خبطت عربيتي وعاوز مساعدتكو ربنا يخليكو

[Samah AbdAllah]

حضرتك انا مابكدبش بس دا اللي فاكر ولو حابب اعملهولك سكنر
يبئة بكرة ان شاء الله لاني للاسف ماعنديش سكنر

حضرتك محدش بيكدبك
ده بس توضيح لتكرار بعض البيانات اللى اكيد حضرتك ما تقصدوش بس الهدف منه ان لفت نظر حضرتك للتكرار ده عشان تصححه بكتابة باقى الاشياء التى سيتم تغييرها

[ahmadalsattar]

يا ساتر يا رب خبطه فى الرصيف تعمل كده
و اصلاحها بتمن عربيه مستعمله مثلا بيجو 504
بصراحه الموضوع دى يقلق جدا جدا من العربيه اللوجان اللى تمنها 60000
تصلح ب 20000 مش غريبه دى ؟؟؟؟؟؟؟؟؟؟؟

[bishoy02010]

قاعدة شبورة شمال 390
كفر شبورة 390


أنا مش فاهم يعنى إيه دول ياريت حد يفهمنى عشان انا عندى كلبسة من الكلبستان اللى ماسكين الفوج الشمال اتكسرت وسألتة النهاردة فى التوكيل قالى مينفعش تتباع لوحدها لازم الفوج كلة



جنط 580
كوبلين شمال 2000

ليــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــة

علب دركسيون 3200





مساعد امامي شمال وعين 140




إزاى 140 جنية مساعد بعد الأرقام ديه ؟؟؟؟

بس عمتا واهم حاجة سلامتك ومتقلقش طالما انتة مأمن التأمين لو هتصلح فى التوكيل أعتقد هتكون نسبة التحمل اللى عليك 10% بس يعنى حوالى 1900 جنية فى كل الموضوع ده ولو هتصلح فى مركز خدمة تبعهم مش هيكون عليك اى نسبة تحمل بس انا انصحك تخليك فى التوكيل طبعا ده بغض النظر عن انك هتدفع المبلغ فى الأول وبعدين تستردة بعديها ب أسبوعين من شركة التأمين

[frhateg]

استر يارب

[DR/WAFEK]

سواء التوكيل حرامى او لا بالاسعار ده انا مش عايز اتعامل معاه الا لو مامن وهنا ضروره توفر قطع الغيار برده التوكيل يعنى لو كل القطع ده بره التوكيل اعتقد مش هتزيد عن 5 6 الاف جنيه واحد هيقولى التوكيل حاجته اصليه يا فرحتى ان كل ما حد يحصله حاجه يروح يدفع تلت تمن العربيه

[AHMED1718]

انت اكيد مححكتش ف رصيف اكيد انتا ركبت فوقيه بسرعة علشان يحصل كل ده واكيد مكنش رصيف عادى بس حمدلله على سلامتك اهم حاجة اللى يجي ف الحديد ارحم

[DR/WAFEK]

بجد والله انا زعلان جدا من المبلغ ده مع انى بحب العربيه دى جدا بس افرض واحد خايف من شبهة التامين بجد حاسس ان التوكيل كده ميفكروش صح لما الاسعار دى بدون جمارك طيب لو كانت متجمركه كانت هتزيد 40 فى الميه يعنى 30 الف بدل من 19 انا خلاص قفلت من التوكيل

[amr.elsayed]

اولا قدر الله وما شاء فعل
حضرتك مأمن والتوكيل مع التأمين مش بيصلح حاجة لأ بيغير اى حاجة تقابله لان انت حتدفع جزء بسيط والجزء الكبير يتحمله التأمين
فا بالمرة يرجع العربية زى ما كانت قبل الحادث وحضرتك اكيد حتستفيد لما العربية ترجع كويسة دى عربية زيرو
المبلغ اللى حضرتك سمعته دة رقم مبدأى لسة حيكون فى فصال كتير من قبل شركة التامين
وبالتالى المبلغ اللى حيدفع حيكون اقل من المبلغ دة اللى بالتبعية حيقلل المبلغ اللى حضرتك حتدفعه
وليكن المبلغ اللى حضرتك حتدفعه مبلغ 1600 جنيه اعتقد انها لو وصلت لكدة حيكون مبلغ معقول بالنسبة ان العربية ترجع زى الاول
...............................
عشان نعرف التوكيل استغل حد او لا .. لازم يكون مش مامن وبيتعامل مع مالك السيارة
لكن ما ينفعش نقارن اسعار التوكيل وهو بيتعامل مع كيان زى شركة تامين ولا ايه

[Col. Eng. Khaled]

سواء التوكيل حرامى او لا بالاسعار ده انا مش عايز اتعامل معاه الا لو مامن وهنا ضروره توفر قطع الغيار برده التوكيل يعنى لو كل القطع ده بره التوكيل اعتقد مش هتزيد عن 5 6 الاف جنيه واحد هيقولى التوكيل حاجته اصليه يا فرحتى ان كل ما حد يحصله حاجه يروح يدفع تلت تمن العربيه

ما تآخذنيش في الكلمة ، كان حق حضرتك تستنى و تشتري العربية بعد إنتشار قطع

الغيار برّا التوكيل بالصورة إللي حضرتك شايفها .

