تقييم أصحاب البيجو لسيارتهم

[amr mokhtar]

السلام عليكم
الى كل اصحاب البيجو يا ريت نكتب تقييمات عن حالة العربيات يعنى من حيث مدى تحملها و إيه هى الموديلات الكويسة و السيئة
و ده كمان هيكون مفيد عشان لو فى مشاكل مشتركة فى العربيات و حد عرف يحلها يكتبها عشان نستفيد من التجارب
و حاجة أخيرة ... إيه رأيكم فى التوكيل ؟ ... و إيه هى مراكز الصيانة و الكويسة و إيه السىء منها ( بس يا ريت عن تجربة شخصية عشان يبقى الكلام موثوق منه )

و دى المشاركة رقم 50 و بذلك اترقيت بقيت عضو ننشيط :-) :-)

[Mahmoud_405]

بسم اللة الرحمن الرحيم.
اولا انا عايز اشكرك علشان فتحت الموضوع ده وياريت كل ولحد يكتب موديل ومواصفات عربيته قبل ما يقيمها.
اولا مواصفات العربية:
عربيتي بيجو 405 برستيج 2000 سي سي اتوماتك موديل 1998 وشاريها استعمال وعاملة 140 الف

التقيم:

الشكل: حلو جدا بس كلاسيك ورايي انها متنفعشي للشباب من ناحيت الشكل (وده زوق ملوش علاقة بالتقيم)

الموتور: المميزات
2000 سي سي انجكشن 1 كامة 8 صمام 123 حصان وعزم 179 نيوتن متر عند 2750 لفة ايوه 2750 لفة يعني عزم بسم اللة ماشاء اللة جميل جدا وسحبا روعة انا طلعت من العربيات دي من الثبات لحد مكانو في المرايا عندي :
اوبل فكترا 1995 اتوماتك
دايو لانوس 2001 مانويال _ دس الوحيده اللي كان شديدا وحدتهة بعد التالت بتاعها
سوزوكي سوفت 1998 مانيوال
هيونداي النترا 2006 مانيوال صاحبها شاريها زبرو وطبعا انتو عارفين انها 2 كامة 16 صمام 107 حصان.
مشتشي مع عربيات ذي الانسر 2007 1600 122 حصان بس متهيالي ممكن يعديني في الاول وممكن لا..... بس حتي لو طلع حجيبوا انشاء اللة بعد ال 100 .
توب سيبد 193 بس خفت اجيب اكتر
من الصفر للمية في 10 سواني.
معرفش اذا كان معمر ولا لان العربية لسة معايا من شهرين بس كل مواتير البيجو معمرة جدا جدا

العيوب:
صوت عالي جدا بس مش اعلي من ال 405 الايراني.
قطع غياروا غالية الي حد ما وغير ال 405 العادية.
بيحتاج صيانة كتير علشان يفضل محافظ علي قوتة.
الموتور مش منظم قوي لما تفتح الكبوت بس احسن من علابيات كتير 98

الفتيس:
مميزاتة: سحب جامد واستجابة سريعة مع الكيك داون .
العيوب: ضعيف جدا وبيوز بسرعة وهو نفس التكنواوجيا بتاع ال 406 القديمة وبرده الفتيس فس عيوب
اذاي تحافظ علية :
نوع زيت الفتيس : عادي هو هو بتاع الباور... في موبيل الي ب 22 جنية ده كويس وفية شل. بس ملوحظة للناس اللي عندهم 406 جديده او 307 اوعوا تستخدموا الزيت ده لان انتوا عندكوا الزيت مختلف ... لازم تجيبوا زبيت بيجو الاصلي ب 120 جنية التر تقريبا متسترخشي العربيات دي الفتيس بتاعها مش ذي بتاع ال 405 برستيج... هو غالي بس بيتغير علي فترات ابعد .. مش عارف كام
تغير الزيت قبل الميعاد الحدد للكتالوج _همل بيقولوا كل 30000 لا غيروا عتد 20000
عدم استخدام الكيك داون الا عند الضروره
لو كابل الكيك داون مكسور لازم لازم تغيره ( انا غيرتة وده كان ب 240 جنية واتركب ب 200 جنية وحطيت زيت ب 66 جنية) يعني كلفني حوالي 500 جنية

