عيوب اللوجان

[amr.elsayed]

كلام صح ... واجو اننا نتعاون جميعا اننا نحافظ على سمعة التوكيل من خلال الحفاظ على رضانا كعملاء عنده

طبعا يا استاذتنا لازم يكون التوكيل هو كمان عنده قدر من الاهتمام لكن لو احنا محسيناش بالاهتمام دة
يبقى لازم نبدأ بنفسنا قبل ما ننتقد التوكيل وما حدش فينا يكون سلبى او يسيب حقه كل دة حيعود علينا بعد كدة

[hobby10]

طبعا يا استاذتنا لازم يكون التوكيل هو كمان عنده قدر من الاهتمام لكن لو احنا محسيناش بالاهتمام دة
يبقى لازم نبدأ بنفسنا قبل ما ننتقد التوكيل وما حدش فينا يكون سلبى او يسيب حقه كل دة حيعود علينا بعد كدة

تمااااااااام كده

[Ahmed Selim]

لو سألت الاستاذ احمد عبد المقصود سؤال
هل لو حضرتك عندك ملحوظة فى العربية ورحت بيها الصيانة وجيت تستلم العربية ولاقيت فيها نفس الملحوظة هل حتستلم العربية وتاخدها وتمشى وخلاص على كدة ..... طبعا لأ
(عشان كدة انت مبسوط من التوكيل) ودة حقك
.

عاوز الحق يا عمرو بك ولا أبن عمه ؟؟؟؟؟؟

كتير كنت بروح و عندى ملاحظات متعددة و أرجع من التوكيل نص الملاحظات مش محلول....نظراً لضيق الوقت أو غيره

بس مش معنى كده أنى كنت بطنش على طول......لأ.....كنت تانى مرة أروح كنت بدخل فيهم شمال و بفهمهم أنى أشتكيت و الملاحظات كما هى.....مع أنى أول مرة لما أستلمت كنا عارف بس برضه مشيت عشان سبب ما.......السبب ده ممكن يكون وقتى ضيق أو هما عندهم زحمة بزيادة شوية.....فباخد بعضى و أمشى و تتعوض المرة اللى بعدها......هو أحنا هنروح من بعض فين......ما العربية بيتعمل لها صيانة كل 5 ألاف كم.

مشكلتكم أن مبيعات اللوجان أبتدت تعمل زحمة فى التوكيل ( و خصوصاً المقطم ) و بالتالى التوكيل بقى معظم الوقت زحمة.....و بالتالى جودة الشغل اللى بيعمله ممكن تقل شوية عن المعتاد.

كل اللى أنا كنت بقوله أن الناس المسؤلين عن التوكيل مش ساكتين و فى فرع جديد بيتعمل عشان الزحمة دى تخف......أملاً أنها تعلى جودة الشغل بأستمرار.

[hobby10]

عاوز الحق يا عمرو بك ولا أبن عمه ؟؟؟؟؟؟

كتير كنت بروح و عندى ملاحظات متعددة و أرجع من التوكيل نص الملاحظات مش محلول....نظراً لضيق الوقت أو غيره

بس مش معنى كده أنى كنت بطنش على طول......لأ.....كنت تانى مرة أروح كنت بدخل فيهم شمال و بفهمهم أنى أشتكيت و الملاحظات كما هى.....مع أنى أول مرة لما أستلمت كنا عارف بس برضه مشيت عشان سبب ما.......السبب ده ممكن يكون وقتى ضيق أو هما عندهم زحمة بزيادة شوية.....فباخد بعضى و أمشى و تتعوض المرة اللى بعدها......هو أحنا هنروح من بعض فين......ما العربية بيتعمل لها صيانة كل 5 ألاف كم.

مشكلتكم أن مبيعات اللوجان أبتدت تعمل زحمة فى التوكيل ( و خصوصاً المقطم ) و بالتالى التوكيل بقى معظم الوقت زحمة.....و بالتالى جودة الشغل اللى بيعمله ممكن تقل شوية عن المعتاد.

كل اللى أنا كنت بقوله أن الناس المسؤلين عن التوكيل مش ساكتين و فى فرع جديد بيتعمل عشان الزحمة دى تخف......أملاً أنها تعلى جودة الشغل بأستمرار.

