هل انتهت اسطورة ال 504 ام لا

[MaZaGAngeE]

دي أفضل عربية ممكن الواحد يركبها , أنا جتلي فرص كتيرة لبيعها بس كل مرة بارجع في كلامي و ماتهونش عليا

[mhmd_001]

مفيش حد اقوى من الزمن
وطبيعي قطع الغيار مش هتبقى متوفره زي الاول علشان الموديلات الحديثة

[alhourriah]

الأسطورة ما تنتهيش لو بعد سنين

[mr_sameh]

عندك حق فعلا بس هيا بلا شك اسطورة وارحمو عزيز قوما ذل 0 احنا عندنا واحدة من 30 سنة ولسة محتفظين بيها وقولنا هتفضل لحد متخلص خالص

[ahmad--ezzat]

العربيه كويسه طبعا واحسن ما انتجت جميع الصناعات سواء المانى او سويدى او يابانى ولكن,...

العربيه ابتدت تتبهدل نظرا لمرور السنين عليها بشكل عام بالاضافه ان
سعرها ابتدى ينزل للعشرينات...من اربع خمس سنين العربيه دى كانت ب 35 ل 40 اللف جنيه...كان زمان الواحد لما بيسافر بياخد البيجو الاستيشن دلوقتى كل شىء اختلف...اصبح التويوتا هو الاجمل والاحدث والاريح...بالاضافه ان80 فى الميه منها تاكسى ودى حاجه انا مبحبهاش (وجهه نظرى)

كل حاجه بتتنتهى وكل حاجه بتاخد وقتها ودى حاجه متزعلش طبعا امال جيل اللوجان والحجات دى هيروح فين...لازم ياخد ماكانه ووقته وهيظهر بعده حجات

انا من راى ان البيجو 504 كفايا كده عليها وطبعا هذا لايقلل من جمال العربيه دى

[sir_servizio]

رد فائق الجمال من الاخ الي قال تيتنيك غرقت لاكن 504 لا مشكوررر جدا جدا

[د.محمود صلاح]

محبوبة جدا لدى أهل الصعيد بس سعرها نزل مع هوجة نزول الأسعار للمستعمل عموما , ولها زبونها اكيد , ووجهة نظرك غير ملزمة للغير

[husseinoo]

اذا كان سعرها نزل ... هو ده يبقى عيب فيها خصوصا لما تكون موش ناوى تغير السيارة
اذا كان هناك عربيات شكلها احلى ... هو ده يكون عيب فيها اذا كان يهمك الكفاءة موش الشكل
واذا كان العربيات الجديدة كلها كماليات ... هو يكون عيب فيها اذا كان يهمك القوة والسرعة والإعتمادية

أهم سؤال : هل قطع غيارها الاساسية موجودة ولا لأ
انا موش بتكلم على الكماليات ولا على الرفايع بتاعة العربية "لان الرفايع موش هى اللى هاتمشى العربية"

لو قطع غيارها موجودة "كربراتير - فتيس - فوانيس - دينامو - ... والعفشة ... الخ

يبقى مافيش اى مشكلة مع الاسد الفرنساوى وهاتكون طول عمرها ميت فل وعشرة

اما لو كنت عايز حاجة جديدة "لزوم الوجاهة والخروجة الحلوة" .... يبقى برده عندك حق انك تركب حاجة جديدة

ولو كان الموضوع ده ما يفرقش معاك .... موش هاتلاقى اقوى واحلى من الاسد الفرنساوى وحمال آسية على طول الخط

اللى عنده تعليق على موضوع قطع الغيار الاساسية بالذات ياريت يكتبه لنا .... خصوصا من الناس اللى طاحنة فى السوق وعارفة كل حاجة

اما معلهش اللى بيستلف عربية "بابا" ... وبابا هو اللى بيصلح فى الآخر ... اعتقد انه موش هايكون عنده خبرة كفاية ... إلا إذا كان شاب "روش" وغاوى موضوع العربيات ده جامد

الاسد يمرض ولا يموت

مع اطيب التمنيات
اخوكم حسين غزالة

[drmahmoud123]