العفشة: حلو جدا جدا وهي ذي ال 405 العادية بالزبط بس برده في حاجات غالية في العفشة ( انا باقول غالية بالنسبة للموديل والعربية ...هي اكيد ارخص من الجديد بس مش فرق جامد قوي )

الاتزان: اكتر من رائع واحسن بكتير من الانسر والتويوتا كرولا والابترا ( بعتبار ان انا سوقت العربيات دي )

الفرامل: كويسة جدا جدا( مفيهاش ABS ) بس الطنابير الامامي ذي الخلفي (ديسكات) بس بتصفر عندي.... يمكن علشان التيل متوسخ والفرامل الامامي الاصلي غالية جدا ب 380 جنية ده من سنة 2005 معرفش كام دلوقتي علي الرغم من انها عربية قديمة ومفيهاش ABS . معرفش الغلو ده لية!!!!!!!!!!!!!!!!!!

العزل: مش قد كده برده بسمع صوت الموتور وانا جوه العربية بس العزل بيتحسن بعد ماشغل التكيف. يمكن علشان صوت مروحة التكيف بيغطي علي الصوت اللي جاي من بره

الصالون : محتدش يقدر يتكلم عن صالون ال 405 واسع بشكل رهيب كاني قاعد في البيت.

التكيف: تلاجة ومروحتة قوية بس بعد ما غير العفشة الامامي الفيريون اتسرب ولسة مكشفتش علية .. ان شاء اللة علي الصيف الجاي.

الباور: حاسس ان الدريكسون تقيل شوية مش ذي العربيات الجديده.

الابعاد: ابعاد العربية مش حلوه ومريات الجانبية صغيره جدا علي حجم العربية فالركن بيبقي صعب شوية.

الخامات: جيده جدا بس التقفيل مش قد كده ( مصري بقي) نفس مشكلة التقفيل في النيسان الصني بهد مبقوا يصنعوها في مصر.

استهلاك البنزين: 7 لتر للكيلو داخل المدينة و اكتر من 10 بشوية صغيره علي الطريق.... معدل مش حلو بالنسبة للعربيات الجديده بس حلو علي 2000 سي سي قديمة.

التوكيل: وجبة اباظة ... عموما كويس بس قطع الغيار و المصنعية غالية جدا جدا جدا ومفيش حاجة اسمها حجز عندهم تيجي وتقف في طابور وتستني دورك وغالبا العربية بتبات لحاجت ممكن تخلص في ساعتين...الموزعون المعتمدون :ارخص بكتير في العمالة وقطع الغيار وعربيتك بنخلص في ساعتها بس معندهمشي كل حاجة للعربية..يمكن علشان البرستيج نادره شوية.

وفي النهاية عايز اقول الي حيشتري عربية في حدود 120 ال 140 الف يجيب 307 110 حصان وتتخدعشي بالهورس بالور العالي بتاع العربيات التانية ذي الانسر 122 حصان.. اهم من الحصان العزم وهو ده الي بيخلي الموتور يعيش اكتر ويبقي معمر
عزم الانسر الي هيا 122 حصان77 kW (يعني الفعلي 104 حصان ) 138.00 Nm .... عزم البيجو الي هيا 110 حصان ( الفعلي 108 ) 147.00 Nm . شوفتوا الفرق

