أخبار التعامل مع مركز خدمة الأقصر و الغردقة و التوكيل إيه ؟

[emann]

كل سنو وانتو طيبيين وعربياتكوا بخير وسلامة.
ممكن نعرف كم واحد من اهل الصعيد فى المنتدى وكام واحد راح الصيانة فى الاقصر والغردقة ..... واية اخبار التعامل هناك ... واخبار التعامل مع التوكيل وايه المشاكل اللى حصلت معاهم ... واحسن مكان لقطع الغيار
و شكراا لتعاوانكم معانا
انا من سوهاج... بلد المواوويل

[emann]

اية ياجماعة معقول مفيش حد من الصعيد ..والله دى حاجة تزعل ...طب نعرف منين ظرووف الصيانة ولا لازم اروح القاهرة واسكندرية ... طب مبلاش واجيب فيرنا او لانوس واهى معروفين عندنا ..

[alfa_we]

وانت طيب يا باشا
واهلا بيك معانا فى المنتدى على فكرة انا من الاقصر وبتعامل مع مركز صن جير الاقصر دا طبعا مركز صيانة معتمد
من ناحية التعامل فهما كويسين جدا ومحترمين
بس ينقصهم الخبرة لان اغلبهم جديد فى المهنة
ومظنش هاتلاقى انسب واحسن من التوكيل فى قطع الغيار بس هما بياخدوا وقت شوية لغاية ما توصل ليهم الحاجة دا طبعا بالنسبة لقطع الغيار الى مش عليها طلب كتير
بس لو حاجات بسيطة وعليها طلب كثيير بتكون متوفرة
واى استفسار يا باشا انا فى الخدمة
تحياتى لاهل سوهاج

[nomercy22]

اية ياجماعة معقول مفيش حد من الصعيد ..والله دى حاجة تزعل ...طب نعرف منين ظرووف الصيانة ولا لازم اروح القاهرة واسكندرية ... طب مبلاش واجيب فيرنا او لانوس واهى معروفين عندنا ..

الفيرنا واللانوس من وجه نظري ماينفعش تقرنيهم باللوجان كل ما هناك ان اللوجان بقالها 6شور بس علشان كده ممكن تلاقي اللي في الصعيد معدودين اما الفيرنا واللانوس بقالهم كتيررر ولكن قبل ما تتم اللوجان السنه ان شاء الله هتلاقي نااس كتير في الصعيد انا مابشكرش في اللوجان بس ديه الحقيقه

[mostafabakry]

العبدلله من قنا
و معايا اللوجان mcv
وبعمل الصيانة عن مركز خدمة صن جير الأقصر و دا معتمد من المصرية العالمية للسيارات نفسها لموديلات رينو و كيا

هما ناس كويسين جدا من الناحية الأخلاقية و من الناحية الفنية هما ممكن تقول انهم بيبتدوا يبنوا خبرة بس طالما الصيانة عادية فهما كويسين و طبعا لازم تراجع بنفسك علي كل شغلهم زيادة تأكيد
يعني هما شوية بشوية خيراتهم بتزيد و كل ما العربية هتنتشر كل ما خبرتهم فيها هتزيد و كمان هتلاقي ناس برا التوكيل بتشتغل فيها

بصراحة العربية ما ظهرش منها اي حاجة تستدعي زيارة مركز الخدمة
كله صيانات دورية عادية تغيير زيت ، فلاتر ، بوجيهات ، تربيط عفشة
والحمدلله علي كدا

اطمن من الناحية دي انت بس شد حيلك و هات العربية

و سلامنا لحبايبنا اهل سوهاج

[emann]

والله الف مليون شكر ليكم على ردكم الجميل وانكم بتخلونى كل يوم احب المنتدى دة اكتر واكتر واحب الوجان اكتر من الاول :b4_007: وانشاللة العربية الشهر دة ؟؟؟و على فكرة العربية انتشرت فى سوهاج جدا ... يعنى مفيش شاع رئيسى مفهوش لوجان
وسلامى الى رجالة الاقصر وقنا وكمان اسوان

[mostafabakry]

يالا بس شد حيلك و انضم لمعسكر اللوجان
و بالتوفيق ان شاء الله

احنا عوزين نعمل رابطة و نسميها صعايدة اللوجان ههههههههههههههههههه

[fellacd]

أظن إن موضوع "مفيش شارع رئيسى فى سوهاج إلا وفيه لوجان .." مبالغ فيه شوية
ياريت يا جماعة نكون محايدين وصادقين
وفى مداخلات فى المنتدى بيكون هدفها الدعاية والترويج فقط
وفى أسماء كتيرة بتتكلم على إنهم عملاء وهم فى الحقيقة من التوكيل أو تجار وهدفهم الدعاية وده مش عيب لكن مفيش داع للتخفى وخداع المواطن البسيط اللى ممكن يكون محتاج معلومة مظبوطة لأنه ميزانيته لا تسمح بالاختيار الخطأ أو الغير مناسب لإمكاناته المادية.
وشكرا

