هو فتيس الميجان ستيبترونيك بكااااااااااااام؟

[Youssef.Awad]

نداء لوحوش رينو وبالأخص الميجان

العربية: ميجان مو 2007 اوتوماتيك ستيبترونيك
العداد: 65000 كم
بإختصار شديد عربية مديرى وكان ميعادى معاه النهاردة بعد الضهر كده
لقيته بيكلمنى قبل الميعاد ويقولى: العربية قافشة فتيس وما بتتحركش
أنا: خير اللهم اجعله خير
هو: مافيش جاى بأدور وأمشى ما بتتحركش وكلمت الصيانة بعتولى ونش وسحبوها على التوكيل وهناك بعد الكشف والتمحيص كان الرد كالتالى: الفتيس لازم يتغير كليا
أنا: يانهار مش فايت فتيس؟!!!!
هو: المهم من هنا لهنا الخلاصة أنه الحمد لله لسه فى الضمان عشان ضمان الفتيس والمحرك 100 الف كم
---------------------------------
دلوقت أنا حابب أعرف سعره كام لو كان هايتغير على حسابه ؟
وهل ده عيب صناعة ؟ ولا عيب استخدام ؟
مع العلم إن أغلب مشاويره داخل القاهرة من المعادى إلى م نصر ومصر الجديدة والزيتون
ومرة كل شهر خارج القاهرة تقريبا على الزراعى
--------------------------
ملحوظة:-
العربية مغيرة كومبريسور قبل كده ومقصات وعفشة أمامية يمين أو شمال مش متذكر بالزبط بعد مطب من إياهم
ومرة من شهرين بالتمام والكمال - أنا فاكر - مغيرة عمود دركسيون وعلبة واسكاترا ثمنهم 8 الاف جندى والحمد لله وقتها كان فاضل ع العربية 50 كم قبل انتهاء الضمان عند 60 الف كم
وكمان حادث بسيط كده راح ضحيته فانوس أمامى شمال والشبكتين الفيبر والحمد لله برضه التأمين غطاهم
ده اللى فاكره دلوقت ...

على فكرة أنا من محبى وعاشقى الميجان جدااااااا
لكن بالمنظر ده أنا شايف إنها عربية مكلفة وما بتستحملش ومحتاجة واحد جاهز بشنطة مليانة فلوس لو جرالها أى حاجة
ياترى إيه رأيكم فى الكلام ده ؟

وبالنسبة لصاحب العربية هو قرف منها ع الآخر خاصة أنه مش بيتحرك بيها كتير وبيحافظ عليها ومن شهر ثمنها عند واحد جابتله حاجة وسبعين الف ج ومنتظر آخر السنة دى عشان يخلص منها وطبعا وقتها هاتجيب مش أكثر من حاجة وستين الف ..... !!!!!!
وناوى بعدها على فانتازيا أو جيتا ؟؟؟؟
أنا بأرشحله فانتازيا .. إيه رأيكم؟

[د.محمود صلاح]

أول شكوى من النوع ده !

هو اللى اعرفه ان ضمان الفتيس 100 الف او 5 سنوات

بس ايه اللى أدى لكده ؟ اهمال الصيانة ؟

[Ahmed Selim]

قدر الله و ما شاء فعل

الفتيس لو كان هيتغير جديد فى التوكيل أكيد كان هيكلف مبلغ و قدره.....كام بالظبط مش عارف.

و أعتقد ده عيب فردى لأن فى ناس معانا ماشية بالعربية أكتر من 100 ألف كم و الفتيس زى الفل بسم الله ما شاء الله.

و بالنسبة لعمود الدركسيون و العلبة و الأسكاتر....العلبة و الأسكاترا حاجة واحدة ده أولاً
ثانياً من الواضح أنه بيمشى بيها فى مناطق مكسرة جداً و مش بيمشى بالراحة كمان........لنفس السبب السابق أن فى ناس معدية ال 100 ألف كم و برضه مغيرتش الحاجات دى.

عموماً أنا برشحله الجيتا.....و ربنا يباركله فيها إن شاء الله.

[elshinawy80]

الفتيس تمنه 28000 جنية بس

[elshinawy80]

واللى عنده اهمال صيانة

[د.محمود صلاح]

بس اكيد فى منه استيراد ,, العربيه دى لها 5 سنوات فى السوق

[Youssef.Awad]

أول شكوى من النوع ده !

