ممكن أكون عضو فى منتدى بيجو ؟

[Yasser_K]

السلام عليكم ورحمة الله وبركاته

الأخوة الأفاضل أعضاء منتدى بيجو ..

أولاً : كل عام وأنتم جميعاً بخير بمناسبة حلول شهر رمضان المعظم أعاده الله علينا بالخير واليمن والبركات .
ثانياً : أرجو إنكم تقبلونى عضو جديد فى منتداكم الرائع لأنى أشارككم حب واحترام الأسد الفرنسى ، وطبعاً لا يفوتنى التقدم بالشكر لكل القائمين على منتدى نايل موتورز على الخدمات والمجهود الأكثر من رائع اللى بيقدموه بشكل مستمر ومتجدد .
المهم .. أنا بعد إذنكم محتاج مساعدتكم
لأنى أرغب بشدة فى شراء سيارة بيحو 504 لسببين أولهم لعشقى الشديد لهذا الموديل من البيجو ، وثانيهما [ وده الأهم بصراحة ] لأنها مناسبة لميزانيتى الضخمة
ياريت يكون فى حد من الأعضاء عنده سيارة 504 بيعرضها للبيع أو يعرف حد عنده سيارة للبيع
آسف جداً إنى طولت عليكم لكن حقيقى كان مهم جداً إنى أنضم لمنتداكم العزيز - ده لو قبلتونى طبعاً .
مرة تانية كل عام وأنتم بألف خير وشاكر جداً لوقتكم الغالى
ياسر محمد خضير
مدير عام المشتريات بشركة غزل المحلة
ت : 0109610631
yasser_k@hotmail.com

[walids]

يأهلاً بيك يأستاذ ياسر وسط أسرتك

بالفعل انت دلوقتي من مجتمع نايل موتورز و بالتحديد أسرة بيجو

العربيه بيجو 504 ماشاء الله ممتاز و قوية و حمالة أسية ، و ان شاء الله اخواننا اللي معاهم ال 504 هيفيدوك بخصوصها << لأني معايا 305 :)

و أهلاً بيك مره تانيه

[kareem_Ashmawy]

أهلا بيك يا باشا...عضو منور معانا فى عصابة بيجو
و أحييك على اختيثارك بصراحة...و انتظر رد اصحاب الـ504

[playeeer_fishooo]

اهلا بيك يا استاذ ياسر ... وانت طيب ورمضان كريم

ال 504 عربية تحفة ومفيش احلى منها فى القديم .... بس انا انصحك تجيب gl اوعى تجيب اى موديل تانى ... ده لو انت بتدور ع الراحة والرفاهية ...
لكن لو عايز عربية تستحمل معاك الشغل والبهدلة يبقى gr والكلام ده عن تجربة شخصية ...

لو حضرتك بتدور على التوفير فى البنزين يبقى عليك ب sr ده موتوره بيكون 1800 سى سى ... اقتصادى اكتر فى البنزين ..

ارجو اكون افادتك ... احنا كلنا اخوات ...

[the-hero]

أستاذ ياسر كل سنة وانت طيب وبالف صحة وسعادة
أهلا بيك عضو معانا فى المنتدى بشكل عام وفرد من عصابة بيجو بوجه خاص وان شاء الله ربنا يرزقك بالعربية اللى نفسك فيها
وبحييك مرة أخرى على أختيارك لل 504 لأنها الملك فى القديم
ونورت منتدانا وفى انتظار عملقة ال 504

[harphosh]

نورت المنتدى يا استاذ ياسر
وكل عام وانت بخير
احييك على اختيارك وباذن الله ربنا يوفقك فى سيارة جيدة باذن الله

[Yasser_K]

إخوتى الأحباء أعضاء عصابة بيجو ..
والله وبمنتهى الأمانة بقالى يومين كاملين أدخل كل شوية أقرأ كلامكم وأحاول أرد عليه لكن ملاقيش أى كلام ممكن يرد الأحاسيس الرائعة إللى فى كلامكم .. لكن لقيتنى هاتأخر فى الرد ويبقى شكلى وحش أوى فقولت لازم أرد وأنا متأكد إن إحساس الشكر والامتنان لترحيبكم الكبير أكيد هايظهر فى كلامى

* Walids العزيز .. ألف شكر لكلماتك الحميمة وشرف كبير أوى ليا إنى أكون أحد أعضاء الأسرة
* الأخ Kareem Ashmawy .. شاكر جداً لترحيبك الكريم وأنا فى الانتظار إن شاء الله
* باشمهندس playeeer fishooo .. ملحوظتك فى منتهى الأهمية وعرضك ليها فى منتهى الدقة [ علشان كده إسمك من النهاردة الباشمهندس :-) ]
* The Hero .. ربنا يسمع منك يا هيرو واركب 504 قريباً وأزورك بيها لأنى معزوم على الفطار فى يوم من أيام رمضان فى الزقازيق [ يعنى غالباً الموضوع هايقف عليك بخسارة :-) ]
* الصديق العزيز harphosh .. المنتدى منور بحضرتك وبكل الأعضاء الغاليين وألف شكر لتمنياتك المخلصة

[Nour_Peugeot]

اهلا بيك عضو معانا و ان شاء الله نقدر نفيدك في كل الحضرتك تحتاجه و دلوقتي يجي nabstar جيبلك المفيد في ال 504

هو معاه و اكتر واحد فينا يفيدك

اسال مجرب ولا تسال طبيب

[nour2007]

اهلا بيك عضو جديد وربنا يوفقك بسياره كويسه وتحببك في البيجو ويكون وشها حلو عليك

[Yasser_K]

أعزائى Nour 2007 ، Nour Peugeot

ألف شكر على ترحيبكم وبجد أنا محظوظ إنى ألاقى كل الكرم والترحيب ده منكم
وأنا فى انتظار دخول Nabstar يا نور علشان أزّهقه شوية باستفساراتى
مرة تانية متشكر جداً وكل عام وانتم بألف خير

[the-hero]

* the hero .. ربنا يسمع منك يا هيرو واركب 504 قريباً وأزورك بيها لأنى معزوم على الفطار فى يوم من أيام رمضان فى الزقازيق [ يعنى غالباً الموضوع هايقف عليك بخسارة :-) ]

ياباشا اناراضى بس انت تنفذ بس وبعدين خسارة ايه أكيد معرفتك هتبقي اكبر مكسب