استاذ احمد كلامك جميل وحضرتك شخص محترم .... بس النقطة اننا كنا بنتكلم على فرع اسكندرية ... وانا لما روحت فى المرتين محستش ان الدنيا زحمة او عادى يعنى ... مفيش مشكلة يعنى

وغير كده اللى يضايق .. انه اصلا مش بيعترف بالمشكلة وبيقلل من شأن الملحوظة اللى عندك اصلا بحجة انهم كلهم كده ... وده على حد كلامه يعنى .... عارف حضرتك ده معناه ايه ........ معناه انه بيستغل كون العربية جديدة فى انه يتوه العميل ويخليه مش قادر يدافع عن حقه فى ان مشكلته تتحل ... وده لانه معندوش مرجع موثوق منه فى ان العربية دى تحديدا ايه اللى ممكن يكون فيها طبيعى وايه اللى ممكن يكون مشكلة فعلا .......

العميل بقى اللى حيتخانق معاه ويصمم ان دى مشكلة وانها لازم تتحل - وده عن غير بينة سواء ان فعلا دى مشكلة ولا طبيعى - هو اللى حيحاول يرضيه ويحلله مشكلته واهو فى السكة ممكن يعرف حل لمشكلة ممكن تكون عند ناس تانية كتير وبيتعامله معاها على انها خلقة ربنا

والمشكلة التانية والاهم مش انه مش بس بيعترف بالمشكلة لا دا كمان معترض على العميل اللى بيقوله ... معلش العربية لسه جديدة عليكم وممكن تاخد وقت لحد ما التوكيل يكتسب الخبرة فى التعامل مع مشاكلها ويحلها وده ممكن يسمى حفظ ماء الوجه لكن انا اللى سمعت الكلام ده بنفسى .. والاسلوب مكنش اسلوب حد بيدافع عن نفسه ببساطة لكن كان بطريقة اللوجان دى زى بنتى الصغيرة ومش انت اللى حتيجى تعلمنى اربيها ازاى - مع فارق التشبيه يعنى - ...... وعلشان اطمن حضرتك ان رد الفعل ده من المهندس ماكنش رد على كلام من العميل اتكلم بطريقة مش ظريفة مثلا .. فالمناقشة دى تمت بين المهندس وشخص اخر كان بيتكلم بطريقة ان المهندس ده زى اخوه يعنى وبيتفاهم معاه ... ليس اقل او اكثر

انا وكتير غيرى اشترى اللوجان لاسباب كتير اهمها التوكيل وسمعته ... وانا عن نفسى متعاملتش معاه قبل كده ولا مع غيره من التوكيلات ..... بس انا مليش دعوة اذا كان احسن الوحشين ولا لأ ... انا اللى يهمنى ان مشكلتى تتحل وبسسسس .... ومش مطلوب منى انى لازم يكون ليا واسطة او انى اروح 50 مرة او انى ازعق واتخانق علشان اخد حقى المشروع
ولا انى اكون بفهم فى العربيات علشان اقدر اخد وادى فى الكلام ... او انى حتى افضل اسأل والف وادور علشان احل المشكلة

اسفة على الاطالة بس هى المشكلة الفعلية مش مشكلة لا رينو ولا غيره المشكلة مشكلة سلوك عام .. وهو انك مينفش تاخد حقك كاى بنى ادم طبيعى من غير دوشة ولا حوارات ومشاكل ..... لا وايه انت كده دافع فلوس امال بقى لو خدمة عااااااامة

ربنا يرحمنا بقى ..... سلام عليكم

بالمناسبة توقيعك يستحق الاحترام

[Col. Eng. Khaled]

رينو فرنسا contact.client@renault.com

رينو الشرق الأوسط aurelian.popa@daciagroup.com

أتمنى محدش يسيب حقه و يكتفي بالشجب .

[hobby10]

رينو فرنسا contact.client@renault.com

رينو الشرق الأوسط aurelian.popa@daciagroup.com

أتمنى محدش يسيب حقه و يكتفي بالشجب .

