هل الباركنج سينسور خارج التوكيل يخرج الضفيره من الضمان

[DR/WAFEK]

هل الباركنج سينسور خارج التوكيل يخرج الضفيره من الضمان لانى لما كلمت الراجل الموزع المعتمد وسئلته على الموضوع ده قالى انه يخرج من الضمان فمين كلامه صح هل فى المنتدى ولا الراجل ده والكلام اللى اتقال فى النتدى بناء على اجتهادات ولا حد سئل فى التوكيل؟

[nomercy22]

لا مبتخرجش من التوكيل

[gebreel]

بص يا باشا القصة كلها هي انك متبوظش حاجة في الكهرباء و ده مش هيحصل الا من حاجة من ال2
1- عيب صناعة و ده السبب في ان التوكيل يقلك متركبش حاجات برة التوكيل
2- تحميل زايد على الضفيرة
انا ركبت الباركنج سينسور عند ادريان و شغله نضيف جدا و مش عاملي اي مشاكل انا لسة مرحتش التوكيل بس كنت سألت مهندس هناك عن طريق واحد صاحبي يعرفو معرفة شخصية قالو انو في التوكيل بيركب اه بس غالي جدا و الناس برة عارفين شغلهم كويس
فلو اخترت مكان كويس للتركيب زي ادريان اللي الميكانيكيون العرب كانو قالو لاحمد عبد المقصود انو يروح يركبو هناك في الميجان بتاعتو و الحمد لله بقالو 3 سنوات بيروح التوكيل و مفيش اي مشاكل خالص

[zkralla]

أنا اتصلت بالتوكيل وسألت عن تركيب انذار وقالولى ما بيخرجش من الضمان وأخ كمان هنا فى المنتدى قال أنه اتصل اكتر من مرة وقالوا نفس الكلام المهم أنه ما يعملش مشاكل
برده اتصل بالتوكيل وأتاكد 16202 برغم أن الانذار لما ركبته كان فيه لعب فى الضفيرة اكتر من الباركينج سينسور

[karim2001]

يا باشا كل اللى بيحصل ان التوكيل استحاله يركبلك باور مثلا يعنى
باور او سنتر او تكيف لو العربيه فيه منها بينزل بباور او تكييف لانه كدا كان نزلك العربيه فاضيه وانت تزود اللى انت عاوزه
دى اولا
ثانيا التوكيل مش بيركب الانزار او الباركنج سينسور ولا اى حاجه من الكماليات الا اذا كانت موجوده اساسا فى العربيه والعربيه بتاعتك بتنزل بالمواصفات دى

[gebreel]

يا باشا كل اللى بيحصل ان التوكيل استحاله يركبلك باور مثلا يعنى
باور او سنتر او تكيف لو العربيه فيه منها بينزل بباور او تكييف لانه كدا كان نزلك العربيه فاضيه وانت تزود اللى انت عاوزه
دى اولا
ثانيا التوكيل مش بيركب الانزار او الباركنج سينسور ولا اى حاجه من الكماليات الا اذا كانت موجوده اساسا فى العربيه والعربيه بتاعتك بتنزل بالمواصفات دى

التوكيل بيركب الباركنج سينسور و اي كماليات انت عاوزها لكن مش هيركب باور او تكييف للسبب اللي حضرتك قلتو
انا التوكيل كان هيركب السينسور عادي بس كان هيركبو غالي كان هيبقى تركيب بس تقريبا حوالي 350 جنيه يعني قد تمنو لكن التوكيل بيركب عادي جدا