الخلاصة هنا في مصر حراميا وبيعين كلام وبيقلوش قوه العربية الحقيقة. واتكدوا من

http://www.carsplusplus.com/specs2007/peugeot_307_x-line_16.php

http://www.carsplusplus.com/specs2007/mitsubishi_lancer_16_glx.php

وكمان من www.wkipedia.com محتش حيلاقي لانسر 1600 122 حصان وارهنكوا علي كده.
الي عتدوا معلومات غير كده يقول ( انا طبعا مشفتش مانويال الانسر) فالناس الي عندها لانسر تتاكد برده وترد علي.
واخر حاجة انا مش بيعيب في الانسر هي واللة العظيم علابية كويسة بس كانت عملة ضجة 1600 122 حصان اول مانزلت وتتعتبر عربية مشهوره علشان كده بقارنها ب ال307..ولسة حاتاكد من الهوندا سفيك الجديده الي بيقولوا عليها 1600 140 حصان.
ارجو تكون استفتم
والسلام عليكم ورحمة اللة

[Mahmoud_405]

الهوندا سيفيك 1600 2008 تلعت 123 حصان وال 1800 هي الي 138 حصان ( مش حتي 140 حصان )

http://en.wikipedia.org/wiki/Honda_R_engine

http://www.edmunds.com/honda/civic/review.html

[amr mokhtar]

بسم الله الرحمن الرحيم
انا هبدأ بالمواصفات الفنية: العربية بيجو 206 موديل 2001 و موتور 1100 سى سى قدرته 60 حصان و عاملة 118000 كم

بالنسبة للمميزات انا شايف ان أكبر ميزة فيها هى استهلاكها للبنزين و الحجم الصغير ( لأنى بصراحة بحب العربيات الصغيرة أكتر من العربيات الكبيرة )بتبقى ساهلة فى المناورة و الركن
الحاجة التانية : مكيفها ان شايف انه كويس جدآ يعتبر بعد اليابانى على طول بس هو بيأثر على سحبها بشكل ملحوظ بس مش بيخنقها كل الحكاية انه بيقلل شوية التسارع بتاعها بس مش مشكلة
الحاجة التالتة انها مش منتشرة اوى و ده بيخليها مختلفة عن العربيات اللى فى الشارع
الحاجة الرابعة: التقفيل الداخلى الحمد لله مافيهوش غلطة - الخامات محترمة جدآ متحسش انها ضعيفة او الحرارة ممكن تأثر عليها و دى ميزة العربيات الإستيراد غير المجمعة محليآ

بالنسبة للعيوب: الباور بتاعها تقيل مش ناعم زى الهيونداى مثلآ او اللانوس
الحاجة التانية تقيلة فى بيعها يعنى مش سهل انك تبيعها فى يوم و ليلة عشان بصراحة مش كتير بيحبوا البيجو بدعوة بعض الناس اللى بيقولوا انها عربية معقدة و قطع غيارها غالية

العربية بشكل عام الحمد لله ممتازة بس هى مؤخرآ طلبت شوية حاجات زى طقم مساعدين أمامى و مقصين أمامى على 118000 كم و بصراحة انا شايف ان ده يعتبر شىء كويس بس المشكلة فى تمنهم كان مؤلم جدآ :shock:

بالنسبة لمركز الصيانة احنا بنتعامل مع فرع مصطفى كامل ... هما ناس كويسين بصراحة شغلهم نضيف و بينجزوا يعنى مش بياخدوا وقت كتير فى كل حاجة بس لما بيبقى فيه شغل كتير فى العربية بروح بالليل اسيبها و هما الصبح بيشتغلوا فيها أول عربية

[mm_aaziz]

