زجاج أمامى -بيجو 405

[aymansman]

السلام عليكم ورحمة الله وبركاته

الزجاج الامامى لسيارتى البيجو 405 اتكسر . ارجو المساعدة فى معرفة أفضل انواعة ,ومعرفة سعرة , ومعرفة أفضل مركز خدمة او ورشة لتغييره
السيارة بيجو 405 glx موديل 2000

والف شكر للاهتمام

[the-hero]

الاصلى السيكوريت بيجو ب 650
التيوانى بي اس ب 320
دكتور جريش320
وعلى فكرة كلهم جودة واحدة 3طبقات لكن مجرد اسماء شركات بس

[aymansman]

طيب أغيره عند مين ؟ ويكون صنايعى كويس .والتشطيب بتاعه كويس لانى خايف على الكاوتش والنواكل اللى على الازاز .لانه متغيرش قيل كده . وشفت ناس مغيراه والفنش بتاعه زباله . مقطعين الكاوتش ومضيعين النواكل ودقين عليها.
ولو د/ جريش كويس فين عنوانه او اقرب مكان للمعادى

وشكرا جزيلا

[aymansman]

انا كنت أفتكر ان د/ جريش بيعمل اصلاح لكسور الزجاج واصلاحه
ولكن بالبحث عرفت انه مصنع انتاج كبير وبيصدر للخارج

المهم انا ابحث الان عن مكان كويس لتغييره او اصلاحه اذا كان ممكن .

[Lord of the flies]

انا تعاملت مع محل خلف
قسم مدينة نصر 1 لسيارتى الريجاتا وكان كويس و سريع و عندة عربيات كتير جدا من مركات وموديلات مختلفة .

[ameer900000]

السلام عليكم

اولا احب اوضح ليك ان السيكوريت دة هو الزجاج طبقة واحدة و لما بيتكسر بيكون بودرة يعني كسر قطع صغيرة جدا و كثيرة

اما التربلكس فهو الزجاج 3 طبقات و دة الي بتشرخ بس

بالنسبة للانواع مفيش حاجة اسمهم الاصلي و التقليد هو بس بلد المنشأ دة تايواني و لا صيني و لا مصري و الجودة واحدة و ربما المصري افضل

و سعر الزجاج ما بين 280 و 300 جنية في شركة جريش بالعاشر من رمضان

و هما عندهم افضل فنيين و بيركبوا الزجاج ببلاش يعني التركيب مجانا مش هتدفع غير ثمن الزجاج بس و الخدمة ممتازة

العيب الوحيد انك لازم تروح ليهم العاشر من رمضان للتركيب في الشركة

و ربنا يوفقك

[the-hero]

السيكوريت دة هو الزجاج طبقة واحدة طب تيجى ازاى وهو عندى وتلات طبقات وغيرته قبل كدا
وازاى مفيش حاجه أسمها الأصلى
طبعا كل عربية وليها الأزاز بتاعها الأورجنال وبيبقى مركة واحدة على كل الأزاز بما فيهم الهوايات برقم سريل واحد ونوع واحد
ففى البيجو كل الازاز الاورجينال مكتوب عليه سيكوريت وجنبيها أسد بيجو
اجاى بقى اركب اى نوع هيخلف فى الماركة بس لكن مش هيبقي زى الباقى ولا هيكون فيه قطعة تثبيت مرايا الصالون ومش هيكون فرنساوى طبعا
مع العالم ان دكتور جريش ممتاز بس ديه حكاية فبريكة عربية والحفاظ على كل قطعها فقط
لكن ناس كتير ممكن ميهمهاش النقطة دية

[aymansman]

الف شكر على الردود وجزاكم الله خير

[the-hero]

لا شكر على واجب