لا متقلقش ياسيادة العقيد ان شاء الله مش حكتفى بالشجب ....... انا بس بوضح الواقع اللى بعضنا قابله .... وشكرا لمرور حضرتك

[Ahmed Selim]

الله يفتح عليكى يا باشمهندسة

لو حضرتك أخدتى بالك من أول مشاركة ليا فى الموضوع ده هتلاقينى كاتب أن الحقيقة التانية اللتى لا يجب أغفالها أن التوكيل ده فى مصر

و طبعاً مش مطلوب منك أى حاجة عشان تاخدى حاجة من حقك بس هو الشطارة أنك تعرفى تاخديها أزاى.

يعنى أنا من 5 سنين مكنتش أعرف مخلوق فى التوكيل.....و أشتكيت من مشكلة ما......و معجبنيش الرد و افتكرت انهم بيوزعونى زى ما حضرتك بتقولى.......عملت أيه ساعتها ؟؟؟؟؟

رجعت البيت من غير ما أتخانق و من غير أى حاجة....دخلت على موقع رينو بعتت لخدمة العملاء شكوى......فى خلال يومين كان مدير خدمة العملاء مكلمنى و بيقولى شوف حضرتك تحب تجيب العربية امتى عشان نكشف عليها.

و على فكرة.....الحاجة اللى كنت بشتكى منها طلعت عادية جداً و مش مشكلة خالص و الفكرة بس أن البيه اللى طلع يجرب معايا معرفش يفهمنى هى بتعمل كده ليه....و بالتالى أنا مقتنعتش.

طبعاً أنا كلامى فى الأول و الأخر مش معناه أنكم تسيبو حقكم.....لأ بالعكس تماماً.

تقبلى تحياتى.

[Col. Eng. Khaled]

لا متقلقش ياسيادة العقيد ان شاء الله مش حكتفى بالشجب ....... انا بس بوضح الواقع اللى بعضنا قابله .... وشكرا لمرور حضرتك

أختي الكريمة

يعلم الله بحسن نيتي و عدم توجيه كلامي لحضرتك أبدًا ، عفوًا كلامي موجه للرجال

بصفة عامة و لا أخص أحدًا منهم تحديدًا مع عدم إغفالي لإحترامي لهم و لك .

[hobby10]

أختي الكريمة

يعلم الله بحسن نيتي و عدم توجيه كلامي لحضرتك أبدًا ، عفوًا كلامي موجه للرجال

بصفة عامة و لا أخص أحدًا منهم تحديدًا مع عدم إغفالي لإحترامي لهم و لك .

لا مفيش اسف ياخالد بيه .. ونية حضرتك معروفة .... نية كريمة من شخص كريم ... وشكرا لمرور حضرتك واهتمامك

[hobby10]

الله يفتح عليكى يا باشمهندسة

لو حضرتك أخدتى بالك من أول مشاركة ليا فى الموضوع ده هتلاقينى كاتب أن الحقيقة التانية اللتى لا يجب أغفالها أن التوكيل ده فى مصر

و طبعاً مش مطلوب منك أى حاجة عشان تاخدى حاجة من حقك بس هو الشطارة أنك تعرفى تاخديها أزاى.

يعنى أنا من 5 سنين مكنتش أعرف مخلوق فى التوكيل.....و أشتكيت من مشكلة ما......و معجبنيش الرد و افتكرت انهم بيوزعونى زى ما حضرتك بتقولى.......عملت أيه ساعتها ؟؟؟؟؟

رجعت البيت من غير ما أتخانق و من غير أى حاجة....دخلت على موقع رينو بعتت لخدمة العملاء شكوى......فى خلال يومين كان مدير خدمة العملاء مكلمنى و بيقولى شوف حضرتك تحب تجيب العربية امتى عشان نكشف عليها.

و على فكرة.....الحاجة اللى كنت بشتكى منها طلعت عادية جداً و مش مشكلة خالص و الفكرة بس أن البيه اللى طلع يجرب معايا معرفش يفهمنى هى بتعمل كده ليه....و بالتالى أنا مقتنعتش.

