تعديل عفشة ال 504

[ice206]

لا عادى جدا المرور مبيتكلمش فى الحجات ده همه بيركزو على اللون والماتور اكتر طبعا
لو لقيت ال 18 الى يركب على نفس الابعاد جربه بس جهز فلوسك عشان تصلح العفشه :d:d
حكايت كسره الجنط على الاخر ديه ملهاش دعو بمقاس الجنط ديه تظبيط بتاع الزوايه
ملهاش علاقه بالمقاس
بس انا كل ده ومحدش فادنى اييه الى ممكن يتعمل فى عفشه العربيه ده كلووو ؟؟

[playeeer_fishooo]

ههههههههههههههه... معلش استاذ ice206 .........
انا لغاية دلوقتى معرف عربيتك Gl ولا GR .... ؟؟

انا عربيتى GR ..... اللى انا عملته ... جبت سوست ومساعدين بتوع 505 ودول بيكونوا انشف من بتوع 504 ...ده االلى انا عملته بس ...

فى حاجة تانية ممكن تعملها .. لو انت عايز عفشة ناشفة ممكن تجيب السوست بتاعت 131 وتجيب عليهم مساعدين غاز ... ده بالنسبة لورا ...
بالنسبة لقدام لو انت عندك السوستة طرية شوية ممكن تجيب بتاعت ال504 استيراد .. وفى ناس نصحونى مغيرش عنها .... وبردوا تجيب مساعدين غاز قدام .. بس دول لو باظوا مش بيتصلحوا ويتملوا زى القديم ...

ارجو اكون افدتك ... ولو فى حاجة غلط او حاجة ناسيها يقول عشان نفيد الجميع ...


انا بقى عندى طلبين زخام شوية ...
1- ممكن حضرتك تقولى انت عملت ايه بالظبط عشن تركب الجنط 17 ... وكمان التكلفة بتاعت الجنط والتركيب والكاوتش على حدة ؟؟؟

2- انا اعمل ايه لو انا فكرت اركب 18 على فلانشة العربية الاصلية .... مع التكلفة بتاعت الجنط والكاوتش ولو فى تعديلات فى العربية ؟؟؟

[ice206]

شكرا على الاضافه بس ده بالنسبه للمساعدين .. انا عاوز لعافشه الماتور نفسها والمقصات والكلام ده
وبالنبسه للجنط انا زى مقلتلك هتعمل فلنشه وتركبه وتركب عليها الجنط التكلفه ديه لازم تشفها بنفسك فى جنط 2500 وجنط 10000 فانت الى بتحدد ده
الجنط ال18 محتاج تعديل فى الماتور عشان هوه كبير ومحتاج هورس بور على عشان يبقى تماام وكمان تعديل فى العفشه الى انا بتكلم فيه عشان الجنط هيبقى تقيل جدا عليها

[playeeer_fishooo]

شكرا استاذ ...ice206

انا عايز اعرف اللى حضرتك عاملة باظبط عشان اعمله انا كمان .... لان حضرتك بتقول ان كل حاجة كويس ومفيش غربلة ولا خبط وكمان اللفة كاملة ...

قولى اللى حضرتك عملته بالترتيب وبالتكلفة لو سمحت ... حضرتك تفضل جنط نيكل ول عادى ....

انا مش عارف نوع جنط كويس ممكن يركب ...عشان فى ناس بتقول ان الصينى بتعوج وكدا...

معلش تقلت عليك ....ولو فى صورة للجنط بتاعك يبقى تمام ...

[ice206]

ده اميلى كلمنى عليه وهشرحك الى انته عاوزه ice206@hotmail

[mehatkeno]

ركب بتاع الطيارة حلو جدا انا مركبه معايا فى عربيتى 505-80متعدلة gtiوالجنوط حلو وهتركب عندك بسهولة فى 504

[kisho55555]

ده اللى انا بفكر فيه .... بس ده اخر حاجة هعملها لو منفعش حوار الجنط 17 ولو لقيته مش مريح العربية ...

لو فى الاخر معرفتش اعمل الحكاية دى هنزل اجيب جنط الطيارة ال15 من بورسعيد وارشه نيكل ويبقى تمام ...

شكرا ع ردك menatkeno ...

[aiman75]

اخوانى انا عاوز اجيب 505بس الطيارة و مش عارف هى سعرها كام الان و هى بتبدا من موديل كام ...ارجو الرد