بيجو 406

بسم الله الرحمن الرحيم
سبحان الذى سخر لنا هذا وما كنا له مقرنين وانا الى ربنا لمنقلبون
بصراحة مقدرش اقيم سيارتى الحالية (بيجو 406، 2003) بشكل فنى ، لاننى اشتريتها من اسبوع فقط ولكن الحمد لله انا سعيد بالعربية.
لكن انا بالفعل جربت السيارات الاتية لعدة شهور واحيانا سنوات وممكن اقول لكم انطباعى العام بعد ما جبت البيجو:
كيا برايد،لانسر 1300 ،نيسان صنى 1300 ،تويوتا كرولا 1300، اوكتافيا A5 ، تويوتا برادو 44x ، فيات سيننا ، نيسان تيدا ، شيفورليه افيو ،واخيرا فورد فوكس 1600 موديل 2007
فى الحقيقة لم ارى فى حياتى عزم موتور ونعومة مثلما رايت البيجو ، لكن يمكن ده علشان ال2000 cc ، الباور حكاية ،منتهى النعومة والسلاسة (لكن التيدا انعم باور)، التكيف جيد جدا حتى مقارنة باليابانى ومش حاسس طبعا باى تاثير على السحب لكن يمكن ده علشان ال2000 cc ايضا.
الاوبشن جيد جدا وكمبيوتر العربية فيه كل حاجة ، استخدام البنزين/ 100 كم ، المتبقي منه فى التنك ، السرعة المتوسطة ، ...... كذلك درجة الحرارة الخارجية والتكيف بدرجة حرارته و أوضاع خروج الهواء ، وحالة ابواب السيارة، ومستوى صوت الكاسيت و توزيع الصوت فى السيارة،.....
الكاسيت + السى دى + الراديو جيدا جدا ، clarion و جودة السماعات و الصوت فائقة.
هذا الى جانب كمبيوتر الاعطال فى التابلوه الرئيسى و check-up كل مرة تدور السيارة ، وبصراحة الوان انارة التابلوه حكاية .
فيه طبعا اوبشن لذيذه ، ذى حساسات الاضاءة والمطر.
العربية عاملة 97000 لكن حالتها مثل الزيرو ، اقصد طبعا حالة الموتور والعزم وده مؤشر على جودة الصناعة ، وذى ما بيقولوه مواتير بيجو معمرة جدا.
العفشة مش بطالة لكن مش وهمية (بالرغم اننى غيرت اربع مساعدين جدد) بس يمكن علشان بقارنها بالفورد فوكس (فى حياتى لم ارى عفشة قوية ، وسيارة معزولة تماما عن المطبات فى الشوارع مثل الفوكس) ، لكن الكل قال لى ان البيجو ناعمة حتى فى المطبات.
الصالون فخم التصميم لكن الصناعة المصرية السيئة للغاية واضحة على الخامات و التقفيل (نفسى ارمى الكراسى فى الشارع).
الفتيس جيد لكن مخيف (سمعت ان مشاكله كتير) ، جربت ال sport mode و السيارة استجابتها ممتازة ووصلت بها حتى 160 كم/س (عموما تجميعها ممتاز)
الثبات ممتاز ، طبعا لان العربية عريضة وانسيابية
استهلاك بنزين مش قليل لكن يمكن ده علشان ال2000 cc ايضا و الفتيس الاتوماتيك.
مش مبسوط خالص بواحد من الاوبشنس ((engine brake: العربية بتطلع فى النقلات بنعومة وبدون اى إحساس انك أتنقلت من نقلة الى الاخرى ، لكن اثناء النزول الفتيس بينقل الى النقلات الادنى بشكل ملحوظ مع الفرامل وبالتالي السيارة بتتنقل الى الغيار الاقل على سرعة عالية نسبيا و ده طبعا علشان الموتور يساعد فى فرملة العربية الى جانب الفرامل العادية (هذا ما يطلق عليه engine brake )
مشكلته من وجهة نظرى انه بيأثر على الموتور على المدى الطويل ، وطبعا بيعمل نتشة واضحة لقائد السيارة.
فى الحقيقة انا كنت بعمل engine brake وانا سايق العربيات المانيوال ، لكن مش فى كل الحالات (فقط فى حالة عدم استجابة الفرامل بالشكل المناسب لاحتيجاتى كسائق).
التوكيل قال ان السيارة مصممة علشان تعمل engine brake اتوماتيكيا ، لكن فى الحقيقة انا لم ارى الاوبشن ده فى كل السيارات الاتوماتيك اللى انا ركبتها وكان الأولى يكون فى عربية ذى البرادو لانها 260 حصان ، 4000 cc ومحتاجة قوة توقفها بالاضافة للفرامل.
انا حتى سالت واحد صحبى معاه 307 2007 ، وكان عنده نفس التعليق لكن فقط فى حالة sport mode.
المهم ، المجمل العام السيارة ممتازة و الواحد يدفع فى المستعمل بتعها 100000 احسن من لانسر او نيسان زيرو (طبعا ده رايى الخاص).
بالنسبة للبيع و الاسعار ، اعتقد ان السيارة مدبوحة بالفعل ومش ممكن السعر ينزل الا نزلات بسيطة ان شاء الله.
الحمد لله على نعمته علينا وربنا يحفظ لنا نعمته ويكفينا شرها

