أخوكم جاب رينو ميجان محتاج مساعدتكم

[hanytahia]

الحمد لله جبت ميجان 2 2005 بحالة كويسة بس فيها شوية حاجات عايز اعملها العفشة بتخبط بسيط وبحس برعشة بسيطة فى الدريكسيون خصوصا لو سايق بسرعه ودايس بنزين وبتقل لما اشيل رجلي من علي دواسة البنزين وده مش عيب ترصيص والبيبان بتخبط وتزيق فى المطبات ومؤشر البنزين لما امون مابينزلش ع الآخر بيقف قبل علامة التفويل بشرطة ياريت يا وحوش الميجان تسعدوني اخوكم لسه جديد ومش عارف حاجة فى العربية دي خالص

[elshinawy80]

او انت من سكان القاهرة انصحك ان اول مرة تظبط فيها العربية تكون فى التوكيل او مركز معتمد يكون كويس علشان يخلوها a1 بعد كده ممكن تتابع مع ميكانيكى كويس لكن المرة دى خليها فى التوكيل هتدفع زيادة شوية بس العربيه هتخرج زى الزيرو

[Ahmed Selim]

الحمد لله جبت ميجان 2 2005 بحالة كويسة بس فيها شوية حاجات عايز اعملها العفشة بتخبط بسيط وبحس برعشة بسيطة فى الدريكسيون خصوصا لو سايق بسرعه ودايس بنزين وبتقل لما اشيل رجلي من علي دواسة البنزين:_alshmokh08[1]: وده مش عيب ترصيص والبيبان بتخبط وتزيق فى المطبات ومؤشر البنزين لما امون مابينزلش ع الآخر بيقف قبل علامة التفويل بشرطة ياريت يا وحوش الميجان تسعدوني اخوكم لسه جديد ومش عارف حاجة فى العربية دي خالص

1- العفشة بتخبط : محتاجة تتجرب

2- رعشة فى الدركسيون : 90% ترصيص أو جنط متنى أو معووج.....جرب ترصص عند واحد عنده مكنة ترصيص أسمها حصان.....و دى بترصص العجلو هى راكبة فى العربية.
3- تزييق فى الأبواب : جرب ترش حاجة أسمها سيليكون سبراى هيظبط الصوت معاك لمدة أسبوع أو حاجة و بعد كده هيرجع تانى......الحل الأكيد أنك تتأكد أن الأبواب مظبوطة و مفيهاش مشاكل و ترش على الأقفال نقطتين زيت.
4- علامة البنزين :جرب تفول و أنت مبطل العربية و قولى أيه اللى هيحصل.

[hanytahia]

1- العفشة بتخبط : محتاجة تتجرب

2- رعشة فى الدركسيون : 90% ترصيص أو جنط متنى أو معووج.....جرب ترصص عند واحد عنده مكنة ترصيص أسمها حصان.....و دى بترصص العجلو هى راكبة فى العربية.
3- تزييق فى الأبواب : جرب ترش حاجة أسمها سيليكون سبراى هيظبط الصوت معاك لمدة أسبوع أو حاجة و بعد كده هيرجع تانى......الحل الأكيد أنك تتأكد أن الأبواب مظبوطة و مفيهاش مشاكل و ترش على الأقفال نقطتين زيت.
4- علامة البنزين :جرب تفول و أنت مبطل العربية و قولى أيه اللى هيحصل.

يعني العفشة مش ممكن تخليك تحس بالمطبات اللي علي الطريق فى الدركسيون

[Ahmed Selim]

يعني العفشة مش ممكن تخليك تحس بالمطبات اللي علي الطريق فى الدركسيون

ممكن تحسسك بالمطبات فى الدركسيون بس لما يكون فى مطبات

لو رعشة مع السرعات فى طريق مرصوف و مفيهوش مطبات يبقى ترصيص أو جنط.