طبعاً أنا كلامى فى الأول و الأخر مش معناه أنكم تسيبو حقكم.....لأ بالعكس تماماً.

تقبلى تحياتى.

شكرا لحضرتك يأستاذ احمد ولمرورك واهتمامك باللوجان وملاكها الكرام ..... رسالة حضرتك وصلت .... ربنا يعمل اللى فيه الخير لجميع امته يارب ... وان شاء الله بينا كعملاء محترمين احنا اللى حنحافظ على سمعة التوكيل باننا ناخد حقنا ... وليس العكس ..... ان شاء الله ......
تقبل تحياتى ...

[amr.elsayed]

الله يفتح عليكى يا باشمهندسة

لو حضرتك أخدتى بالك من أول مشاركة ليا فى الموضوع ده هتلاقينى كاتب أن الحقيقة التانية اللتى لا يجب أغفالها أن التوكيل ده فى مصر

و طبعاً مش مطلوب منك أى حاجة عشان تاخدى حاجة من حقك بس هو الشطارة أنك تعرفى تاخديها أزاى.
.

الله يفتح عليك .. هى دى النقطة اللى عايز اوصلها للاعضاء .. فى طرق كتيير جدا ممكن الواحد
ياخد بيها حقه سواء خبرته الميكانيكية كويسة ويعرف يحدد اعطال عربيته بنفسه
او يستخدم ثقافته وتفتيح دماغه فى ايميل زى ايميل للشركة الام فعال جدا وانا مجربه واتفاجأت بفاعليته
بس انا مش بحب موضوع ايميل للشركة الام لان دة بيعمل قلق للوكيل اللى هو انا متاكد انه محترم
يعنى هو بيكون اخر الحلول .. احمد باشا شكرا ليك لتفاعلك معانا

أختي الكريمة

يعلم الله بحسن نيتي و عدم توجيه كلامي لحضرتك أبدًا ، عفوًا كلامي موجه للرجال

بصفة عامة و لا أخص أحدًا منهم تحديدًا مع عدم إغفالي لإحترامي لهم و لك .

يا عينى علينا يا رجالة على طول مظلومين كدة بس اما اشوفك

.. ونية حضرتك معروفة .... نية كريمة من شخص كريم ... وشكرا لمرور حضرتك واهتمامك

+1
لا متقلقيش الكبير كلامه كله موزون وعمر حد فينا ما يفهمه غلط
تحياتى لحضرتك ولسيادة العقيد وللاستاذ احمد
وشكرا على المناقشة البناءة اللى لازم نطلع منها بتجارب ومعلومات حتنفعنا فى الايام القادمة

[barakot]

لاصحاب الرينو من زمان

والله أنا حبيت العربية ده فعلا من كتر كلام المنتدي عنها وده يمكن أول مشاركه ليا وانا بأذن الله بفكر أشترى اللوجان فول أوبشن وكنت عاوز أعرف حاجه دايما الى بيتكلم عن قطع الغيار واسعارها بيتكلم عن الفوانيس والاكصدامات والحاجات البسيطة لكن الناس الى بتشتري وناويه تحتفظ سنين بالعربيه فيما بعد الضمان والتامين بتبحث عن كل مسمار بالعربية وسعره وتلكلفة تغيره ولوحسابها يمكن يغير رأيه في العربيه الى هيشتريها من اول يوم وفيه الى بيشتري وناوي يغير كما ثلاث او أربع سنين مابيشغلوش أوي المضوع ده يا ريت عاوز رد من أصحاب الرينو الى اشتروها زيرو وعاشت معاهم سنين وعامله معاهم ايه بعد السنين وقطع غيارها بتقل مع الوقت ولا بتفضل غاليه يعنى مثلا لما اعرف النهارده ان زراير تكييف 1500 لازم اتخض واخاف ده تبقي كارثه في باقي قطع غيار العربية الداخلية ......وشكرا جدا للمنتدي وخصوصا الى خد من وقته وقرا للنهاية

[amrdiab]

