رايكم فى السمند اجيبها ولا لا

[sameh.acc]

التريوس ماشاء الله حلوة بس المشكلة انها صغيرة حبتين بالنسبة لمظهر الجيب وصاحبى فعلا ناوى يشترى واحدة بس الشكل القديم مستعملة ,,,,
الواجا حلوة بس المشكلة مش شبابى خالص هما بيحاولوا يخلوها شبابى بالجنوط و الفوانيس الامامية والخلفية لكنها عايزة واحد فى ال 40-50 سنة لانها قيمة وبرستيج ,,,
السويفت صغيرة جدا mini car متنفعش عائلية وقطع الغيار غالية مش رخيصة ,,,
اما الالنترا بصراحة بعد الزيادة فى السعر حرام ادفع 98 واستنى 3 شهور او استلم ب 102 فى عربية كورى غبور بصراحة بيستهبل انا احسن بقى اشوف السوزوكى sx4 اهو منها ب 103 ويابانى و 119 حصان و ABS, EBD و اتنين ايرباج وجنوط 15 و تابلوة شيك جدا بصراحة تضرب الالنترا على عينها مشكلتها قطع الغيار برضة ,,,
اما بالنسبة يا استاذ شريف فعلا دة اللى حاسة ناحية السمند :lol: بس برضة قلقان جدا لولا كدا كان زمانى جايبها وعامل كمان صيانة ال 5000 :lol: انا مايل للسوزوكى SX4 وللسمند وبالنسبة للسعر مقابل الكماليات واعادة البيع والوسع الداخلى وانها عائلية اظن انها تكسب السمند بتتميز بموتورها انو هادى اوى فرنساوى بقى وانها ماسكة نفسها الشاسية محترم جدا والعفشة مالهاش حل انا فعلا هلحق اصلى صلاه استخارة فى الايام المباركة دية قبل ما رمضان يخلص وربنا يسهل ,,,,, شكرا جدا لجميع الاعضاء اللى حاولوا يساعدونى وربنا يكرمهم ويباركلهم

[Ahmed Hassan]

انا مش عايز اقولك امبريزا علشان هتقوللي قطع الغيار غاليه :mrgreen:

[Sharky]

انا احسن بقى اشوف السوزوكى sx4 اهو منها ب 103 ويابانى و 119 حصان و ABS, EBD و اتنين ايرباج وجنوط 15 و تابلوة شيك جدا بصراحة تضرب الالنترا على عينها مشكلتها قطع الغيار برضة ,,,

+1

[sameh.acc]

ههههههههههه والله يا استاذ احمد حسن انا عينى هتطلع اساسا عليها ومعايا فلوسها بس المشكلة فعلا قطع الغيار يااااااه لو كانت رخيصة :roll: ,,, فعلا يا استاذ شاركى انا شكلى هجيب السوزوكى sx4 حد يعرف اية نظام اسعار قطع غيار السوزوكى او الصيانة بتاعتها وهل بتبقى متوفرة برة التوكيل ؟؟

[Ahmed Hassan]

ههههههههههه والله يا استاذ احمد حسن انا عينى هتطلع اساسا عليها ومعايا فلوسها بس المشكلة فعلا قطع الغيار يااااااه لو كانت رخيصة :roll: ,,, فعلا يا استاذ شاركى انا شكلى هجيب السوزوكى sx4 حد يعرف اية نظام اسعار قطع غيار السوزوكى او الصيانة بتاعتها وهل بتبقى متوفرة برة التوكيل ؟؟

لو مشكلتك في قطع الغيار انته مش هتبتدي تفكر فيها قبل 5 سنين على الاقل.. و ساعتها تكون رخصت لأنها فعلا دلوقت ارخص من زمان

[sameh.acc]

استاذ احمد حسن لسة جايلى خبر حلو من واحد اعرفة قالى انو يقدر يجيبلى السوبارو امبريزا ب 107 بدل 112 بتخفيض قدرة 5 الاف جنية وقالى لو على قطع الغيار هجيبهالك مالكش دعوة وقالى بالنسبة لاسعار الصيانات هيبقى بتخفيض وقالى مالكش دعوة باى حاجة فيها لان لية تعامل بينة وبين ابو غالى :roll: :roll: :roll: انتوا اية رايكم ؟؟

