كباس تكييف 405

[acc_gr2004]

السلام عليكم ورحمة الله

التكيييف ... كلمة اصبحت مرعبة بالنسبة لى

اولا ولله الحمد اشتريت عربية بيجو 405 مو 95 من حوالى شهر ونصف .. العربية ماشاء الله كويسة وحالتها حلوة


الا التكييف جننى

الاول كان شغال حوالى اسبوع بعد الشراء و بعد كدة جاب هواء عادى .. كشفت عليه .. قالو تسريب فى الحساس ...
اشتريت حساس ب 375 وشحنت 150 جنيه والدنيا احلوت ...
اسبوع واحد مر الهواء طالع سخن ... كشفت قالو حاجة اسمها( شفط سيل ) وهو عبارة عن تسريب زيت من الكباس ... والعمل يارجالة ... قالو غير الكباس وهات واحد استيراد ب 700 جنيه ... حيث ان الجديد ب 2000 جنيه
وجبت الكباس ب 700 .. والمعلم بتاع التكييف قفش 50 نيه فك وتركيب و 150 جنيه شحن ... واحلوت الدنيا من تانى ... اسبوع بالظبط ولاحظت ان العربية طفت او بطلت مرتين تلاتة وانا ماشى وادورها تدور وكان التكييف شغال ... وساعتها جابت هوا سخن ... وكشفت وواحد ربنا يطمنة قالى الكباس قفش او اتحرق ...
دا ان جايبة من اسبوع ... قالى الاستيراد كدة
وقالى انصحك نصيحة العمر :
هات كباس جديد 1800 جنيه يابانى
حاجة تانية قالى عليها تبع اجزاء التكييف ب 375 جنيه
فك وتركيب ومصنعية 150 جنيه
شحن فريون( للمرة الثالتة فى شهر ) 150 جنيه
الاجمالى 2500 تقريبا بس ابقى راضى الرجالة

كرهت التكييف وكرهت العربية وكرهت نفسى
بصراحة تعبت من المفاجاة ونزلت دمعتى

بالله عليكو تقولولى اعمل ايه

[the-hero]

لو تعرف تجيلى الزقازيق وانا بعون الله هخليك تنسى حكاية التكييف وكمان بضمان طول الصيف وبأسعار أرخص بكتيييييييييييييييييييييير

[kareem_Ashmawy]

الحل انك تروح للراجل ده...و ان شاء الله هيجبلك من الاخر

حضرتك روح للأسطى زكريا
و ده اكبر كهربائى فى توكيل وجيه اباظة غمرة
و له ورشة خاصة على الرغم من انه لسه شغال فى التوكيل
أنا مش بخلى حد يمد ايده فى كهرباء العربية الا الراجل ده
و هو فعلا خبرة و فاهم كويس اوى و دوغرى مش بتاع نصب و لا يعمل شغل على الزبون و ده من خلال تعاملى معاه كذا مرة
بس هو غالى شوية بس بتاخد منه شغل مضبوط
يعنى شحنت عنده فريون السنة اللى فاتت ب170 ج
هو قريب جدا من التوكيل الرئيسى فى غمرة
بس فى حته صعبة شوية فى الوصول ليه ده رقم تليفونه
0101571493
كلمه و هو يقولك توصل ازاى

[kareem_Ashmawy]

طبعا لو عرفت تروح لهيرو فى الزقازيق
هيبقى ارخص بكتيير

[the-hero]

[acc_gr2004]

الف شكر يا جماعة على اهتمامكم وانشاء الله ياهيرو نجيلك فى الافراح دايما
بس اللى انا بسال عليه
اركب جديد رغم تكلفتة العالية ولا احاول مع الاستيراد الفاشل

[the-hero]

على فكرة الاستيراد عمرة مكان فاشل بالعكس بيكون أصلى وبجودة أعلى بكتير من الجديد
بشرط الحالة