استفسار عن الرينو لوجان البيسك

[ayad2007]

كل الموضوعات عن اللوجان الفول اوبشن ..... انا بفكر اشتري اللوجان البيسك علشان سعرها مناسب لأمكانياتي . ياريت يكون في حد عنده اللوجان البيسك ويفولنا عمله معاه ايه؟؟؟ وشكرا

[Egyzizo]

فيها كل مميزات اللوجان اللى بنتكلم عنها ما عدا الكماليات والـ finish

[SeiffoZ]

كل الموضوعات عن اللوجان الفول اوبشن ..... انا بفكر اشتري اللوجان البيسك علشان سعرها مناسب لأمكانياتي . ياريت يكون في حد عنده اللوجان البيسك ويفولنا عمله معاه ايه؟؟؟ وشكرا :ta_clap[1]:

لوجان بيسك مافيهاش أى حاجة ... مافيش لا باور ولا تكييف حتى ...
مجرد سيارة فاضية

[MoHaMed HaMeD]

حاول تجيب حته الهاف اوبشن

[ramy_gamal]

مش عارف انا مستحرم تدفع 56 الف ومفيهاش اى كماليات يعنى تدفع المبلغ دة وكمان مفيش تكييف !!!!!!!!!!! ولا باور!!!! اعتقد لو حضرتك لقيت عربيه ماشيه شويه وحالتها نضيفه اعتقد احسن يعنى لو لقيت حد بيبيع لوجان ( صعب جدا ) او كليو موديل 2008 مثلا او 2007 ويكون فيها كماليات يبقى حتى حسيت بالمبلغ اللى دفعته

[party_0000]

البيسك عربيه على الطوب الاحمر وانتا تشطبها حد فاضي للتشطيب !

[bishoy02010]

منصحكش بالبيزك مفيهاش اى حاجة هالص بس لو انتة شايفها مناسبة فهيا هيا الفول اوبشن بس شيل منها كل حاجة بس العربية كعربية هيا هيا مفيش اختلاف

[amr.elsayed]

على حسب حتقارنها بايه يعنى لو انت بتفكر فيها هى واللادا
يبقى لوجان بيسك افضل ميت مرة لكن فى السعر دة ممكن تشوف
حاجة مستعمل تكون حالتها جيدة لكن لو زيرو وسيدان يبقى لوجان من غير تفكير

[Egyzizo]

بالظبط ، لو هتقارن اللوجان البيسك بعربية من فئتها السعرية تكون فاضية برضه ، يبقى اللوجان أفضلهم.
بس بينى وبينك 56 ألف جنيه ، دى فلوس برضه مش قليلة ، تخليك تطمع فى عربية فيها تكييف على الأقل.

[Ahmed A Rahman]

على حسب حتقارنها بايه يعنى لو انت بتفكر فيها هى واللادا
يبقى لوجان بيسك افضل ميت مرة لكن فى السعر دة ممكن تشوف
حاجة مستعمل تكون حالتها جيدة لكن لو زيرو وسيدان يبقى لوجان من غير تفكير

بالضبط كده المقارنة تنفع لو بتفكر في لادا او 128
لاني مش مقتنع بالتكييف اللي حطوه في اللادا فهعتبرها من غير تكييف

يبقى ساعتها حتاخد توكيل محترم وقطع غيار اصلية معمرة وعفشة حلوة
وهو ما لا يتوافر في اللادا او ال128 او حتى الصيني اللي نازل جديد...

[mrmohamedragab]

العربيه البيسك على فكره يا جماعه مش وحشه للدرجه اللى انتوا متخيلنها لو بصيتوا على الفرق بينها و بين الهاف اوبشن هتلاقوا ٤ اختلافات بس و هم
١- ٢ زجاج كهربى
٢- تكييف
٣- باور
٤- كاسيت
اولا بالنسبه للكاسيت غالبا بيجى مش ام بى ثرى و لو جه بيباه سيديهات بس مبيشغلش فلاشات او ميمورى فغالبا بتغيره
فى البيسك باه حاططلك سماعتين فى الابواب زيها زى الهاف و تختار انت الكاست على زوقك ازا كان بيونير ب ٨٠٠ جنيه و فيه كل حاجه او صينى ب ١٠٠ جنيه و فيه كل حاجه برضو ده شيئ يرجعلك

ثانيا بالنسبه للزجاج الكهربى انت بتفتحه و تقفله كام مره و انت سايق ؟؟؟؟؟ هى مره واحده فمش محتاجه اوى انه يكون كهربا قدام و من ورا الاتنين مش كهربا لا فى الهاف ولا فى البيسك و عامتا لو عايز تحولهم كهربا مش هيكلفوك اكتر من ٢٥٠ جنيه بتركيبهم ده لو انت مصمم

