ايه هي القطع اللي بيتطبق عليها الضمان

[georgedada82]

انا قعدت ادور بصراحة في المنتدي ملقتش حاجة معينة عن الضمان
سؤالي المحدد هو :
ايه هي القطع اللي بيتطبق عليها الضمان والضمان لكل قطعة اد ايه وايه الحالة اللي اروح فيها للتوكيل واقوله القطعة دي في الضمان
وبرضه القطع اللي مش بتدخل في الضمان
انا عن نفسي طبعا عاوز اعرف اللي يخص عربيتي اللي هي لوجان 2010
طبعا اللي عنده فكرة عن العربيات التانية يقول
ياريت الافادة لانه موضوع مهم
وياريت المعلومة تبقي مؤكدة مش احتمالات
وشكرا ليكممممممم
ما ننساش اللي هيقول معلومة هتبقي اسم القطعة وتخص اي نوع وضمانها اد ايه وايه الحالة اللي نغيرها في الضمان من غير دفع فلوس
وشكرا ليكممممممم

[Sharky]

القطع اللى بتدخل فى الضمان اللى هى المفروض القطع الغير إستهلاكية
بمعنى القطع اللى ما بتتغيرش بصفة دورية فى مواعيد الصيانة
القطع اللى بتتغير بصفة دورية (البوجيهات ، التيل ، الفلاتر و غيرها )

ضمان قطع الغيار بيبقى من ضمان العربية يعنى فى الرينو مثلا 3 سنوات أو 100 الف

[Egyzizo]

طيب معلش حد يفكرنا ، هو ضمطان اللوجان أد ايه ؟؟ كام كيلو أو كام سنة ؟؟

[AirForces]

متابع بأهتمام

طيب معلش حد يفكرنا ، هو ضمطان اللوجان أد ايه ؟؟ كام كيلو أو كام سنة ؟؟

3 سنين او 100 الف كيلو

[alsunian22]

متابع بأهتمام

3 سنين او 100 الف كيلو

أنا سمعت كلام غريب من المعرض اللي جبت منه العربية، ومحتاج أتأكد منه منكم:
أنا لسه مستلم رخصة العربية من أسبوع، فكلمت معرض سمير ريان علشان أسأل على الضمان، لقيتهم بيقولولي أن أصلا الضمان متأخر من أوروبا على كل العربيات اللوجان، وإن التوكيل عارف الكلام ده وبيصلح العربية عادي كأنها في الضمان، بس المهم أوريه رخصة العربية...
فهل الكلام ده صح، ولا أنا بتبعت؟؟؟

[amr.elsayed]

أنا سمعت كلام غريب من المعرض اللي جبت منه العربية، ومحتاج أتأكد منه منكم:
أنا لسه مستلم رخصة العربية من أسبوع، فكلمت معرض سمير ريان علشان أسأل على الضمان، لقيتهم بيقولولي أن أصلا الضمان متأخر من أوروبا على كل العربيات اللوجان، وإن التوكيل عارف الكلام ده وبيصلح العربية عادي كأنها في الضمان، بس المهم أوريه رخصة العربية...
فهل الكلام ده صح، ولا أنا بتبعت؟؟؟

بصراحة مفهمتش حضرتك ... ويعنى ايه الضمان متأخر من اوروبا

[amrdiab]

3 سنوات او 100000 كم ايهما اقرب
و7 سنوات ضد الصدء مش متاكد دي كانت للعربية ولا الغسالة

[أحمد كمال]

بصراحة مفهمتش حضرتك ... ويعنى ايه الضمان متأخر من اوروبا

+1

هو مفيش اصلا كائن اسمه الضمان او شئ مادي اسمه الضمان ده اتفاقية بين الوكيل و المشتري !!!

[أحمد كمال]

هما الناس بتوع سمير ريان مش هيبطلوا ابداعاتهم في مجال الافتكاس و الفتي؟

[alsunian22]

بصوا يا رجالة، أنا كلمت الوكيل النهاردة وقولتله القصة دي، فقالي فعلا فيه إجراءات متأخرة والموضوع هياخد وقت، وإني اتابع مع المعرض بعد فترة علشان احصل على ما يثبت الضمان.
وقالي إن حاليا انا بجيب بس رخصة القيادة علشان فيها رقم الشاسية وبعمل الصيانة بتاعتي عادي.
وشكراااااااااا

[amr.elsayed]

بصوا يا رجالة، أنا كلمت الوكيل النهاردة وقولتله القصة دي، فقالي فعلا فيه إجراءات متأخرة والموضوع هياخد وقت، وإني اتابع مع المعرض بعد فترة علشان احصل على ما يثبت الضمان.
وقالي إن حاليا انا بجيب بس رخصة القيادة علشان فيها رقم الشاسية وبعمل الصيانة بتاعتي عادي.
وشكراااااااااا

مين اللى بيقولك كدة دة ... اجراءات ايه وبتاع ايه
انت بيكون معاك كتيب ضمان مختوم من الشركة المصرية العالمية للسيارات
يفيد بان العربية عليها ضمان 100000 كيلو او 3 سنوات ضد عيوب الصناعة
وومضى من مندوب المبيعات اللى باعلك العربية ... ويثبت فيه اول صيانة لحضرتك
اجراءات بقى مش اجراءات دى حاجة مش بتاعة المستهلك نهائى انت معاك مستند فى حالة اى تقصير من الوكيل فى تلافى اى عيب صناعة
تتوجه بالمستند اللى يثبت الضمان لجمعية حماية المستهلك ولو ثبت ان المستند (كتيب الضمان المختوم) لا يثبت الضمان
ترفع قضية نصب على الشركة المصرية العالمية للسيارات وتكسبها وانت حاطط رجل على رجل