مشوار لكهربا ئى 405

[the-hero]

السلام عليكم ورحمه الله وبركاته
نزلت فى يوم بعد صلاة العشاء وكنت مخنوق شوية خدت العربية ومشيت وفجأه
لمبة الصالون مبتنورش وكمان الازاز مبيفتحش وقاعد فاتح الازاز اليمين وبتاعى مقفول والتكييف لسه متشحنش
والجوا حرررررررررررررررررر مووووووووووووووووووت قلت خير وأبتديت أعرق رحت مشغل المروحة
شوية وزهقت قلت مبدهاش بقى ركنت على جنب وهات العدة وفتحت الكوبوت وهنا كانت الصاعقة يانهااااااااااااااااار قلبى
........................................!!!!!!!!!! !!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
لقيت المفيش حاجه ( تشويق وأثارة)
فتحت الفيوزات من العلبة الخارجية وهبا لقيت فيوز ضرب رحت مديله شعره سلك وركب اللمبة أشتغلت
قولت كدا بقى جبرت وخير بكرا بقى نشوف حاكية الأزاز عشان بتعب لما بفك الفيبرا بتاعت البيبان بتعب نفسيا
مبحبش كدا خالص
بس أفتكرت الحرارة قولت يواد اجمد
طب هتبات العربيى مفتوحة فى الشارع
فكيت الفبرا وجبت السلوك ومسكت الكتاوت أختبرتها سليمه بس الأزاز مبيتحركش
فكيت الزراير بتاعت الأزاز كله تمام
قلت أكيد الكتاوت بتهرب
ألحق الكهربائى قبل ميقفل
هوب ركب وكله تمام
وانا بركن لقيت النور اللى فى الرزاير بتاعت الظأزاز الكهربا منورة ومفصلتش
أتارى المعلم وصل الازاز على العمومى ومخلهمش يفصلوا مع الكونتاك
رحت شايل الزراير كلها مش معقول أسيبهم منورين مش هعرف انام
صحيت الصبح للكهربائى من هنا لهنا لهنا مفيش فايدة
عمل كل حاجه
قلت بقي هنفضله وأتدخل انا بقي وندمت انى رحت له
نزلت جبت كتاوت أستيراد +لمبة فانوس كانت محروق فيها فول عندى
ومفك صغير
عيدت على علبة الفيوزات كلها وكل المحروق غيرته لقيت 3
مسكت الكتاوت والسلوك وباللمبة أربع أطرف بس ليهم دايرة معينه بمعنى فردتين كهربا كونتاك فصل+فرده أرضى + فرده زراير +فرده كهربا عمومى
أى اختلاف بتعمل ٌفلة وتطير فيوز
باللمبة بقي لحد معرفت مسارها وركبت وكله تمام التمام وقفل وعيش وكل أرائيش :

[م.احمد زكريا]

والله باشا

انا حاسس ان شوية شوية الواحد هايصلح بنفسه
صدقني بتكون حريص قوي و مركز قوي قوي

وشغال بضمير بجد

[harphosh]

البطل بطل حقيقى يا ابو حميد
هو ده الكلام انتى كدة هتخلينى اسخن على العربية بس لما اشوفك فى المقابلة بإذن الله علشان فيه حاجة محيرانى وعايز أسألك فيها بإذن الله
أصل أخوك بقى مهمل قوى فى العربية اليومين دول

[nabaster]

ايه يا عم الحلاوه دي

فكرتني بنفسي من يومين كان يوم سبت الصبح والكهربائي مش عارف مين في عيلته ميت وكان تاني يوم الحد قافل

دخلت المفتاح بدور العربيه المفتاح مش بيتحرك جوه الكونتاكت شمال يمين مفيش

قعدت اتساسيس عليه 10 دقايق اخر حاجه حصلت انه فتح كونتاكت ومش بيدي السنه الاخيره

ايه الحل طيب؟؟ روحت جايب مفك طويل ولمست سن الاوتوماتك مع سن المارش العمومي

علي فكره لو ايديك متظبطتش واتحركت من حركة المارش والمغناطيس بتاعه او خفت واتخضيت من المروحه هتطير يا اما الاوتوماتك يا اما المارش

