هل من نصيحه

[WalidAdel]

ياوحوش الرينو صديق لي مقدم علي شراء ميجان اول الشكل الجديد 2007 بس مثبت في الرخصه 2006
المهم بعد البحث في المنتدي و الاطلاع علي مواضيع الرجل العظيم Sharky
و علي راس المواضيع "اعطال الميجان........" قلقان بقي اوي منها
هيا العربيه اوتوماتيك انوار التابلوه النيون عامله 58 الف كيلوا طاسات مش جنوط علي فكره و واقفه في معرض و الراجل طالب 79.000 بالتمام و الكمال بها خبطه في طرف الاكصدام اليمين و حكه في العتبه اليمين من قدام و حكه جامده في الداير بتاع الرفرف الخلفي يمين و حكه ايضا في العتبه الشمال من ورا و هيا فابريقه بره و جوه
العربيه هاتخش بنك كمان و ياتري الاعطال الكتيييييييييييييييييييير دي ليسه موجود في الموديل ده ولا اتصلحت
المفروض الرخصه هاتخش البنك كمان يومين و ناخد الموافقه عليها ارجوا النصيحه و التقسيط لمدة 5 سنوات فعايزين عربيه جميله ظريفه مش عربيه جر شكل و تعب و وقفه في التوكيل

[Sharky]

إيه هى الأعطال الكتييييييييييير اللى موجودة فى الموديل دا ؟

[WalidAdel]

باشا تقريبا حضرتك فهمتني غلط انا قصدي الاعطال اللي موجوده في الموديل اللي قبل دا و اللي حضرتك عامل عنه موضوع "اعطال الميجان....." انا بسال حضرتك بقي هل الاعطال دي موجوده في شكل ال 2007 ولا زي مابيقولوا انهم عدلوا كل العيوب دي
و هل سعر العربيه دا كده كويس ولا لأ

[yalahwy2010]

هى بانوراما ولا عادى
وبعدين اخبار تقرير التوكيل ايه؟
لازم تعمله عشان تطمن
بس الحاجات اللى انت قلتها من ناحية الحكة والخبطة...دى حاجات امرها سهل
دا مش بس كدة...دا دى حاجات ممكن تستغلها عشان تنزل فى سعرها
لكن الميجان جميلة جدا....وماعتقدتش انك ممكن تخاف من اعطالها
انا معايا ميجان 2005

[triton]

الميجان عربيه عايزه اهتمام ورعايه عشان تفضل مبسوط منها و كمان الريسيل مش حلو لو اول مالك لكن هي تحفه طبعا بدليل ان كلنا هنا معانا ميجان و مبسوطين منها
بس لو عايز تشتري دماغك و مش فارقه معاك التكنولوجيا والامان والرفاهيه والثبات علي الطريق هات لانسر بوما و خليك زي باقي الشعب المصري

[Ahmed Selim]

كيف تشترى ميجان 2 مستعملة

[elshinawy80]

احمد باشا جاب من الاخر

[WalidAdel]

شكرا ياشباب للرد و عموما هيا بقيت ميجان 2007 انضف من التانيه و سعرها بقي 82000 و هيا عادي مش بانوراما و عامله 48 الف كيلوا العربيه جديده اوي من بره و من جوه بس لوحة الكمبيوتر اللي مرسوم فيها العربيه زي مايكون كده مغمقه شويه مش عارف لييييه حته من الشاشه دي بس غير كده العربيه زي الفل و طلعنا جربناها حلوه اوي و كشفنا عليها في مركز لظبط الزوايه في موبيل الاوتستراد و نزلنا تحتها و العربيه ماشاء الله زيروا و فكينا المصفحه اللي تحت علشان نشوف في ترشيح زيت و نبص علي الحوض من تحت الاستبن بتاع العربيه مانزلش علي الارض و كلمت الميكانكيون العرب قالي هتهالي بكره وانا افحصهالك مظبوط ربنا يكرم ان شاء الله
اه و العربيه للاسف من تاجر و ليسه شاريها

[Ahmed Selim]

ربنا يسهل و تطلع كويسة إن شاء الله.

بس هما الميكانيكيون العرب شغالين بكرة ؟؟؟؟

أصل التوكيل قافل بكرة.

عموماً أنا أنصحك تكشف فى التوكيل.....خصوصاً لو كان صاحب العربية متعود يعمل الصيانات فى الميكانيكيون العرب.

[WalidAdel]

ربنا يسهل و تطلع كويسة إن شاء الله.

بس هما الميكانيكيون العرب شغالين بكرة ؟؟؟؟

أصل التوكيل قافل بكرة.

عموماً أنا أنصحك تكشف فى التوكيل.....خصوصاً لو كان صاحب العربية متعود يعمل الصيانات فى الميكانيكيون العرب.

اه هما فاتحين بكره ان شاء الله بس انا لما استلم العربيه و ارخص هابقي اروح اكشف عليها علشان زي ماقولت لحضرتك دي من معرض تاني و صحابها باعها لصاحب المعرض دا من شهرين مثلا و مش عارف اي حاجه عن العربيه خالص و ان شاء الله خير يعني شكرا لحضرتك ياستاذ احمد

[د.محمود صلاح]

الميجان عايزة الصيانة الدورية فى التوكيل , بس وكل حاجة مقدور عليها ان شاء الله