علبة دريكسيون ميجان 2

[meso76]

فى رحلة البحث عن السبب المجهول للخبطة اللى بسمعها احيانا من ناحية العجلة اليمين (بعد عدم الإفادة من التوكيل بالمقطم، الميكانيكيون العرب و فرنش موتورز)، قررت انى ابدأ فى تجديد العفشة بالكامل، ورحت فعلا يوم الخميس غيرت بطاحات ومقصات (فاضل مساعدين بالطبق وشدادة سفلية)

المهم المهندس قعد يحرك الدريكسيون وقالى ان علبة الدريكسيون محتاجة تتغير، بكام؟ [overline]3400[/overline] جنيه !! (السعر تقديرى بالمصنعية)
وسألت عند فرنش موتورز فى نوع مش أصلى و ب 2300 جنيه !

انا كنت قريت فى مواضيع هنا فى المنتدى ان علبة الدريكسيون الأصلية ب 1900 جنيه وفى مواضيع تانيه كانوا بيقولوا 1500

يا ترى يا جماعة حد غير علبة دريكسيون ميجان 2 قريب؟؟ وبكام ؟؟؟

[Sharky]

اللى اعرفه ان علبه الدريكسيون الأصلية بالضريبة لا تزيد عن 1750 جم !!
هو مين المهندس اللى قال لحضرتك إنها 3200 جم ؟

[meso76]

اللى اعرفه ان علبه الدريكسيون الأصلية بالضريبة لا تزيد عن 1750 جم !!
هو مين المهندس اللى قال لحضرتك إنها 3200 جم ؟

المهندس حمادة فى الميكانيكيون العرب!!

[Sharky]

المهندس حمادة فى الميكانيكيون العرب!!

إتصل بالتوكيل و أتأكد بنفسك سعرها كام ؟

[Ahmed Selim]

المهندس حمادة فى الميكانيكيون العرب!!

حمادة ده سيبك منه و أتأكد بنفسك فى التوكيل هى بكام

و لو عاوز رأيي.............بلاش تاخد بكلامهم أن العلبة بايظة و أكشف برة عند حد كويس

لو أنت قريب من الميكانيكيون روح لكار بويز فى نفس الشارع عند منزل الكوبرى....بدل ما تغير العلبة و تطلع مش هى السبب فى الصوت.

[ecybrarian]

انا اعرف واحد صلح علبة الدريكسون بـ300 جنيه..بس ما عرفش صلح عمل ايه، انا جربت العربية ومحستش إنه عامل شغل في العربية حتى أني اتفاجأت لما قال لي..ده للعلم فقط
أما النصيحة، التغيير أفضل والمفروض بيقعد مدة اطول..بس خللي بالك ما تسيبش العلبة القديمة ببلاش علشان هايصلحوها ويبيعوها استعمال. وكمان لو عربيتك في الضمان خليك مع التوكيل او المعتمدين..

[yalahwy2010]

انا كان عندى خبطة تحت رجلى اليمين لما بكسر الدريكسيون.....يمين او شمال....وهى واقفة او بتتحرك....حاجة زى ما تكون عضة كدة فى الكوبلن
المهم انا اتقصت ....وناس كتير قالولى علبة دريكسيون.....المهم انا بينى وبينكم طنشت....عشان غالية بصراحة.....قالولى من ب 2300...من حوالى 6 شهور
المهم انا بعد ما سألت عليها من 6 شهور....عدى اسبوع كدة ...والخبطة راحت خالص وا بقاش ليها وجود حتى الان....فا جرب كدة....اصبر شوية وشوف الوضع ايه؟؟؟
مع العلم ان الخبطة دى كانت بتروح وتيجى قبل ما تختفى خالص
وربنا يسترها علينا جميعا

[abasse]

انا اعرف واحد صلح علبة الدريكسون بـ300 جنيه..بس

حصلت معايا أنا غيرت البارات ب 300 تقربيا + المصنعية
عادتا الخبط بيقى من البارات وهتلاقى تقربيا فى بوش فى العجل

[hanytahia]

انا اعرف واحد صلح علبة الدريكسون بـ300 جنيه..بس ما عرفش صلح عمل ايه، انا جربت العربية ومحستش إنه عامل شغل في العربية حتى أني اتفاجأت لما قال لي..ده للعلم فقط
أما النصيحة، التغيير أفضل والمفروض بيقعد مدة اطول..بس خللي بالك ما تسيبش العلبة القديمة ببلاش علشان هايصلحوها ويبيعوها استعمال. وكمان لو عربيتك في الضمان خليك مع التوكيل او المعتمدين..

طي يبقي كتر الف خيرك لو قلتلنا صلحها فين

[meso76]

شكرا يا جماعة للردود
عموما انا اتصلت النهارده بالتوكيل (16202) وقالولى ان سعر العلبة 2890 بدون الضريبة

يعنى تقريبا حتكون بالضريبة بحوالى 3179 بخلاف المصنعية (التركيب)

يعنى فعلا الموضوع يتكلف 3400 (او يمكن اكتر شوية) زى ما قالوا فى الميكانيكيون العرب!


المشكلة انى مش بحب الشغل فى العربية برا التوكيل ):

[hanytahia]

شكرا يا جماعة للردود
عموما انا اتصلت النهارده بالتوكيل (16202) وقالولى ان سعر العلبة 2890 بدون الضريبة

يعنى تقريبا حتكون بالضريبة بحوالى 3179 بخلاف المصنعية (التركيب)

يعنى فعلا الموضوع يتكلف 3400 (او يمكن اكتر شوية) زى ما قالوا فى الميكانيكيون العرب!


المشكلة انى مش بحب الشغل فى العربية برا التوكيل ):

بس فعلا كده يبقي كتير قوي قوي طيب استني لما نشوف يمكن حد يكون بيصلحها ويكون متجرب من الوحوش

[triton]

انا صلحت العلبه عند واحد مع تغيير العفشه و ماشيه زي الفل فكك من موضوع التغيير ده بس العفشه بقت ممتازه دلوقتي

[hanytahia]

انا صلحت العلبه عند واحد مع تغيير العفشه و ماشيه زي الفل فكك من موضوع التغيير ده بس العفشه بقت ممتازه دلوقتي

طيب الله يكرمك قولنا فين عشان احنا مزنوقين

[triton]

طيب الله يكرمك قولنا فين عشان احنا مزنوقين

رديت عليك علي الخاص يا كبير وابقي طمننا

[hanytahia]

رديت عليك علي الخاص يا كبير وابقي طمننا

شوفته يا باشا والف شكر ليك وربنا ما يحرمنا منكم يارب