والله أنا حبيت العربية ده فعلا من كتر كلام المنتدي عنها وده يمكن أول مشاركه ليا وانا بأذن الله بفكر أشترى اللوجان فول أوبشن وكنت عاوز أعرف حاجه دايما الى بيتكلم عن قطع الغيار واسعارها بيتكلم عن الفوانيس والاكصدامات والحاجات البسيطة لكن الناس الى بتشتري وناويه تحتفظ سنين بالعربيه فيما بعد الضمان والتامين بتبحث عن كل مسمار بالعربية وسعره وتلكلفة تغيره ولوحسابها يمكن يغير رأيه في العربيه الى هيشتريها من اول يوم وفيه الى بيشتري وناوي يغير كما ثلاث او أربع سنين مابيشغلوش أوي المضوع ده يا ريت عاوز رد من أصحاب الرينو الى اشتروها زيرو وعاشت معاهم سنين وعامله معاهم ايه بعد السنين وقطع غيارها بتقل مع الوقت ولا بتفضل غاليه يعنى مثلا لما اعرف النهارده ان زراير تكييف 1500 لازم اتخض واخاف ده تبقي كارثه في باقي قطع غيار العربية الداخلية ......وشكرا جدا للمنتدي وخصوصا الى خد من وقته وقرا للنهاية

1- العربية في مرحلة الانتشار فمنتوقعش اسعار قليلة دلوقت ولا قطع غيار متاحة بكثرة خارج التوكيل الايام دي وان كان بعض قطع الغيار نزلت برة التوكيل
2- اعتقد ان العربية دي عرضة للشائعات بشكل كبير فحضرتك بتقول زراير تكييف 1500 وعضو اخر كان بيقول الفتيس والموتور عاملين 80000 جنية في عربية تمنها 67000 جنية تعرف الكلام دة لوصحيح اشتريلي عربيتين وافكهم وابيعهم حتة حتة او اعمل بلاغ عند حماية المستهلك لان لو دة صحيح يبقي العيب مش فينا العيب في النظام علي راي برايز
3- العربية بتاعتنا دي شعبية يعني شاريها عشان موفرة مش شاريها عشان اصرف عليها اكتر ما اشتريتها بية
4- انوي واتكل علي اللة ومش ههتندم ولا تحتار ربنا ميحير مؤمن

[barakot]

1- العربية في مرحلة الانتشار فمنتوقعش اسعار قليلة دلوقت ولا قطع غيار متاحة بكثرة خارج التوكيل الايام دي وان كان بعض قطع الغيار نزلت برة التوكيل
2- اعتقد ان العربية دي عرضة للشائعات بشكل كبير فحضرتك بتقول زراير تكييف 1500 وعضو اخر كان بيقول الفتيس والموتور عاملين 80000 جنية في عربية تمنها 67000 جنية تعرف الكلام دة لوصحيح اشتريلي عربيتين وافكهم وابيعهم حتة حتة او اعمل بلاغ عند حماية المستهلك لان لو دة صحيح يبقي العيب مش فينا العيب في النظام علي راي برايز
3- العربية بتاعتنا دي شعبية يعني شاريها عشان موفرة مش شاريها عشان اصرف عليها اكتر ما اشتريتها بية
4- انوي واتكل علي اللة ومش ههتندم ولا تحتار ربنا ميحير مؤمن

الحقيقه انا متشكر جدا للرد على مشاركتى وعلى فكره انا سعر الزراير ده جايبه من المنتدي هنا وما عرفشي حقيقته أيه ويا ريت لو حد يعرف حقيقة الكلام ده يأكده اوينفيه لأن المنتدي هنا محترم جدا بصراحة وبيشجع ناس كتير على شرا عربيات ما بيكونشي عندهم فكره عنها ولو هى شعبية زي ما حضرتك بتقول يبقي هايل واتمنى ليها الانتشار ورخص قطع الغيار وتوكيل يبقى كويس يبقي ساعتها نقدر نقول ان العربيه ده 100%

[Egyzizo]

بينى وبينكم أنا بقيت بادعى ربنا ان مايحصلش مشكلة فى العربية من النوع اللى مش بيحلوه ده ، عشان أنا ماليش فى المناهدة ووجع القلب ده ، يعنى كفاية المشاكل اليومية المزمنة اللى مش ناقصة حاجة تزيد عليها.