فتيس ال406

[ahmed_khalil]

عاملين ايه يا رجالة البيجو؟؟؟ بقالى فتره بفكر فى 406 كبديل لل405 و طبعاا انتو عارفين موضوع الفيتيس اللى الناس بتتكلم عنه....
مالاقيتش الى حاجه بتتكلم عنه و الشئ العجيب ان العربيات اللى متباعه على كونتاكت كتيير منها مهدى ال200 km
ايه رأيكوا فى ال99 2000 المانيوال الشكر القديم من حيث الصيانه و قطع الغيار و كده؟؟

[Nour_Peugeot]

لمانيوال مفيش خوف منه خالص و بالمناسبه كمان الاوتومتيك مشكله كلها احنا السبب فيها عشان بنتعافي عليه شويه اناة اعرف واحد صحب والدي الاوتوماتيك العربيه معاه من سنه 2003 لحد الان مشتكاش من الاوتوماتيك خالص

[waleedabbas]

ماتقلقش يا باشا من الفتيس بس اهم حاجة تكشف عليه فى التوكيل او مركز بيجو معتمد لو سليم خلاص اهم حاجة انت تحافظ عليه وتغيير الزيت كل 20 الف وماتحطش غير زيت فتيس بيجو كده ان شاء الله هيعيش معاك ومش هيعمل مشاكل انا الحمد لله معايا العربية عاملة 150 الف والحمد لله الفتيس تمام

[the-hero]

فعلا المانيول مفيش خوف منه والفتيس ده تقريبا زى بتاع البرستيج المنيوال بالظبط

[waleedabbas]

90 % من مشكلة الفتيس فى البيجو ان الناس بتحط زيت نوع مختلف عن زيت الفتيس ماركة بيجو وده موجود ومتوفر عن اى حد بتاع قطع غيار بيجو لكن اى نوع تانى بيخلى الفتيس يهيس
وعلى فكرة المشكلة دى فى معظم الفتايس الحديثة اعرف واحد معاه عربية اسكودا اوكتافيا وحط نوع زيت مختلف عن الزيت بتاعها بوظ الفتيس برغم انه كان شغال كويس قبل تغيير الزيت ونفس المشكلة بتحصل فى الباسات

[ahmed_khalil]

مشكورين يا رجاله البيجو على الرد الواحد شكله هايبتدى يفكر بجد

[ahmed_khalil]

ماتقلقش يا باشا من الفتيس بس اهم حاجة تكشف عليه فى التوكيل او مركز بيجو معتمد لو سليم خلاص اهم حاجة انت تحافظ عليه وتغيير الزيت كل 20 الف وماتحطش غير زيت فتيس بيجو كده ان شاء الله هيعيش معاك ومش هيعمل مشاكل انا الحمد لله معايا العربية عاملة 150 الف والحمد لله الفتيس تمام

العربيه موديل كاام؟؟؟ و ياريت يا باشا لو تدينا نبذه عن اسعار قطع الغيار و هل فيه منها استيراد ولا لأ و مشكور مقدمااا

[waleedabbas]

معلش اتاخرت فى الرد

العربية موديل 2003
قطع الغيار الاصلية جديدة متوفرة فى شارع دمشق والاستيراد متوفر جدا ممكن تلاقى اى مسمار فى الحرفيين والوكالة
بعض اسعار قطع الغيار
تيل فرامل اصلى جديد 320
تيل فرامل اسبانى 120
تيل فرامل خلفى اصلى 240
فانوس اصلى استيراد 300
طلمبة بنزين اصلى جديدة 950
جوان شكمان اصلى جديد 150
فلتر بنزين فرنسى 50
فلتر هواء اصلى 85

دى بعض اسعار قطع الغيار ال عرفتها

[ahmed_khalil]

شكراااا جدااا يا باشا