[medoadel]

أظن إن موضوع "مفيش شارع رئيسى فى سوهاج إلا وفيه لوجان .." مبالغ فيه شوية
ياريت يا جماعة نكون محايدين وصادقين
وفى مداخلات فى المنتدى بيكون هدفها الدعاية والترويج فقط
وفى أسماء كتيرة بتتكلم على إنهم عملاء وهم فى الحقيقة من التوكيل أو تجار وهدفهم الدعاية وده مش عيب لكن مفيش داع للتخفى وخداع المواطن البسيط اللى ممكن يكون محتاج معلومة مظبوطة لأنه ميزانيته لا تسمح بالاختيار الخطأ أو الغير مناسب لإمكاناته المادية.
وشكرا

انا من سوهاج ومعايا لوجان والعربية فعلا ابتدت تنتشر فى سوهاج بصورة ملحوظة
الراجل ما بالغش لانى حسيت ده فعلا
فى الشارع عندى فى عربيتين .........ههههه

[emann]

الله ياباشا مش مبالغات تعالى انزل سوهاج وشوف .
لدرجة انى شكت فى التوكيل يكون بيسرب العربيات بالكوسة او بيبيع للتجار وعلشان كدة متاخر فى التسليم وانا على فكرة ضد موضوع ان واحد يستغل المنتدى علشان كدة انا حبييت المنتدى وبقول لاصحابى عليه لانى شفت فعلا صدق الكلام من المشاركين.
وحتى انا معرفش الاستاذ اللى رد عليك وهى جت من بعيد .وسوهاج مش كبيرة على فكرة واتفضل شوف ...... وشكراا ليك ... وشكرا جدددددددااااااا للاخ medoadel

[amr.elsayed]

أظن إن موضوع "مفيش شارع رئيسى فى سوهاج إلا وفيه لوجان .." مبالغ فيه شوية
ياريت يا جماعة نكون محايدين وصادقين
وفى مداخلات فى المنتدى بيكون هدفها الدعاية والترويج فقط
وفى أسماء كتيرة بتتكلم على إنهم عملاء وهم فى الحقيقة من التوكيل أو تجار وهدفهم الدعاية وده مش عيب لكن مفيش داع للتخفى وخداع المواطن البسيط اللى ممكن يكون محتاج معلومة مظبوطة لأنه ميزانيته لا تسمح بالاختيار الخطأ أو الغير مناسب لإمكاناته المادية.
وشكرا

طب خد المبالغة دى الشارع اللى انا ساكن فيه (فيه 6 لوجان) على فكرة دى مش مبالغة

[emann]

ياجماع فعلا اللوجان انتشرت بجدية فى كل المدن وبتهدد العربيات اللى فى نفس الفئة السعرية ليها وهتسبقها وابقو شوفوا كلامى.. هى بس الناس خايفة من موضوع اعادة البيع وقطع الغيار اللى انشالله هتبقى متوفرة

[alfa_we]

واحدة كمان
الشارع الى انا فيه فيه حوالى اربع عربيات لوجان
وفيهم اتنين جابوها عشان شافوا لوجانتى وركبوها وارتاحو ليها
( حب من اول نظرة على راى دكتور جلال )

[emann]

زى الفل... صباحكو قشطة

[abohalmos]

واحدة كمان
الشارع الى انا فيه فيه حوالى اربع عربيات لوجان
وفيهم اتنين جابوها عشان شافوا لوجانتى وركبوها وارتاحو ليها
( حب من اول نظرة على راى دكتور جلال )

ازيك يا فاوى........ مين بيجيب سيرتى ههههههههههههه

ايه اخبارك و اخبار لوجى معااااااك ؟؟؟؟؟

على فكرة انا نويت ان شاء الله على اللوجان فول اوبشن باذن الله الشهر الجاى من القاهرة

و كونت عاوز اعرف اخبار مركز صن جير اللى فى الاقصر يعنى موجود عنده الفلاتر بتاعة العربية و قطع الغيار البسيطة اللى الواحد بيحتاجها و لا ايه النظام ؟؟؟؟؟

و بالمناسبة انت لما عربيتك اتخبطت كونت صلحتها فى الاقصر و لا فين ؟؟؟؟؟

و رجعت لحاتلها مية مية و لا ايه ؟؟؟

و اخيرا الواحد يعرف ازاى انه الكاسيت فيه ام بى ثرى ؟؟؟؟ هل فيه حاجة تخليك تعرف قبل ماتستلم مثلا ؟؟؟؟؟ و بعدين ايه الميزة الهايلة فى موضوع ام بى ثرى ده ؟؟؟؟؟ مانا بشوف كل الناس دلوقتى بستخدم الولاعة و بتوصلها الفلاشة و شغالين عادى ؟؟؟؟؟

معلش على السؤال الاخير ده بس انا بجد مش فاهم و عاوز افهم :10d5c8~1107: