مرايات الميجان الضم

[yalahwy2010]

لما بفتح المرايا....المرايا بتفضل تفتح لغاية ما تعدى المستوى الطبيعى للى المفروض اى مرايا تكون عليه
يعنى بتفوت المكان اللى المفروض الموتور يفصل فيها.... فا بضطر اوقفها او افرملها بايدى...دى المرايا الشمال بتاعة السواق...انا يعنى
المرايا اليمين انا شايل الفيشة بتاعتها عشان الموتور بتاعها ما بيفصلش خالص
حد يعرف اى حد بيصلح المواتير بتاعة المرايات دى؟

[akmal_hamdi]

لما بفتح المرايا....المرايا بتفضل تفتح لغاية ما تعدى المستوى الطبيعى للى المفروض اى مرايا تكون عليه
يعنى بتفوت المكان اللى المفروض الموتور يفصل فيها.... فا بضطر اوقفها او افرملها بايدى...دى المرايا الشمال بتاعة السواق...انا يعنى
المرايا اليمين انا شايل الفيشة بتاعتها عشان الموتور بتاعها ما بيفصلش خالص
حد يعرف اى حد بيصلح المواتير بتاعة المرايات دى؟

الترس الداخلى مكسور فا عمرها ماحتوقف عند المستوى بتعها

[yalahwy2010]

طيب والحل ايه؟
يا ريت يا باشا لو تعرف حد بيصلح الحاجات دى....دللنى عليه الله يخليك

[Ahmed Selim]

كان فيه عضو هنا معاه كليو قالى على واحد فى الشارع اللى قدام نادى السكة الحديد.......اللى معدى من فوقه كوبرى أكتوبر

أدخل الشارع من الأوتوستراد هتلاقيه فى الأول على يمينك.

بس أنا مجربتهوش.

أنا عندى برضه نفس مشكلة المراية الشمال دى بس تأقلمت معاها.

كان ليها حل بس مش أى حد يعرفه.....ولا يعرف يعمله.

بيجيبو مسمار قلاووظ سن صغير ( طوله 1 سم تقريباً ) و بيحطوه فى المفصلة اللى بتلف المراية من تحت بمفك......بس معايا قعدت شهرين شغالة و باظت تانى......و أتعملتلى فى التوكيل فى الخباثة من صانيعي هناك.

[yalahwy2010]

طيب هو انا لو فكرت اجيب الموتور استيراد ....فى حد ممكن يكون بيبيع حاجة زى دى ولا الناس هتضحك على؟؟؟؟
ومافيش اى صنايعى برة التوكيل بيبيع مواتير او بيصلحها....
انا احترت فى المرايا دى.....
وشكرا ليك يا استاذ احمد

[Ahmed Selim]

معتقدش أن حد ممكن يكون بيبيع أجزاء من المراية

و الصانيعى الوحيد اللى اتقالى عليه هو اللى قولتلك عليه فى المشاركة اللى فاتت.

ده غير حاجة تانية............الترس المكسور اللى المفروض يوقف المراية ده هل هو جزء من الموتور و لا برة الموتور ؟؟؟؟؟


محتاجين مراية بايظة أو مكسورة نعمل عليها تجربة عملية.

[elshinawy80]

نصيحة اخويه
واحد صديقى معاه ميجان 2008 حصل معاه مشكلة فى المراية استخصر يروح النوكيل
واحد صنايعى كالعادة عمله البحر طحينة وعملهاله لما دور العربية عملت قافلة ضيعت الكاسيت و التكييف و صرف 5000 جنيه فى التوكيل

[yalahwy2010]

استرها يا رب

[د.محمود صلاح]

حاول التصليح أولا ثم التوكيل ثانيا ثم التغيير وامرك لله ان اردت حل نهائى او الاستغناء عن هذه الخاصية

[ecybrarian]

...العربية عملت قافلة ضيعت الكاسيت و التكييف و صرف 5000 جنيه فى التوكيل

ده اكيد لعب في ضفيرة العربية كلها..لأن الميجان (العربيات كلها الحقيقة) لما بيحصل قافلة بيضرب فيوز فيفصل الدايرة على طول

[abasse]

الترس الداخلى مكسور فا عمرها ماحتوقف عند المستوى بتعها

+ 1111111111

طيب والحل ايه؟
يا ريت يا باشا لو تعرف حد بيصلح الحاجات دى....دللنى عليه الله يخليك

كانت عندى نفس المشكلة بعد ماواحد ربنا يسمحة لف المراية بغباء كسر المصد بتعها
فى واحد فى الحرفيين مشهور أوى عملتها عنده أنا مش فاكر أسمه بالضبط بس هو أول ماتخش الحرفيين على اليمن عند الجامع أسأل عليه هوا اشهر واحد بيتاع مريات هناك هحاول أفتكرلك أسمه تقريبا إبراهيم

كان فيه عضو هنا معاه كليو قالى على واحد فى الشارع اللى قدام نادى السكة الحديد.......اللى معدى من فوقه كوبرى أكتوبر

أدخل الشارع من الأوتوستراد هتلاقيه فى الأول على يمينك.

بس أنا مجربتهوش.

