موضوع خاص عن بيجو 305

[semsem_inside]

السلام عليكم ورحمة الله وبركاته
الحقيقة يا جماعة دى أول مشاركة لى فى المنتدى .. وأنا سعيد جدا بكل الأعضاء الموجودين وبقولهم كل سنة وانتم طيبين ..
أما بالنسبة للموضوع اللى عايز اتكلم فيه ، هو انى عايز اشترى عربية بيجو 305 وانا بصراحة معلوماتى لسه محدودة عن العربيات . فياريت حد من الأعضاء يقوللى رأيه ويقوللى تقرير شامل عن العربية دى (مميزاتها - عيوبها - موديلاتها - سعرها لو حالتها ممتازة - قطع غيارها - وهكذا ... ) وياريت لو عندكم صور ليها من الداخل والخارج.
ولكم خالص الشكر

[semsem_inside]

فى انتظار ردودكم ...............

[samirayad]

كل سنه وأنت طيب الأول
ولو عاوز رأيى
شوف حاجه غير ال 305 لأن قطع غيارها عزيزه شويه
عن تجربه لزميل معاه ال 305 ولسه بايعها من فتره بسيطه

[semsem_inside]

أولا : شكرا على الرد يا بشمهندس
بس أنا شايف إن موضوع قطع الغيار ده مش مشكلة لو كانت أغلى شويه فى السعر ، بس الفكرة هل بينزل جديد من قطع الغيار ولا لأ ؟ لأن ممكن تكون غالي فعلا بس بتعمر
وبعدين لسه لغاية الآن مفيش حد رد على بخصوص مواصفتها وعيوبها ، وهل موضوع الأربع غيارات ده كويس ؟ خصوصا انى لسه مبتدئ
الحاج الأخيرة ان نصيحتك لى اجيب ايه يكون كويس (فى حدود 20000 - 25000) انا بصراح شايف ان ال 305 على الأقل شكلها أفضل من ال 128
وشكرا

[walids]

السلام عليكم

انا معايا بيجو 305 ، بص هي مش هكذب عليك انها تعبتني الأيام اللي اتت شوية ، بس بسبب اني كنت بظبط في حاجات فيها نتيجة ان واحد قريبي كان سايقها و بهدلها في كذا حاجه

بالنسبه لقطع غيارها موجوده بكثره في اسكندريه و القاهره ، و فيه منها جديد طبعاً بس بيبقي غالي شوية
انا علي فكره لسه شاري لعربيتي كبالن جديده فرنساوي و قطع غيار جديده مش مستعمله ، و فرنساوي مش صيني
و العريه تمام جداً في حدود سعرها ، و أفضل من ال 128 بكتير عن تجربه

بس طبعاً اهم شيء انك بتشتري عربيه مهما كانت اسمها مستعمله ، فتبخلش عليها علشان تديك ، يعني لو فيه اي شيء بسيط فيها متستناش عليه ، ظبطه عطول

ملاحظة : انا ببيع عربيتي الأيام دي بسبب اني ان شاء الله هسافر كمان شهر ، و العربيه هتتركن ومش هيبقي ليها لازمة لوجودها ، لو ممكن نتكلم علي الماسنجر ، ضيفني : ahm8d2010@yahoo.com

[momen100100]

اخى العزيز انا معايا 305 عربيه ملهاش حل حقيقى واى حد يقولك عليها حاجه يبقى مجربهاش لازم يجرب العربيه علشان يقدر يحكم عليها صالون واسع وشكل كويس وافضل من 128 وقطع غيارها معمره

عربيه
ناعمه جدا سريعه قطع غياره متوفره فى الوكاله وعزبه شلبى بلنسبه لالا استيراد وبلنسبه للجديد موجوده فى شارع مجلس الامه بلسيده زينب وخاصه عند محل يسرى لقطع غيار البيجو ارجو انى اكون افدك برائى

وده اميلى لو عاوز اى خدمه فى المكانيكه فى هذه السياره momen100100@yahoo.com

[semsem_inside]

شكرا أخى العزيز على الرد
كنت عايز أعرف ايه الفرق بين الموديلات gt , gtx
وايه الموديلات الموجودة خمس غيارات
وعايز أعرف سعر العربية لو بحالة ممتازة تعمل كام
وشكرا

[walids]

السلام عليكم

علي حد علمي ان ال gt دي ماتورها 1600 سي سي و دي شركة بيجو انتجتها في سنو 1983
اما ال gtx فدي النوع التاني و ماتورها 1900 سي سي و دي انتجت سنة 1985

بالنسبه للعربيه دي بالذات فسعرها متوقف علي حسب حالتها ، مش حسب السوق ، لأنها لو متظبطه و تستاهل فسعرها هيكون في حدود 16-22 الف

اما لو مش متظبطه و محتاجه شغل فسعرها هيكون من 11-13 ألف
لأن تكلفة تظبيط العربيه دي مش بسيطه

[semsem_inside]

يا جماعة مفيش حد رد على لسه
هل العربية دى موجود منها موديلات خمس غيارات

[walids]

تقريباً لا مفيش ، البيجو في الوقت ده كانت كلها 4 غيارات فقط و مارشديه

[semsem_inside]

بس لو حضرتك بحثت على النت على 305gtx هتلاقى ان مواصفات العربية ان فيها خمس غيارات غير المارشديه واعتقد انها موديل 1985

[walids]

اه ممكن ، بس مشفتهاش قبل كده ،

[semsem_inside]

أنا معروض على سيارة موديل 81 الحال العامة معقولة . رأيكم تستاهل كام

[semsem_inside]

عندى سؤال يا جماعة
هل السواقة على أربع غيارات تختلف عن الخمس غيارات ، خصوصا بالنسبة لواحد لسه مبتدئ

[semsem_inside]

منتظر ردودكم