الميجان 2008 مافيهاش عيب في الاتوماتيك....

[3mr Farrag]

سألت واحد معاه الشكل الجديد علي موضوع العيب اللي في الاتوماتيك.....قال لي ان بتاعتوا مافيهاش المشكله ....
و موجوده بس في الموديل اللي قبل ديه.......
غير انه قالي ان كان في الشكل القديم عيب في الدريكسيون ......مش عارف ايه بالضبط.....بس المهم انه بيقول ان العيب ده كان ممكن و انت بتلف الدريكسون مايرجعش تاني :?
بس طبعا ده مش في كل العربيات و ممكن تحصل و ممكن لأ
و اعتقد ان تعديل موضوع الاتوماتيك ده مش من علبه التروس نفسها ....انما تعديل في الكومبيوتر بتاع العربيه

[Sharky]

العيبد دا كان فى بعض عربيات 2005 و بيتعالج بالسوف وير الجديد و العيب دا كان عبارة عن نتشة خفيفة بين نقلة الأولى و التانى فقط عند الجرى بالعربية و التهدئة بعد الجرى بيها يعنى العربية بتنقل و بيتمشى و مابيأثرش على الفتيس نهائى
بالنسبة لعيب الدريكسيون كان فيه شحنة جت كان فيها بعض العربيات القليلة عيب فى علبة الدريكسيون و كان يتغيير ببلاش فى التوكيل و هما دول فقط مع عيب الجنوط اللى كانت بتتنى فى الحفر عيوب الميجان اللى ظهرت من 2005 حتى الأن .

[3mr Farrag]

ازيك يا شاركي باشا............
انت نسيت اني ركبت معاك و شوفت الناتشه ولا ايه
يعني الموضوع ده ممكن يتحل عندك عن طريق السوفت وير بقي.........طيب ما تعملها و تريح ديماغك

هو كريم باشا صدرلك امر انك تضغر التوقيع :D

[Sharky]

ازيك يا شاركي باشا............
انت نسيت اني ركبت معاك و شوفت الناتشه ولا ايه
يعني الموضوع ده ممكن يتحل عندك عن طريق السوفت وير بقي.........طيب ما تعملها و تريح ديماغك

أنا كمان كنت ناسى إنك ركبت معايا :D
هى دى النتشة اللى إنت حسيت بيها و إنت معايا
أنا ناوى إن شاء الله أعملها مع الصيانة الجاية بس هى مش مأثره فى العربية أو حتى فى السحب فعلشان كده مكسل أروع مخصوص التوكيل أعملها .

هو كريم باشا صدرلك امر انك تضغر التوقيع

دا واضح إن مش أنا لوحدى يا عمرو :D

[ecybrarian]

واحد معرفة شغال في رينو كان راح خد Training بره على الميجان. وقالي إن عمر الميجان ما كان فيها عيب في الفتيس..الناس هي إللي مش مستوعبة التكنولوجيا الجديدة في الفتيس..
بمعنى إن الفتيس على كمبيوتر بيعمل حساباته على أساس الأمان ومعدلات الاستهلاك (للبنزين والزيت والحمل والقدرة)..وعليه فإن الفتيس في الطرق الزحمة (خطوة ووقفة خطوة ووقفة) بيسجل الحالة دي فلما الشارع يفتح مرة واحدة الفتيس بيكون لسة مسجل الحالة السابقة (حالة الزحمة) علشان كده السواق بيحس انه لازم يحرق على RPM اكتر من الطبيعي علشان يجري..والعكس..يعني لو جاي من طريق سريع لطريق واقف تلاقي العربية متعفرتة

اما عن التصحيح إللي تم..ماحصلش تصحيح دول لغوا بعض معاملات الأمان دي علشان العربية تشتغل زي الكوري (زي عربيتي يعني)

والعبرة على الأخ بتاع رينو....والله أعلم

شكل الرينو دي معملوة لدول المرور فيها نضيف

[Sharky]

يعنى من الأخر يا هشام باشا مانزلش السوفت وير اللى فى التوكيل و أسيبها كده

[ecybrarian]

أسأله وأقولك يا شاركي باشا

[Karim_Monir]

هو كريم باشا صدرلك امر انك تضغر التوقيع

دا واضح إن مش أنا لوحدى يا عمرو :D


اتفقسنا
منه لله اللي عمل الكاميرات 8 ميجا و10 ميجا بيكسل

[Ahmed Selim]

يا شباب أنا النتشة اللى فى الفتيس دى معصبانى جداً بصراحة و قولتلهم فى التوكيل عليها علشان أنا بعمل صيانة ال 6000 عقبال عندكوا. لو ظبطوها هابلغكوا أن شاء الله.

احد دلوقتى ملبسنى فى طرمبة مياه و كوع تبريد زيت الموتور و دول لوحدهم بحوالى 1500 جنيه مع أن أصلاً العربية الحمد لله زى الفل و مفيهاش أى مشاكل ما عدا نتشة الفتيس اللى هى ما بتظهرش غير بعد المشى لمدة نصف ساعة أو أكثر فى الزحمة............حسبي الله ونعم الوكيل.

[M_Abdallah]

طب ايه احسن طريقة للسواقة عشان الواحد يتفادي النتشة دي؟
وهل باردوا في 2008 مع الزحمة والوقوف والحركة كتير بتظهر؟






_________________
محمد عبدالله

[Ahmed Selim]

طب ايه احسن طريقة للسواقة عشان الواحد يتفادي النتشة دي؟
وهل باردوا في 2008 مع الزحمة والوقوف والحركة كتير بتظهر؟
_________________
محمد عبدالله

والله لسه مش عارف حل مؤكد يا أستاذ محمد بس لو عرفت حل أكيد هابلغكوا

عموماً ماتقلقش انت معاك ضمان 100000 كم على الفتيس ودى حاجة ما أعتقدش أنها موجودة فى عربية تانية.

أهم حاجة علشان الضمان يفضل سارى على الفتيس لحد ال 1000000 كم انك تعمل الصيانات على طول حتى المجانية اللى كل 5000 كم.

و نصيحة تانية ما تروحش غير للوكلاء المعتمدين بلاش الناس اللى زى الفرسان و الحاجات دى.

[dragonsmith]

وهل باردوا في 2008 مع الزحمة والوقوف والحركة كتير بتظهر؟

السلام عليكم،
موديل 2008 مفيهاش مشكلة النتشة دي الحمد لله :)
شكرا.

[Ahmed Selim]

أنا مش عاوز أفول يا دراجون بس ده حصل معايا بعد ال 40000 كم

يا رب تكون اتظبطت فى 2008

[dragonsmith]

أنا مش عاوز أفول يا دراجون بس ده حصل معايا بعد ال 40000 كم

يا رب تكون اتظبطت فى 2008

السلام عليكم،
ربنا يسهل ان شاء الله و الحمد لله ان التوكيل عنده حل للمشكلة.
حضرتك عملتها ولا لسه؟

شكرا.

[Ahmed Selim]

السلام عليكم يا باشا

والله لسه معماتهاش علشان هى مش ظاهرة على طول و مع أنها شكوى مكررة من كذا واحد وهما عارفينها كويس بس برضه مابيرضوش يشتغلوا فيها الا لو كانت ظاهرة..........ربنا يسهل وأعملها وأقولك