أنا عندى برضه نفس مشكلة المراية الشمال دى بس تأقلمت معاها.

كان ليها حل بس مش أى حد يعرفه.....ولا يعرف يعمله.

بيجيبو مسمار قلاووظ سن صغير ( طوله 1 سم تقريباً ) و بيحطوه فى المفصلة اللى بتلف المراية من تحت بمفك......بس معايا قعدت شهرين شغالة و باظت تانى......و أتعملتلى فى التوكيل فى الخباثة من صانيعي هناك.

أستاذ ياحمد باشا أنا عندى قعديت شوية وجه واحد تانى خبطهالى بقت لازم أمسكها برضه

طيب هو انا لو فكرت اجيب الموتور استيراد ....فى حد ممكن يكون بيبيع حاجة زى دى ولا الناس هتضحك على؟؟؟؟
ومافيش اى صنايعى برة التوكيل بيبيع مواتير او بيصلحها....
انا احترت فى المرايا دى.....
وشكرا ليك يا استاذ احمد

يتباع لوحده ياباشا هيعمل 250 بالتركيب أنا غيرت المتور عندى وحطلى ممسمار قلاووز زر ماأحمد قال المسمار الأصلى ده فبر بيتكسر بسرعة ( عشان يشتغلوا )

ده اكيد لعب في ضفيرة العربية كلها..لأن الميجان (العربيات كلها الحقيقة) لما بيحصل قافلة بيضرب فيوز فيفصل الدايرة على طول

ربنا يستر

[yalahwy2010]

وهتتكلف كام تصليح المرايا يا abasse
انا عندى المرايتين فيهم نفس المشكلة بتاعة عدم الفصل للموتور بتاعها؟
وشكرا ليك على ردك

[abasse]

والله ياباشا أنتى وشترتك روح الأول شوف ايه الى بايظ لو المشكلة متور والمسمار ده ممكن يعملوا 400
بس برضه أسأل بقية الوحوش ممكن حد عنده حل تانى

[Hany Saad]

الزميل العزيز،

نفس الشىء حدث معى نتيجة سايس (لأول مرة فى حياتى كنت أسلم كارت السيارة لسايس و غالبا أخر مرة ) كنت فى إجتماع مهم جدا فى جاردن سيتى و كانت شركة بممر ضيق و لقيت سيارات مستواها عالى جدا ركنة فيها فقلت له هل ليك فى الميجان و أنا مكسوف طبعا لأنى وجدت مرسيدس و بى إم جوه المهم قالى عيب يا بيه....!!!
المهم خلصت الإجتماع متأخر جدا و كنت تعبان جدا و عليا أرجع إسكندرية طلعلى العربية برة و لقيت كف المراية مكسور بعد ما مشيت 10 متر قلت هأرجع أقوله إيه وهأخد منه إيه غير إنى كنت تعبان جدأ المهم بعد شوية إكتشفت حكاية إنها مش بتقف عند الحد المضبوط زى حضرتك بالضبط و بصفتى مهندس كهرباء فكيت المرايا و عرفت السبب إن المرايا إتخبطت خبطة جامدة جدا عكس إتجاه الضم ففيه بنز صغير (دليل الدوران ) خرج من مكانه و ده بيخش تانى كبس و تقريبا من المستحيل كبسه مرة أخرى إلا بماكينة مخصوصةز
المهم قلت أدور فى السوق أو فى الإستعمال لكن للإسف لايوجد الضم أبدا
روحت التوكيل لقيت السعر 2300 جنية سعر المرايا الجسم + الكف طبعا شامل الضريبة و نتيجة معرفتى بهم عملولى خصم بسيط و غيرته لأنها الناحية اليمين البعيدة عن السائق و أساسية جدا بالنسبة لى لأنى بأركن فى جراج ضيق جدا.
نصيحة شخصية أمامك حلين إما تغييرها بواحدة من غير ضم بما إنها ناحية السائق و أرجو شرائها أصلية من التوكيل (فى حدود 800 جنيه ) أو إستعمال من سيارات حوادث و لكن إبعد عن التيوانى فى السوق حيث إن الكف عباره عن قطعة مرايا عادية فهتكون الأبعاد ضايعة.
برجاء عدم تصليحها لأنك بتخاطر بضفيرة الكهرباء كلها زى ما زميل عزيز تفضل و شاركنا لأن الموتور ممكن يعمل قفلة يعمللك مشاكل رهيبة.
أرجو أكون ساعدتك و على فكرة هذا لا يحدث إلا بخبطة جامدة فعلا و فى عكس إتجاه الضم.

[yalahwy2010]

متشكرين جدا يا استاذ Meggieboy وبشكرك على اهتمامك لمساعدة الغير
انت طبعا بكلامك خلانى متأكد انى عمرى ما هخلى يلعب فى الضفيرة خالص.....انا هحاول اشوف اى مراية استيراد وتكون شغالة....وممكن اتصرف فى القديمة واديها للى هيديلى الاستيراد ....اص كتير اوى 2300 جنية و 800 جنية برضه كتير.....بالذات انها شغالة ما فيهاش حاجة مكسورة غير انها ما بتقفلش كهربا....تضم يعنى.....ربنا يسهل وألاقى حاجة استيراد