إعـــــــلان

**yalahwy2010** · 15-01-2010, 12:49 AM

المشاركة الأصلية كتبت بواسطة ecybrarian مشاهدة المشاركة

تشرفنا يا باشمهندس..انا كنت بهرج معاك على فكرة بس على مايبدو إن الوقت كان غير مناسب :-))..ده كده كويل..دي اعراض إن العربية متلته..ولازم تعملها بسرعة..الكويل Value الأصلي بيعمل حوالي 300 جنيه خارج التوكيل.
للأسف ما عرفش حد في الحرفيين، انا اعرف خالد الزيني في الرحاب (فرنش موتورز) واعرف ناس في صقر قريش المعادي (على الاتوستراد)

لا يا باشا ....الوقت مناسب...مافيش حاجة

انا بس ممكن اكون ركزت فى كلامى عن المشكلة اللى عندى
فرصة سعيدة جدا.....ويا ريت اتشرف بأسم حضرتك
ومعلش لو هتقل عليك....هو خالد الزينى اللى فى الرحاب....شغال الجمعة؟...بكرة يعنى...وتفتكر الكويل هيبقى عنده غالى ولا لو اشتريته من الحرفين يبقى ارخص؟...انت ايه رأيك؟
انا خايف يطلع اكتر من كويل....يا رب يطلع واحد بس

وتفتكر لو اشتريته من برة....الكويل يعمل كام؟
على فكرة ...انا مجرب فرنش موتورز اللى فى جسر السويس
بس العملية مزنقة شوية فى الفلوس....واخر مرة لما كنت عندهم حسيت ان اسعارهم غالية شوية.....تيل وطنابير امامى عملوا 1300 جنية
انا ركبتهم برة عملوا 600....عند واحد اسمه طايع...واشتريت قطع التيل والطنابير من عصام بشطر اللى فى الحرفيين
فا لو الفرق كبير بين فرنش موتورز واى حد من برة يبقى الفرق انا اولى بيه
ممش كدة ولا ايه؟؟؟؟
معلش طولت عليك

**ecybrarian** · 15-01-2010, 01:00 AM

بلاش خالد الزيني..أولا علشان قافلين الجمعة وثانيا علشان اسعار قطع الغيار عندهم بنفس اسعار التوكيل..وخصوصا إن تغير الكويل مش محتاج صنعة..ده حتى كان في موضوع هنا عن تغيير الكويل بنفسك..موضوع بسيط إن شاء الله..انا حاسس إنه كويل واحد..لأنه لو كان أكتر من واحد البرجلة هاتكون أعنف والعربية هاتبطل وهاتطلع رسائل على الشاشة ويمكن تسمع خبطة جامدة من تحت العربية..

**yalahwy2010** · 15-01-2010, 01:09 AM

المشاركة الأصلية كتبت بواسطة ecybrarian مشاهدة المشاركة

بلاش خالد الزيني..أولا علشان قافلين الجمعة وثانيا علشان اسعار قطع الغيار عندهم بنفس اسعار التوكيل..وخصوصا إن تغير الكويل مش محتاج صنعة..ده حتى كان في موضوع هنا عن تغيير الكويل بنفسك..موضوع بسيط إن شاء الله..انا حاسس إنه كويل واحد..لأنه لو كان أكتر من واحد البرجلة هاتكون أعنف والعربية هاتبطل وهاتطلع رسائل على الشاشة ويمكن تسمع خبطة جامدة من تحت العربية..

ربنا يطمنك....لكن الحرفين شغالة بكرة عادى؟
يعنى ممكن الاقى عصام بشطر فاتح....وبعدين تنصحنى اجيب ال كويل ال value احسن من اى نوع تانى....؟؟؟
هو دا الاصلى بتاعها ولا نوع كويس الناس متعودة عليه
انا لسة ما اتشرفتش بالاسم؟

**Mohd_Adel_Amin** · 15-01-2010, 02:40 AM

معلش انا عندي اقتراح لحضرتك , لو قدرت تجيب الكويل بأي طريقة وتركبه عندك في الزقازيق بس متسافرش بالعربية على الحالة دي لأن حسب ما سمعت انها ممكن تعمل مشكلة معاك في علبة البيئة وفي باقي الكويلات , ده غير انك بترهق الموتور جدا ..
تركيبه سهل عند اي حد وبما ان حضرتك مهندس ممكن تركبه بنفسك ..
وأكيد عندك في الزقازيق حد بيوزع قطع غيار رينو حتى لو جبت نوع مش اصلي لحد ما توصل القاهرة وتجيب الاصلي ..
بالتوفيق بإذن الله ..

**Ahmed Selim** · 15-01-2010, 03:39 AM

عشان تتأكد أنه كويل جرب تمشى بالعربية لحد ما ال rpm يوصل ل 3 و لو لقيت العربية مش بترج بعد ال 3 يبقى غالباً كويل.

فى واحد فى الحرفيين أسمه محمد الشرقاوى بس مش فاكر رقمه.........الحرفيين كلها بتشتغل جمعة و بتقفل الأحد.

لو رحت لعصام بشطر و سألته على محمد الشرقاوى هيدلك عليه......هو فى نفس الشارع بس قدام شويتين على اليمين مش الشمال زى عصام.

**Ahmed Selim** · 15-01-2010, 03:54 PM

أحتمال أقابلك هناك :)

أنا رايح دلوقتى إن شاء الله

**Ahmed Selim** · 15-01-2010, 08:39 PM

قابلت المهندس فهمى و أخوه هناك و كان معايا العقيد خالد منورنى :)

بس للأسف ملحقناش نقعد مع بعض..........تتعوض إن شاء الله.

المشكلة عنده طلعت كويل فعلاً

**Col. Eng. Khaled** · 15-01-2010, 10:50 PM

ألف حمد لله على سلامة وصولكم سالمين

**Ahmed Selim** · 16-01-2010, 04:52 PM

المشاركة الأصلية كتبت بواسطة yalahwy2010 مشاهدة المشاركة

هو كان فى واحد قاطع خالص واتنين بيعلقوا
المهم انا قلت اخلص خالص واغير اللى معلق
بس دلوقتى بقت تمام
ربنا يسترها

حمداً لله على سلامة وصولكم و سلامة ميجانتك يا هندسة

بس حلوة دخلة المخبرين اللى أنا دخلتها دى

**ledo7** · 06-02-2010, 08:12 PM

ممكن تنظف المنافولد في التوكيل وهتبقى تمام

Comment

Comment

Comment

Comment

Comment

إعـــــــلان

.

عربيتى سحبها مكتوم؟

Comment

Comment

Comment

Comment

Comment

Comment

Comment

Comment

Comment

Comment