Abs !!!!

[الفرعون]

للأسف يا سيادة العقيد فيه عربية فيها abs و ebd وكمان ٢ ايرباج وفي الفئة السعرية بتاعة اللوجان او ارخص كمان بس هيه اصغر من اللوجان ومش صيني!!

أعتقد والله أعلم يقصد السيلاريو (سوزوكى)

[bishoy02010]

ينفع يركبوه فى التوكيل ؟؟؟ ولا عشان منزلش اصلا فمينفعش ؟؟؟

[menocomp]

اكيد تقصد البروتون ساجا اللي نازله جديد

أكيد الساجا مفيش غيرها ويمكن الاسبرانزا.
أبويا اقتنع بشرائى اللوجان لما عرف ان فيها ايرباج.الحمد لله التوكيل مشلهاش.

[أحمد كمال]

ينفع يركبوه فى التوكيل ؟؟؟ ولا عشان منزلش اصلا فمينفعش ؟؟؟

لا ما ينفعش لازم العربية تبقى نازلة بيه

أكيد الساجا مفيش غيرها ويمكن الاسبرانزا.
أبويا اقتنع بشرائى اللوجان لما عرف ان فيها ايرباج.الحمد لله التوكيل مشلهاش.

اكيد مش قصده الاسبيرانزا هو بيقول مش صيني

[kangaro]

اللوجان اساس مفيش فيها abs خالص
و لا برة
انا برة مصر و مفيش الكلام ده

ممكن تشوف الموقع ده فقرة Safety :

http://en.wikipedia.org/wiki/Dacia_Logan

وده كمان:

http://www.dacia.ro/#/modele-si-preturi/noua-dacia-logan/

وده الإعلان بتاعهم (ثانية 20) :
[youtube]http://www.youtube.com/watch?v=iQ6C33cvUgo&feature=related[/youtube]

[Beam28]

أعتقد والله أعلم يقصد السيلاريو (سوزوكى)

إجابة صحيحة وتكسب معانا dancing banana

[أحمد كمال]

و مين قال ان السيلريو ارخص ؟

العربية سعرها 60 الف للفول اوبشن مانوال ..... مقارنة ب 67 الف للفول اوبشن من اللوجان

مع فارق ان اللوجان 1600 مش 1000 سي سي ....... فيه فرق سعر للمحرك .... و فيه فرق في حجم العربية نفسها ......

انا مش باذم في واحدة و امدح في التانية بس كل عربية من الاتنين فيها ميزاتها و عيوبها و ليها زبون مختلف (عربية صغيرة مقابل سيدان صغيرة) و ما تنتقصش من التانية في حاجة

[gebreel]

السيلاريو كمان 3 سلندر دي انا صعقت لما قريتها بالرغم من ان العربية تحفة بس كدة الموتور صغير أوي

[الفرعون]

السيلاريو كمان 3 سلندر دي انا صعقت لما قريتها بالرغم من ان العربية تحفة بس كدة الموتور صغير أوي

نصيحة أخوية .... لا تحكم على سيارة قبل تجربتها أيام وأيام وأيام
أنا راكب تويتا سيلكا 1991 هيدروماتيك 2000 cc وجر خلفى وشاسيه مصفح وهى سبور
ومن أكثر من سنتين جبت للمدام بردوا كانشيل 850 cc 3 وهى 3 سلندر ( لكنها حتى الآن فشلت فى تعلم القيادة) ههههههههه
أقسم بجلال الله أنى أغلب الأوقات أستعمل سيارة المدام ولم أشعر بفرق كبير فى عزم السيارة أو أستجابتها أو أدائها أو أعتماديتها
هذا على الرغم أن التويوتا مضبوطة جدا والصيانة دورية بالتوكيل(رغم أنهم جشعين جدا لكن السيارة نادرة وحاجتها صعب تلاقيها)
فى حين أن البردوا لم أغير فيها مسمار من يوم ماأشترتها سوى فلتر الهواء
وأقسم بالله لم أغير لها بوجيهات حتى الآن والميكانيكى بيقولى مش محتاجه رغم أننا عملنا بيها أكتر من 40 ألف كم فى خلال السنتين
لدرجة أننا العام الماضى بسبب عطل فى فتيس التيوتا سافرنا مرسى مطروح مرتين بالبردوا ومن غير أى راحة بالطريق ده غير الأستهلاك هناك لأن الشاليه بتاعنا فى قرية على بعد 25كم من مطروح وبنضطر ننزل مطروح يوميا مش أقل من 3 مرات
صدقنى والله ياأخى البردوا علمتنى أن التجربة الشخصية فى السيارات هى المعيار
لدرجة بافكر جديا فى بيع التويتا وشراء سيارة جديدة ولا أتنازل عن البردوا وعشانها بافكر فى البروتون ساجا لأنها ماليزى زى البردوا

[Beam28]

السيلاريو كمان 3 سلندر دي انا صعقت لما قريتها بالرغم من ان العربية تحفة بس كدة الموتور صغير أوي

السيلاريو تاون كار والموتور كويس جوه المدينة واكتر من كافي بالاضافة للتوفير الرهيب في البنزين ومع صغر حجم السيارة فلا يوجد منه قلق واضف على ذلك ان التكنولوجيا والتصميم والتصنيع ياباني وكلنا نثق في اليابانيين وانهم عارفين همه بيعملوا ايه

[gebreel]

و الله غيرتو فكرتي عن العربية خصوصا ان فيه واحدة صاحبة اختي عاوزة عربية صغيرة و انا بلف معاها و شوفت السيلاريو على contact cars بس قلت عيبها انها 3 سلندر
ننزل و نشوفها :)
شكرا يا وحوش على الاجابات دي

[llottfy]

على فكره يا جماعه انا كنت معجب بالسيلاريو الكامله مانيوال 60000جنيه وبالصدفه اكتشفت حبيبه الملاين لوجى لاقيت فيها مميزات كتيييييييير اوى (الفل اوبشن) ومناسبه لظروفى اكتر فتوكلت على الله فيها وفى الاول والاخر يا جماعه كل واحد بيبقى ليه مواصفات فى العربيه اللى تناسب ظروفه