[amr mokhtar]

إيه يا جماعة انتوا مكسلين ليه؟ :roll: :roll:
انا إفتكرت ان الموضوع ده هيبقى ظريف

[محمد ابراهيم 1]

هو الموضوع ظريف فعلا لكن إنت قلت الموضوع موضوع كسل لكن أوعدك أكتب عن تجربتى مع البيجو فى فتره قريبه جدا

[Migo123]

انا بالفعل جربت السيارات الاتية لعدة شهور واحيانا سنوات وممكن اقول لكم انطباعى العام بعد ما جبت البيجو:
كيا برايد،لانسر 1300 ،نيسان صنى 1300 ،تويوتا كرولا 1300، اوكتافيا A5 ، تويوتا برادو 44x ، فيات سيننا ، نيسان تيدا ، شيفورليه افيو ،واخيرا فورد فوكس 1600 موديل 2007

ممكن تعملنا تقييم جميل زي ده للنيسان تيدا ؟!!!

[OsKaR]

thank you

[SaLM!Na]

ana m3aya 504
3rabeya zay elfol bs 3yoobha btzhar fg2ah ymkn 3shan b2alha 30 sana
el3arabeya shdeeda geddan
w a7san 7aga eny bb2a mashya w kol elnas btwasa3ly
heya 2000 cc model 1979
kanet marfoo3a 7awaly 9 sneen
el3arabeya mafihash ay kamaleyat
y3ny mfish takyef wala power wala center
el7aga elwa7eeda elly fiha heya ezaz kahraba w kman e7na elly mrakebino
ana bgd b3sh2 el3rabeya di bs elmoshkela enha kbeera 3lia awwwwyyyyyy

[hic]

سلام عليكم
انا معايا بيجو 405 موديل 1994 عاملة 85000 كم 1600 سىسى و هى معايا من حوالى سنة و نصف
العربية ماشاء الله عليها
انا جربت عربيات كتير بس الحمد لله ما لقيتش زى البيجو و خصوصا انا باسافر كتير بتكون قمة فى الثبات و خصوصا ع السرعات العالية و انا لو فكرت اغير مش ح اركب حاجة تانية غير البيجو او المرسيدس
بالنسبة لقطع الغيار هى فى حدود المعقول يعنى مش رخيصة قوى او غالية قوى لكن الميزة فيها انك لو ركبت قطع الغيار الاصلى ح تنساها فترة طويلة
بالنسبة للتوكيل انا ماليش اى احتكاك بيه علشان باصلح برة التوكيل و الحمد لله لغاية دلوقت مفيش تصليح كتير
باستخدم زيت توتال كل 3000 كم

[Mahmoud_405]

انت بتستخدم انهي زيت توتال؟؟؟ كوارتز الي مكتوب علية 5000؟

[msa3dawy]

مفيش حد معاة 307 ولا اية :-) :-)

[hic]

تمام كدة يا استاذ حودة
توتال 5000 كوارتز

[Mahmoud_405]

وده بيعقد اد اية؟؟؟