طنابير وتيل أمامى للميجان 2

[yalahwy2010]

حد يفيدنى يا جماعة؟
انا عايز أغير طنابير أمامية وتيل أمامى
يتكلفوا كام؟...وأشترى منين؟ توكيل ولا مركز خدمة متمد؟
وشكرا لوحوش الميجان

[Ahmed Selim]

العربية فى الضمان ولا لأ ؟

لو العربية برة الضمان ممكن تجيبهم من شارع دمشق فى حدود 500 الى 700 جم حسب النوع.

بس أبعد عن الصينى......فى نوع أسمه رمسا أسبانى و كويس على ما سمعت من ناس كتير هنا.

[yalahwy2010]

شكرا على اهتمامك يا أستاذ أحمد
بخصوص التيل؟ ايا رأيك؟ أركب الأصلى ولا الاسبانى برضه؟
وايه أحسن مكان تفضل أركبه عنده
هل مستاهلة التوكيل؟
ولا ممكن عند فرنش موتورز
أو أى حد انت تعرفه وواثق فيه ممكن أروحله
أنا من الزقازيق
وفرصة سعيدة

[Ahmed Selim]

العفو يا باشا

بص أنا فى الفرامل بالذات مش بحب أجرب.....يعنى لو أنت متأكد من التيل و الطنابير اللى هتجبهم توكل على الله.....بس غيرهم عند حد فاهم زى الميكانيكيون العرب أو فرنش موتورز عشان حساسات ال abs

[ecybrarian]

الطنابير الفرانساوي الاصلية انا لسه شايفها من يومين في التوفيقية..الخلفية (باين) 400 والأمامية 300 جنيه..او العكس!!! معلش مش فاكر قوي اصلي ماكنتش مهتم بالطانبير وسألت للعلم ليس إلا

[zkralla]

أنا ليه وجهة نظر اعتقد أن موضوع الطنابير وتيل الفرامل ما ينفعش تجيب قطع غيار من بره التوكيل حتى لو مكتوب عليها فرنساوى برده ممكن تكون مضروبه قطع الغيار الداخليه جيبها من اى حته تعجبك بس طنابير وتيل فرامل يبقى توكيل على طول
أنا واحد صاحبى عنده محل قطع غيار دايو فى اسماعليه لما كنت باروح معاه نجيب بضاعة كنت امسك الاصلى والمضروب وما اعرفش افرقهم خالص رغم أنى كنت باشترى بضاعة معاه مرات كتير جدا
وحماى عنده ورشة ميكانيكية وغير لابنه العفشه كامله وجابها على اساس أنها الاصلى والعربية اكسنت 98 وبعدها ب اسبوع المقص اتكسر منه وهو ماشى على طريق الفيوم والعربية الوش القدمانى راح وهو طلع باعجوبة يعنى غالبا ما عرفش يفرق بين الاصلى والمضروب (ربنا يسترها عليك وعلينا جمبعا ) يعنى اكيد حاجات فى العقشه كانت مضروبة
أسف أنا طولت عليك بس باقولك الى ارضاه لنفسى وباصدقك النصيحة لوجه الله

[ecybrarian]

انا معاك يا استاذ zkralla..هو انا مارضتش اقول الطنابير دي عند مين علشان ما يبقاش إعلان..بس هي عند حد مضمون عند الوحوش (ملاك الرينو)..على فكرة في توكيلات مش بستورد إلا قطع غيار الموديلات إللي لسة نازلة..والباقي قيد موردين يا باشا..بس بشروط ومواصفات التوكيل..التكة بقى إنك تعرف مين الموردين دول

[zkralla]

الطنابير الفرانساوي الاصلية انا لسه شايفها من يومين في التوفيقية..الخلفية (باين) 400 والأمامية 300 جنيه..او العكس!!! معلش مش فاكر قوي اصلي ماكنتش مهتم بالطانبير وسألت للعلم ليس إلا

لو عند حد أنت ضامنه 100% ممكن تبعت له على الخاص عشان ميبقاش اعلان ويبقى اى قرش يوفره هو اولى بيه وربنا يجازيك خير

[human]

انا معاكو

[yalahwy2010]

متشكرين يا جماعة جدااااااا.....معلومات 10\10
وانا هطمنكم لما أشترى وأركب ان شاء الله

[elshinawy80]

ربنا يوفقك للخير ان شاء الله و عرفنا الاخبار