[yahyanaabil]

رايى لانسر 2007 1600 cc حتاجد منها كل حاجه
شكل و موتور وثبات وكمان يابانى

[fahd_628]

لو على السوبارو هية تحفففففففففة و توكل على الله انا مرضيتش اقولك علشيها تانى علشان شفتك صرفت نظر بس لو بتفكر فيها تانى يبقى هى الأفضل فى رأى و كمان بالتخفيض كدة 100 100

[Ahmed Hassan]

استاذ احمد حسن لسة جايلى خبر حلو من واحد اعرفة قالى انو يقدر يجيبلى السوبارو امبريزا ب 107 بدل 112 بتخفيض قدرة 5 الاف جنية وقالى لو على قطع الغيار هجيبهالك مالكش دعوة وقالى بالنسبة لاسعار الصيانات هيبقى بتخفيض وقالى مالكش دعوة باى حاجة فيها لان لية تعامل بينة وبين ابو غالى :roll: :roll: :roll: انتوا اية رايكم ؟؟

انا اللي اعرفو ان اليومين دول السعر ممكن ينزل 2000 جنيه لأنهم بيصفوا علشان موديل 2008 نازل خلاص.

لو همه ممكن يجيبلك سعر اقل من كده يبقى ممتاز طبعا.. بس اتأكد ان العربيه فيها السي دي الاصلي بتاعها لأنه ممكن يعمل الفرق ده... و لو مش هتكون من عند ابو غالي نفسه افحص العربيه قبل ما تاخدها.
انا مش شايف انك محتاج حد يجيبلك قطع الغيار لأنها موجوده عند الوكيل.. بس لو صاحبك هيجبلك تخفيض خير و بركه.

صلي صلاه استخاره و ربنا يوفقك و يهديك للاختيار السليم.

[sameh.acc]

العربية هتبقى من عند ابو غالى نفسة وبنفس المواصفات المعلن عنها فى الموقع بتاع ابو غالى,,, اما بالنسبة لقطع الغيار فهو قصدة انه ممكن يجيبهالى من برة لانه تاجر قطع غيار ,,, يعنى حضرتك 107 كويس فيها مع تخفيضات التصفية علما بأن الشكل القديم احلى بكتييييييييييييير من الجديد اللى هينزل تحس ان الجديد بقى ورق الصاج بتاعها القديمة الخطوط فيها عدائية وماسكة نفسها 8) :lol:

[sameh.acc]

والله يا استاذ فهد انا السوبارو بتزغلل فى عينى بقالها كام يوم وبقيت بحلم بيها كتير من كتر مابفكر فيها والراجل اللى اعرفة دة اعاد موازين الامور تانى لصالح السوبارو على حساب السمند هو اية نظام السوبارو فى التسارع بتاعها ؟! فيه ناس بتقول ان الموتور ال 1600 ضعيف عليها لانها تقيلة هل دة صح ؟ ومش هسأل ع الثبات علشان مش دة السؤال اللى يتسأل مع سوبارو :lol:

[Ahmed Hassan]

لو كده يبقى طبعا فرصه و توكل على الله و ان شاء الله مش هتندم.

[sameh.acc]

يارب الموضوع ينفع واجيبها انا السوبارو حاططها دلوقتى فى المقدمة وهروح اعمل تست درايف عند ابو غالى قالولى ينفع عادى اما اتصلت بيهم هروح على بكرة او بعدة اعمل تست درايف واشترى باذن الله بعد العيد لو الموضوع مشى وهصلى الاستخارة برضة

[محمد ابراهيم 1]

لا شك انها بتنطوى على مغامره على الأقل فى سعر إعاده البيع لكن بكل تأكيد هى أفضل مليون مره من الصينى

[sameh.acc]

لو على سعر اعادة البيع امرها سهل لانى مش ناوى ابيع خالص :lol: مين يكون معاه سوبارو ويبيع :? ادخل على كونتاكت كارز واعمل سيرش ع العربيات المستعملة المعروضة للبيع ابحث عن سوبارو امبريزا مش هتلاقى الا واحد بس بيبيعها بس سوبارو اظن موديل السبعينات يعنى مفيش حد بيفرط فيها خالص دة دليل على ان العربية مش مخلياهم محتاجين حاجة ماشاء الله