ثالثا نيجى للباور الباور حلو و لزيز و سلس فى السواقه و كل حاجه
الباور عدد لفات الدريكسيون فيه ٣.٥ و العاده ٤.٥ اعتقد ان الاختلاف مش كبير اوى و حتى لو كبير و مصمم على باور ممكن تركبه بسهوله بس فى حاجه انتوا مش واخدين بالكوا منها الباور زى مهو مريح ليه مشاكل برضو زى انك متقدرش تكسر على الاخر و يقعد يتكتك لو فيه حاجه و ممكن يسرب زيت و مشاكل انت فى غنى عنها

رابعا باه التكييف التكييف حلو اوى فى يومين حر زى اليومين دول انا معاكم بس لو هيفرق فى السعر و خصوصا و انا مدبر فلوس العربيه بالعافيه و احتمال اكون جايبها تقسيط كمان ساعتها مش هتفرق ٧ الاف جنيه باه هتفرق ١٠ او اكتر فده ممكن تستغنى عنه مؤقتا لحد اما ربنا يكرم و متزنقش نفسك .. مش احسن متركب مواصلات و ما ادراك ما المواصلات فى الحر ده ؟
عامتا هو فى تكيف هوا بس فيها يعنى مروحه و فيها اماكن لكل حاجه بتاعت التكييف لو عايز تركبه فى المستقبل من فتحات تهويه و البانل بتاعتها و كله و لو عايز تركب تكييف احسن ماركه يبانى فى السوق اسمها ساندن بتجيبه و تركبه ب ٢٠٠٠ جنيه و لو ركبته فى توكيل ساندن بيباه من ٣.٥٠٠ل ٤٠٠٠ و بيبقه زى الفل فاللى عايز يلم نفسه اليومين دول و يركب عربيه حلوه و ماركه و تريحه انا شايفها حلوه اوى من غير اوبشن و لو عايز تركب الاوبشن دى بعد كده هيباه براحتك مش مزنوق
عايز اخد رايكوا باه فى حاجه علشان نعرف الفرق بس هنقارن بين اللوجن بيسيك و الاسبيرانزا الa11 فول اوبشن باعتباهم بنفس السعر تقريبا
هتختار انت الكماليات و تسيب الاساسيات ولا تختار الاساسيات و تسيب الكماليات مؤقتا لحد اما ربنا يسهل .

فى نقطه الكل بيخاف منها بيقوللك لو ركبت تكييف مثلا هتخرج برا الضمان طب منت عربيتك بتخرج من الضمان كده كده بعد تلات سنين و ممكن اقل لو مشيت بيها مسافه معينه لو خايف اوى على الضمان خلاص متعدلش حاجه فى العربيه و استنى تلات سنين و بعدين اعمل اللى انت عايزه لو ميهمكش اتكل على الله و هتلاقى الامكانيات اللى انت زودتها و على مزاجك مش هيزيد سعرها عن ٥٠٠٠ جنيه باى حال من الاحوال ده لو انت جايب انضف حاجه و تباه مزنقتش نفسك فى الفلوس .
ده راييى يا جماعه و اتفهم ان فى ناس تانيه مبتقبلش تقدم تنازلات بس انا بكلم بكلامى ده اللى عايز يركب عربيه حلوه و على اد امكانياته الماديه الحاليه

[DR/WAFEK]

والله البيسك دى هى اللى مسؤه سمعتنا ناس كتير تقولى مش عربيتك دى اللى بحاجه وخمسين الف مع ان اى عربيه لو على الطوب الاحمر هتقل جامد جدا يعنى ال 12 الف دول بتاخد بيهم كماليات بالهبل ولا يمكن تعوضهم فانصحك لو تقسط الفرق ده او تسلفه من حد احسنلك ميت مره

[DR/WAFEK]

العربيه البيسك على فكره يا جماعه مش وحشه للدرجه اللى انتوا متخيلنها لو بصيتوا على الفرق بينها و بين الهاف اوبشن هتلاقوا ٤ اختلافات بس و هم
١- ٢ زجاج كهربى
٢- تكييف
٣- باور
٤- كاسيت
اولا بالنسبه للكاسيت غالبا بيجى مش ام بى ثرى و لو جه بيباه سيديهات بس مبيشغلش فلاشات او ميمورى فغالبا بتغيره
فى البيسك باه حاططلك سماعتين فى الابواب زيها زى الهاف و تختار انت الكاست على زوقك ازا كان بيونير ب ٨٠٠ جنيه و فيه كل حاجه او صينى ب ١٠٠ جنيه و فيه كل حاجه برضو ده شيئ يرجعلك