504 اسطورة متجددة لازم تكون متاكد من كده
عربيه كل متديها تديلك وهل بجد تستاهل كل حاجة فيها

[mustang]

مين قال الكلام داا!!!!!!!!!!!! ال504 موجودة وشغالة وتشتغل كمان 100 سنة طول ما الواحد مهتم بيها (ولا حتى من غير اهتمام) انا من اول ما وعيت على الدنيا واحنا معانا 504 واهى لسة موجودة و شغالة .....هى بس المشكلة يمكن ان قطع الغيار الفرنساوى بقيت قليلة شوية وسعرها غالى....

[osama_ruan]

كل سنة وانتم طيبين ياعم ام كلثوم بتقول اية يا فؤادي لا تسل اين الهوي كان صرحا من خيال فهوي

[husseinoo]

انا اخويا الكبير عنده عربية فيات 1300 موديل 1964 ومازالت بموتورها الأصلى لم يتم تغيير اى شىء فيها وما شاء الله ما زالت تعمل والحمد لله بكفاءة جدا من ايام ابويا الله يرحمه

يعنى اكثر من 45 سنة شغل "اشغال شاقة مؤبدة"

طيب لما تتكلم على الاسد الفرنساوى خصوصا موديل 1979 يعنى بتكلم فى 30 سنة فقط اقل من الفيات بـ 15 سنة

الإجابة واضحة

الأسد عمره ما هايموت ... كل الحكاية ان الناس عايزة الشكل الجديد فقط بدون المقارنة بالقوة والمتانة

"كتر الزن امر من السحر"
ستة آلاف ماركة عربية فى السوق ... طبعا لازم اذواق الناس تتأثر
اللى ما يتأثرش ... دى الناس اللى فاهمة ... او معاه فلوس ويقدر يشترى عربيات شديدة وتستحمل وتقدر تقارنها مع الاسد الفرنساوى ... لو معاك فوق الـ 40 الف جنيه تقدر تشترى سيارة وممكن تقارنها مع الاسد

تحت المبلغ ده ... اوعى تفكر فى المقارنة .... الاسد عايش على طوووووووووووووووول

فى احد الصفحات ... كتب احد السائحين عن تجربته مع البيجو 504 ... وانه اضاف على الكنبة الخلفية "تنك" بنزين .... وبعد كده عمل جولة كاملة فى استراليا

وبعد انتهاء الجولة اخذها منه احد الاصدقاء وذهب بها الى "انجلترا" ومازالت تعمل بكفاءة جدا


عربية لف بيها قارة استراليا ... عايزين كلام تانى بعد كده


مع اطيب التمنيات
اخوكم حسين غزالة

[samcar]

كل سنة وانتم طيبين ياعم ام كلثوم بتقول اية يا فؤادي لا تسل اين الهوي كان صرحا من خيال فهوي

هو مين اللى هوى ده يا باشا- فين السزوكى سويفت اللى نزلت سنه 1993 ب 54 الف جنيه - فين الاكسل اللى نزلت سنه 1997 - فين التمبرا اللى نزلت سنه 1998 - بلاش فين الفكترا اللى نزلت سنه 1994 ب 115 الف- شوف حالة اى واحده من دول وشوف حالة عربيه بيجو متحافظ عليها من سنه 1979 كانت ب 5000 جنيه
ده الجديد هو اللى كله وهم وخيال عربيات اخرها نهاية مده الضمان

[husseinoo]

هو مين اللى هوى ده يا باشا- فين السزوكى سويفت اللى نزلت سنه 1993 ب 54 الف جنيه - فين الاكسل اللى نزلت سنه 1997 - فين التمبرا اللى نزلت سنه 1998 - بلاش فين الفكترا اللى نزلت سنه 1994 ب 115 الف- شوف حالة اى واحده من دول وشوف حالة عربيه بيجو متحافظ عليها من سنه 1979 كانت ب 5000 جنيه
ده الجديد هو اللى كله وهم وخيال عربيات اخرها نهاية مده الضمان