أسعار قطع غيار بيجو 305

[semsem_inside]

السلام عليكم
رأيت أثناء البحث على صفحات المنتدى مواضيع متفرقة بها اسعار قطع الغيار الخاصة بالسيارة بيجو 305
فأردت أن أضع هذا الموضوع ليكون مرجعا لى وللأخوة الزملاء ولكل من يشاهد المنتدى ليشمل كل ما يخص قطع غيار هذه السيارة.
وبرجاء من الزملاء لكل من لديه تجربة خاصة أو معلومة مفيدة عن السيارة أن يطرحها لنا لتعم الفائدة.
وبالنسبة لى كبداية كنت عايز أعرف أسعار القطع التالية :
- فوانيس أمامية وخلفية واشارات.
- شبكة أمامية.
- اكصدام امامى وخلفى.
- ما هو سعر الموتور الجديد للبيجو 305 .
- تابلوه جديد.
وعن نفسى سأحاول أن اطرح أى معلومات جديدة أحصل عليها
وشكرا

[walids]

السلام عليكم

دي بعض المعلومات اللي عندي

- كشافات امامية جديده تايواني ب 110جنيه ، الخلفيه كنت جايبها بس حاسس انها غاليه شوية ب 130 جنيه ، اما فوانيش الاشاره بالصيني ب 15 جنيه

- موتور جديده للبيجو 305 ، اعتقد مفيش جديد لكن موجود استيراد ، بس مش عارف بكام ، بس مش هيقل عن 3000 كما اعتقد

- تابلوه استيراد من بور سعيد كنت سائل عليه كان ب 400 جنيه (الطياره)

[amrfox2002eg]

المعلومات التى لدى عن طريق السؤال المباشر
التاريخ : 19-8-2009
المكان : وكالة البلح - القاهرة
الاسعار
كابوت 305 كحلى اصلى للعربية ذات اللون الفضى 1000 جنيه
كابوت طيارة : 1200 جنيه
ماتور : 5000 جنيه
الاسعار للقطع السابقة وهى ليست جديدة ولكنها استعمال الخارج وحالتها ممتازة

[Ahmed Hassan]

كتير اوي مقارنة بالسيارات القديمه من نفس الموديل و حتى السيارات الجديده. ده في الغالب سببه ان العربيه معدتش موجوده في الخارج و قطع الغيار اصبحت نادره

[amrfox2002eg]

المعلومات التى لدى عن طريق السؤال المباشر
التاريخ : 19-8-2009
المكان : وكالة البلح - القاهرة
الاسعار
كابوت 305 كحلى اصلى للعربية ذات اللون الفضى 1000 جنيه
كابوت طيارة : 1200 جنيه
ماتور : 5000 جنيه
الاسعار للقطع السابقة وهى ليست جديدة ولكنها استعمال الخارج وحالتها ممتازة

انا اسف غلطت قصدى بدل كابوت قصدى تابلوه

[walids]

يااه لا صعب اسعا التابلوه تكون كده

انا سألت عليه في القاهره الراجل قالي هيجيبهولي ب 650 جنيه

لكن انا قولت أسأل في بور سعيد لقيته ب 400 جنيه

الطياره

[momen100100]

بس معقول الموتور ب 5000 الف جنبه فعلا ارجو الرد

[walids]

لا لا الأسعار دي مبالغ فيها ، معتقدش ان سعر الماتور هيزيد عن 3000 جنيه ، انا مسألتش عليه بس فاكر انه بالسعر ده

انا مش فاكر مين قالي ان ممكن اغير نص العربيه الأمامي بنص عربيه موديل طياره بالماتور بكله و بتكلفة 5000 جنيه

[amrfox2002eg]

انا يا جماعة بقول اللى حصل قدامى انا كنت فى الوكالة باجيب ركبة يمين للـ 305 بتاعتى من يومين بالضبط جبتها ب 200 جنيه حالتها ممتازة وبالمرة سألت على التابلوه العادى والطيارة قالى ب 1000 و 1200 وكانت فيه واحد بيسأله على ماتور قاله 5000 جينه بس بحالة ممتازة والاسعار ديه من فم البائع وانت وزى ما تعرف تنزل

[semsem_inside]

لو سمحتم يا جماعة .. ايه الفرق بين التابلوه العادى والتيارة

[walids]

التابلوه العادي اللي هو شكله زي تابلوهات عربيات بيجو 504 بتاعت السفر ، اللي هو شكله عادي مفيهوش جماليات
اما تابلوه التياره فهو شكله افضل و اشيك منه و اجمل و مختلف عنه نهائي ، يعني من الأخر للعربيات الملاكي :d

[semsem_inside]

هل عندك صور للاثنين ممكن رفعهم
وشكرا

[momen100100]

استاذى التجار يقولو الاسعاره اللى عايزين يقولوها انت بردو بتفاصل فيها وبعدين معروف ان تجار الوكاله بيقولو ضعف سعر القطعه الاصلى للعربيه وانت وشطرطك معاهم فعلا التابلوه اسعاره زى منت قولت كده بس انا وصلته معاهم الى 700 جنيه ف مش كل حاجه همه يقولها نصدق عليها دى نصيحه واسف طولت عليكم كل عام وانتم بخير

[semsem_inside]

السلام عليكم
طب يا جماعة فى عندى سؤال :
هل ينفع يتركب تابلوه بتاع أى عربية من العربيات الحديثة لل 305 زى الهيونداى أو اللانوس مثلا
ولو ينفع يتكلف كام
......
ويا ريت لو حد فيكم يعرف الجير بوكس تغييره يتكلف كام يرد على
وشكرا

[walids]

صعب يتربك تابلوه تاني لأنك هتحتاج تقطع و تقص منه و القواعد مش هتبقي مظبوطه
فالتبلوه هيبقي اي كلام