المهم راحت نطقت وقلت الحمد لله

شويه تاني وقضيت مشواري وبدور تاني برضه مفيش وكنت وقتها في حته كده رايقه

روحت فكيت الفيبره تحت علبة الدريكسيون و فكيت الكونتاكت وطلعته في ايدي طلعت منه التلات فروع اتنين بتوع الكونتاكت عموماي وارضي وواحد مارش وبياخد من العمومي التاني

وبقيت عامل زي الحراميه بدورها بلمس السلكين ببعض

احلي ما في الموضوع ان ناس الي حد ما كتير عدو عليا محدش سألني بتعمل ايه :10D5C8~1107:

A.Yakout

[the-hero]

البطل بطل حقيقى يا ابو حميد
هو ده الكلام انتى كدة هتخلينى اسخن على العربية بس لما اشوفك فى المقابلة بإذن الله علشان فيه حاجة محيرانى وعايز أسألك فيها بإذن الله
أصل أخوك بقى مهمل قوى فى العربية اليومين دول

ان شاء الله قريب

[the-hero]

ايه يا عم الحلاوه دي

فكرتني بنفسي من يومين كان يوم سبت الصبح والكهربائي مش عارف مين في عيلته ميت وكان تاني يوم الحد قافل

دخلت المفتاح بدور العربيه المفتاح مش بيتحرك جوه الكونتاكت شمال يمين مفيش

قعدت اتساسيس عليه 10 دقايق اخر حاجه حصلت انه فتح كونتاكت ومش بيدي السنه الاخيره

ايه الحل طيب؟؟ روحت جايب مفك طويل ولمست سن الاوتوماتك مع سن المارش العمومي

علي فكره لو ايديك متظبطتش واتحركت من حركة المارش والمغناطيس بتاعه او خفت واتخضيت من المروحه هتطير يا اما الاوتوماتك يا اما المارش

المهم راحت نطقت وقلت الحمد لله

شويه تاني وقضيت مشواري وبدور تاني برضه مفيش وكنت وقتها في حته كده رايقه

روحت فكيت الفيبره تحت علبة الدريكسيون و فكيت الكونتاكت وطلعته في ايدي طلعت منه التلات فروع اتنين بتوع الكونتاكت عموماي وارضي وواحد مارش وبياخد من العمومي التاني

وبقيت عامل زي الحراميه بدورها بلمس السلكين ببعض

احلي ما في الموضوع ان ناس الي حد ما كتير عدو عليا محدش سألني بتعمل ايه :10d5c8~1107:

a.yakout

خلى بالك الحكاية دية خطر
وبعدين بتفصل كهربا الماتور عن الضفيرة وده بيعمل لود على كل الكتاوت الفصله
الاسهل انك تفك علبة الريكيون تطلع الفردتين بتوع اللقط وتلمسهم زى منت عملت فى الاخر
ناس زكيه بتعرف الحرامى بمجرد النظر فى عينة وتحركاته طبعا
المهم طمنا وصلت فى الاخر لأيه

[the-hero]

والله باشا

انا حاسس ان شوية شوية الواحد هايصلح بنفسه
صدقني بتكون حريص قوي و مركز قوي قوي

وشغال بضمير بجد

بس اهم حاجة وده اللى بنصح بيه اي حد عاوز يخوض تجربة تصليح سيارته بنفسه

فك براحتك بس المهم أنك متقدمش على عمل حاجه متعرفهاش أو حاجه محيرة
حاول تتعلم طريقة فك كل شي واكيد بيرجع بسهولة لكن لو حسيت ان الموضوع كبر بنفس اللى عملته وألع على المتخصص وأقف اتعلم هيعمل ايه وأقعد استفسر عن اى حاجه تيجى فبالك مش عيب
لكن العيب انك تكابر وتقول هصلحها وتقعد تفتكس تزويد الطين بلة
كله بيجى وحده وحدة