أستشارة تانية من أحبابى الوحوش

[abasse]

معلش هشرحلكو على حاجة فى الأول
أنا كنت أشتريت العربية وكان التكييف بتعها ضعيف ولما كشفت قالوللى أن فى خبطة فى السربنتينة قلت مش مهم أوى يامى شحن أو بلكتير هغير سربنتينة
وكنت شحنت ولكنه أقعد شهر وسرب تانى المهم
بلفحص الدقيق وجد أن الكويل ( السربنتينة ) الى تحت التأبلوه هى الى فيها التسريب المهم رسيت أن هغيرها بره وهجيب أستراد حيث أن تمنها معدى فى التوكيل


المشكلة دلوقتى أنا خايف من فك التأبلوه ميرجعش زى الأول فعايز واحد يكون بيفهم أوى وشغلوه كويس جدا عشان يفك التابلوه وواحد بتاع تكيف كويس عشان يركبلى الكويل

ندااااااااااااااااااااااء أنا قلت أغير دلوقتى قبل الصيف

[Ahmed Selim]

بص يا باشا

أيمن مومو هو اللى يعرف حد ممكن يفكلك التابلوه بدون مشاكل إن شاء الله

هو عمل كده فى عربيته عشان كان عاوز يركب تكييف تاتش بدل البكر.

[abasse]

دايما" سباق يا أحمد باشا
الف شكر

[أحمد كمال]

بالمرة مادام هتفك خلي ايمن يوديك للناس اللي بتحشي التابلوه و تلزقه عشان ما يتكتكش

[midohits]

من رأي التوكيل افضل

[ecybrarian]

بلفحص الدقيق وجد أن الكويل ( السربنتينة ) الى تحت التأبلوه هى الى فيها التسريب

معلش اعذرني انا مش فاهم على وجه الدقة ما يلي:
حضرتك تقصد بالتسريب إنه تسريب فيريون ولا تسريب هوا ساقع؟؟؟ تسريب الفيريون بيخللي التكيف يجيب هوا سخن بعد فترة. أما تسريب الهوا الساقع بيخللي توزيع الهوا الساقع يطلع ضعيف من الهويات وتحس إن في هوا ساقع بيطلع من حتت تانية غير الهويات من التابلوه، بكدا يكون التكييف ضعيف بس عمره ما يجيب هوا سخن.

ثانيا: حضرتك فحصت فين وازاي؟؟؟ هو مش المفروض إن الفحص ده علشان يتم لازم يفكوا التابلو، ولا هو لما يلاقوا دايرة التكييف في الكبوت سليمة يبقى العيب تحت التابلو بالمنطق كدا؟

[abasse]

بالمرة مادام هتفك خلي ايمن يوديك للناس اللي بتحشي التابلوه و تلزقه عشان ما يتكتكش

الف شكر يا حمد باشا ( بس فين التقييم بتاع جهاز gps أنا محتار أجيبه ولا أجيب الجهاز بتاع حسن عيسى أنا كنت محتاج جى بى أس فقلت بدل ملزق حاجات على التابلوه أجيب حاجة تركب مكنها أحسن

من رأي التوكيل افضل

والله ياباشا المضطر يركب الصعب التوكيل ممكن يعدى ال 5

معلش اعذرني انا مش فاهم على وجه الدقة ما يلي:
حضرتك تقصد بالتسريب إنه تسريب فيريون ولا تسريب هوا ساقع؟؟؟ تسريب الفيريون بيخللي التكيف يجيب هوا سخن بعد فترة. أما تسريب الهوا الساقع بيخللي توزيع الهوا الساقع يطلع ضعيف من الهويات وتحس إن في هوا ساقع بيطلع من حتت تانية غير الهويات من التابلوه، بكدا يكون التكييف ضعيف بس عمره ما يجيب هوا سخن.

ثانيا: حضرتك فحصت فين وازاي؟؟؟ هو مش المفروض إن الفحص ده علشان يتم لازم يفكوا التابلو، ولا هو لما يلاقوا دايرة التكييف في الكبوت سليمة يبقى العيب تحت التابلو بالمنطق كدا؟

التسريب بيجيب هو سخن
أنا شحنته أول مرة فضى فى شهر
كشفت 3 مرات مرة فى التوكيل ( كانوا عايزين يشحنوه ويقللولى نبقى نشوف أقوله الشحن فضى يقولى لا لازم تشحن عندنا الأول )
كشفت عند أتنين بره واحد معرفش التسريب منين
والتانى واحد فى الحرفيين أسمه الكابتن مسك المزاسير والسربنتينة كلها ماوجدش حاجة لما كبس ودخل جوه الصالون لقى فى صوت طالع من التابلوه زى مايكون تسريب

المهم قالى لازم نفك التابلوه أحتمال كبير كويل
اكويل ده عبارة عن سربنتينة

[ecybrarian]

اعتقد إن في موضوع عن تغيير الكويل إللي تحت التابلو ده قبل كدا..حتى لاقى منه صيني وتركي وكان تقريبا تمنه 900 جنيه على ما أذكر

[momo10000]

انا بعتلك رقمي عالخاص .. كلمني اما تعوز تعمل القصة دي .. وانا تحت امرك يا باشا...

[abasse]

الف شكر يا كبير ربنا ميحرمناش منك أبدا
أن شاء الله قريب أوى

[د.محمود صلاح]

5 الآف !! كتيير جدا ! حضرتك متأكد ؟

[abasse]

5 الآف !! كتيير جدا ! حضرتك متأكد ؟

الحقيقة الكلام ده من عند المكانيكيون

[Ahmed Selim]

5 الآف !! كتيير جدا ! حضرتك متأكد ؟

تمن طبيعى جداً لسربنتينة تكييف عربية حديثة فى توكيلها.