هو اللى اعرفه ان ضمان الفتيس 100 الف او 5 سنوات

بس ايه اللى أدى لكده ؟ اهمال الصيانة ؟

ما أنا عارف يا دكتور محمود
لولا ستر ربنا انه لسه فى الضمان زى ما وضحت
المهم السبب إيه ؟
الصيانة الدورية بيعملها بانتظام وفى التوكيل كمان

قدر الله و ما شاء فعل

الفتيس لو كان هيتغير جديد فى التوكيل أكيد كان هيكلف مبلغ و قدره.....كام بالظبط مش عارف.

و أعتقد ده عيب فردى لأن فى ناس معانا ماشية بالعربية أكتر من 100 ألف كم و الفتيس زى الفل بسم الله ما شاء الله.

و بالنسبة لعمود الدركسيون و العلبة و الأسكاتر....العلبة و الأسكاترا حاجة واحدة ده أولاً
ثانياً من الواضح أنه بيمشى بيها فى مناطق مكسرة جداً و مش بيمشى بالراحة كمان........لنفس السبب السابق أن فى ناس معدية ال 100 ألف كم و برضه مغيرتش الحاجات دى.

عموماً أنا برشحله الجيتا.....و ربنا يباركله فيها إن شاء الله.

الحمد لله على كل شىء
شكرا لردك يا أحمد بيه
وبالنسبة للجيتا طبعا فولكس فاجن مصر قطع الغيار مولعة
أفتكر ان السكودا أفضل من ناحية الأسعار

[bishoy02010]

28000 الف ده اكيد ؟؟؟

[Youssef.Awad]

الفتيس تمنه 28000 جنية بس

28000 الف ده اكيد ؟؟؟

يانهار مش فاااااااااااااااايت !!!!!!!!!!!!!!!!!

وده كله ولا حتة منه .. ولا حتة منه ولا كله

والله حرام بجد ..
أمال الموتور بكام ان شاء الله ..

على كده بقى الواحد يفك العربية حتة حتة ويبيعها قطع هاتجيب أكتر من ثمنها جملة !!!

يا جماعة حد يقول كلام غير ده ..

[elshinawy80]

عادى يا جماعه فتيس الجيتا 30000
هى دى اسعار السنيبترونيك

[Youssef.Awad]

عادى يا جماعه فتيس الجيتا 30000
هى دى اسعار السنيبترونيك

طيب بالمرة بقى فتيس الاوكتافيا بكام؟!!

[Ahmed Selim]

الحمد لله على كل شىء
شكرا لردك يا أحمد بيه
وبالنسبة للجيتا طبعا فولكس فاجن مصر قطع الغيار مولعة
أفتكر ان السكودا أفضل من ناحية الأسعار

العفو يا باشا
مش هتفرق كتير فى الأسعار.......مش فرق شاسع يعنى

بس اكيد فى منه استيراد ,, العربيه دى لها 5 سنوات فى السوق

فى طبعاً و أعتقد تمنه هيكون فى حدود ال 5 ألاف جم تزيد شوية أو تقل شوية


و طبعاً أى فتيس أوتوماتيك جديد فى توكيل هيكون تمنه مش أقل من 20% من تمن العربية زيرو
حتى لو بنتكلم على 128 أتوماتيك ( عارف أن مفيش أوتو منها.......و طبعاً مع أحترامى لمالكيها )

[Sharky]

دى أسعار الفتيس التيب ترونيك العادية بالعكس دا كده مش غالى لإن عندك مثلا
فتيس الشيفروليه أوبترا فى حدود 25 الف جم و مش تيب ترونيك

واضح ان مديريك فعلا بيمشى فى شوارع مكسره دا غير انه عامل 65 الف فى أقل من سنتين يبقى بيمشى بيها مش زى ما بتقول بيمشى قليل :)

أرشح له الجيتا لما يبيع الميجان

[Youssef.Awad]

دى أسعار الفتيس التيب ترونيك العادية بالعكس دا كده مش غالى لإن عندك مثلا
فتيس الشيفروليه أوبترا فى حدود 25 الف جم و مش تيب ترونيك

25 الف ج فى اوبترا ... لييييييييييييه يعنى؟
والله ده حرام ونصب كمان

واضح ان مديريك فعلا بيمشى فى شوارع مكسره دا غير انه عامل 65 الف فى أقل من سنتين يبقى بيمشى بيها مش زى ما بتقول بيمشى قليل :)

أرشح له الجيتا لما يبيع الميجان

لا أبدا .. زمايله فى الشركة عاملين أكتر من كده فى نفس الفترة تقريبا

بس أنا شايف إن الاوكتافيا أفضل من وجهة نظرى
يعنى متانة وثقل وأمان (كفاية القضيب اللى ورا الاكصدام الامامى) وارتفاع عن الارض اكتر من الجيتا

[د.محمود صلاح]

شكرا أ / أحمد على معلومة الفتيس الإستيراد وسعره