ثانيا بالنسبه للزجاج الكهربى انت بتفتحه و تقفله كام مره و انت سايق ؟؟؟؟؟ هى مره واحده فمش محتاجه اوى انه يكون كهربا قدام و من ورا الاتنين مش كهربا لا فى الهاف ولا فى البيسك و عامتا لو عايز تحولهم كهربا مش هيكلفوك اكتر من ٢٥٠ جنيه بتركيبهم ده لو انت مصمم

ثالثا نيجى للباور الباور حلو و لزيز و سلس فى السواقه و كل حاجه
الباور عدد لفات الدريكسيون فيه ٣.٥ و العاده ٤.٥ اعتقد ان الاختلاف مش كبير اوى و حتى لو كبير و مصمم على باور ممكن تركبه بسهوله بس فى حاجه انتوا مش واخدين بالكوا منها الباور زى مهو مريح ليه مشاكل برضو زى انك متقدرش تكسر على الاخر و يقعد يتكتك لو فيه حاجه و ممكن يسرب زيت و مشاكل انت فى غنى عنها

رابعا باه التكييف التكييف حلو اوى فى يومين حر زى اليومين دول انا معاكم بس لو هيفرق فى السعر و خصوصا و انا مدبر فلوس العربيه بالعافيه و احتمال اكون جايبها تقسيط كمان ساعتها مش هتفرق ٧ الاف جنيه باه هتفرق ١٠ او اكتر فده ممكن تستغنى عنه مؤقتا لحد اما ربنا يكرم و متزنقش نفسك .. مش احسن متركب مواصلات و ما ادراك ما المواصلات فى الحر ده ؟
عامتا هو فى تكيف هوا بس فيها يعنى مروحه و فيها اماكن لكل حاجه بتاعت التكييف لو عايز تركبه فى المستقبل من فتحات تهويه و البانل بتاعتها و كله و لو عايز تركب تكييف احسن ماركه يبانى فى السوق اسمها ساندن بتجيبه و تركبه ب ٢٠٠٠ جنيه و لو ركبته فى توكيل ساندن بيباه من ٣.٥٠٠ل ٤٠٠٠ و بيبقه زى الفل فاللى عايز يلم نفسه اليومين دول و يركب عربيه حلوه و ماركه و تريحه انا شايفها حلوه اوى من غير اوبشن و لو عايز تركب الاوبشن دى بعد كده هيباه براحتك مش مزنوق
عايز اخد رايكوا باه فى حاجه علشان نعرف الفرق بس هنقارن بين اللوجن بيسيك و الاسبيرانزا الa11 فول اوبشن باعتباهم بنفس السعر تقريبا
هتختار انت الكماليات و تسيب الاساسيات ولا تختار الاساسيات و تسيب الكماليات مؤقتا لحد اما ربنا يسهل .

فى نقطه الكل بيخاف منها بيقوللك لو ركبت تكييف مثلا هتخرج برا الضمان طب منت عربيتك بتخرج من الضمان كده كده بعد تلات سنين و ممكن اقل لو مشيت بيها مسافه معينه لو خايف اوى على الضمان خلاص متعدلش حاجه فى العربيه و استنى تلات سنين و بعدين اعمل اللى انت عايزه لو ميهمكش اتكل على الله و هتلاقى الامكانيات اللى انت زودتها و على مزاجك مش هيزيد سعرها عن ٥٠٠٠ جنيه باى حال من الاحوال ده لو انت جايب انضف حاجه و تباه مزنقتش نفسك فى الفلوس .
ده راييى يا جماعه و اتفهم ان فى ناس تانيه مبتقبلش تقدم تنازلات بس انا بكلم بكلامى ده اللى عايز يركب عربيه حلوه و على اد امكانياته الماديه الحاليه

لو مؤاخده يا باشا الفروق اللى انت مستقل بيها دى جامده جدا وتفرق كتير فى العربيه يعنى مينفعش اقارن 128 مثلا بالتكتك واقول دا كل الفرق ان دى 3 عجلات وده اربعه مش فارقه كتير عربيه بدون باور ولا تكييف طبعا هتبقى مقرفه والازاز الكهربا بتسخدمه ميت مره فى اليوم لو عربيه ادامك شكمانه بايظ ومعندكش ازاز كهربا عيش بقى يا معلم الخ الخ