت اعدى من واحد جايب 150 جبت 160 و العربيه ما شاء الله ثابته و فضلت ماشى على 150 طول الطريق لغاية ما لقيت لجنه شيك و فى منتهى الادب و الذوق قالولى مخالفة سرعه و عطونى وصل بالمخالفه من غير ما يخدو الرخص لان كل حاجه بتتسجل على رقم الاقامه ... المهم كنت مشيت حوالى 450 كم قولت اقف اريح بقه شويه و كانت قزازة الميه الى جانبى خلصت ففتحت الثلاجه اجيب قزازة ميه و فوجئت انها ساقعه جدا زى ما تكون حاططها فى تلاجة بيتكم
البنزين كان قرب يخلص ففولت و كملت المشوار .... قبل ما اروح المدينه الناس حذرونى ان من بعد القصيم لغاية المدينى حوالى 400 كم مفيش ولا بنزينه على الطريق ..... طبعا يالت البيجو يا بيجو ممكن تمشى قد ايه بعد لما فولتى و على سرعه زى الى كنتى ماشيه بيها ال 450 كم الى فاتو قالتلى معدل استهلاكك يا فندم 9 لتر لكل 100 كيلو و ده يعملك حوالى 666 كم ... قولت تمام.
ودى المميزات الى شوفتها فى البيجو 307
بصراحه البيجو ممتعه فى السفر و مسافة 850 كم موقفتش غير يمكن مرتين او تلاته و العربيه مسخنتش ولا اشتكت.
طبعا فى انذار للسرعه بعد 120 و ده ممكن يتقفل علشان الدوشه
حرارة العربيه ثابته ما بين 90 و 95 و غالبا 95 مبتجيش غير فى الزحمه او على السرعات فوق 150
اول لما تشغل العربيه و تمشى بيها الابواب بتتقفل اوتوماتيك
لما تبطل العربيه النور الداخلى بتاع العربيه بيشتغل لوحده و الابواب بتتفتح
يمكن التحكم فى ارتفاع او انخفاض الانوار الاماميه للعربيه ( يعنى فى الطريق السريع لو شغلت العالى الناس هتقعد تنورلك علشن متزغللين و لو شغلت الواطى مش هتشوف مسافه بعيده خصوصا لو انته على سرعه عاليه فانا كنت بشغل الواطى و اعلى مستوى النور من الزرار بيبقى مناسب جدا)
ثبات العربيه ممتاز بس لو فيه رياح جامده مش هتعرف تعدى 120 علشان العربيه بتتاثر بالرياح الجامده
الثلاجه مفيده جدا فى السفر و مكنتش باضطر اقف علشان اجيب حاجه ساقعه ( منا معايا تلاجه :) )
استهلاك البنزين بتاعها ممتاز بس على السرعات العاليه بيزيد شويه
العربيه عاليه و مش بتحك فى اى مطبات
طبعا الموتور قوى و التيربو بيساعد قوى فى التسارع
و دى تجربتى المتواضعه عن العربيه البيجو 307 موديل 2003 بعد قيادة 12000 كم فى حوالى 8 شهور
Comment