بجد والله انا زعلان جدا من المبلغ ده مع انى بحب العربيه دى جدا بس افرض واحد خايف من شبهة التامين بجد حاسس ان التوكيل كده ميفكروش صح لما الاسعار دى بدون جمارك طيب لو كانت متجمركه كانت هتزيد 40 فى الميه يعنى 30 الف بدل من 19 انا خلاص قفلت من التوكيل

الأجزاء إللي بدون جمرك هي الأجزاء المصنعة في المغرب مش إللي جاية من فرنسا

و مجمعة في المغرب ، بالنسبة لي مش شايف أي حاجة حضرتك ناقلها لنا من

المقايسة ممكن تكون صناعة مغربية .

[mohamed1979]

على فكره يا جماعه اى توكيل فى الدنيا حيعمل نفس الكلام الى عمله توكيل رينو
مثال : تويوتا كرولا عمات حادثه وودتها التوكيل كان المقايسه ب 40000 الف منهم 12000الف للأيرباج
سكودا اوكتافيا a5 كانت المقايسه ب 111000 الف مع ان العربيه نزلت فى ترعه و الأيرباج مفتحش و الى كان بايظ رفرفين و الفوانيس والأكصدام مشروخ بس كان عامل حسابه انه يغير الموتور و الفتيس و دول لوحدهم ب 90000 الف
التوكيل يا جماعه زى ما حد من الأعضاء بيقول شك فى قطعه غيار بنسبه 10% بيغيرها و طبعا اسعار التوكيل فى قطع الغيار بتبقى اغلى من بره ده غير الضرايب والمصنعيات فلازم تلاقو ارقام فلكيه كتير من الناس حترفضها
فيار ريت يا جماعه مش كل حد يحصل معاه اى حاجه فى العربيه يبقى العربيه وحشه و توكيلها سيئ ونكره اليوم الى جبنا فيه العربيه زى مثلا موضوع الكاتلوجات الى مجتش مع العربيه شتمنا فى التوكيل و بعدين لما وجدنا المشكله اتحلت شكرنا فى التوكيل يا ريتبلاش الحكم من موقف واحد او مشكله بسيه بصو لنص الكبايع=ه الملايان بلاش الفاضى على طول
لانك ممكن متكنش بترعف تسوق اصلا و بتشتم فى العربيه زى ناس كتير اوى اعرفها و تطلعلها مشاكل الدنيا و الأخرى حتى لو ركب مرسيدس ولا بى ام
وربنا يباركلنا فى العربيه

[zkralla]

لوجان ايه ياعم اكيد زايودى بيتكلم على عربية ميجان مش لوجان

وبالنسب للاسعار شوف الاوكتافيا ولا الاوبل ولا حتا اللانسر وهما يعتبرو نفس الفئات تقريبا وفرق بين الاسعار

نورت المنتدى

على فكره يا جماعه اى توكيل فى الدنيا حيعمل نفس الكلام الى عمله توكيل رينو
مثال : تويوتا كرولا عمات حادثه وودتها التوكيل كان المقايسه ب 40000 الف منهم 12000الف للأيرباج
سكودا اوكتافيا a5 كانت المقايسه ب 111000 الف مع ان العربيه نزلت فى ترعه و الأيرباج مفتحش و الى كان بايظ رفرفين و الفوانيس والأكصدام مشروخ بس كان عامل حسابه انه يغير الموتور و الفتيس و دول لوحدهم ب 90000 الف
التوكيل يا جماعه زى ما حد من الأعضاء بيقول شك فى قطعه غيار بنسبه 10% بيغيرها و طبعا اسعار التوكيل فى قطع الغيار بتبقى اغلى من بره ده غير الضرايب والمصنعيات فلازم تلاقو ارقام فلكيه كتير من الناس حترفضها
فيار ريت يا جماعه مش كل حد يحصل معاه اى حاجه فى العربيه يبقى العربيه وحشه و توكيلها سيئ ونكره اليوم الى جبنا فيه العربيه زى مثلا موضوع الكاتلوجات الى مجتش مع العربيه شتمنا فى التوكيل و بعدين لما وجدنا المشكله اتحلت شكرنا فى التوكيل يا ريتبلاش الحكم من موقف واحد او مشكله بسيه بصو لنص الكبايع=ه الملايان بلاش الفاضى على طول
لانك ممكن متكنش بترعف تسوق اصلا و بتشتم فى العربيه زى ناس كتير اوى اعرفها و تطلعلها مشاكل الدنيا و الأخرى حتى لو ركب مرسيدس ولا بى ام
وربنا يباركلنا فى العربيه

+1
واحد صاحبى دخل فى رصيف بيارس والعربية تقريبا سليمة ما عدا أن الاكصدام الامامى دخل جوه شويه والراديتير والتكييف و المصفحة الى تحت الماتور ( كل ده اتخبط مش اتكسر مثلا ) وطبعا الايرباج فتح
جر العربية على التوكيل وعملوا مقايسه طلت 73 الف جنيه طبعا شركة التأمين قررت التكهين ورفضت الاصلاح مع اعطاؤه مبلغ 65000 وحصولهم على العربية المكهنة

قالهم ادونى 40000 والعربية وأنا اصلح بره راحو وافقوا على 30000
المهم خد العربية ورجعها زى الاول - ما عدا الايرباج - واتكلف 15000

عاوز اقول أن التكلفة فى التوكيل كانت 73000
التكلفة برده كانت 15000 جنيه رغم أن حاجة اليارس مش منتشرة بره التوكيل قوى هو ده نظام التوكيل لو حاجة فيها هفوه صغير لازم تتغير والاسعار اكيد مرتفعة عن بره وضمان سنة على كل قطع الغيار وعلى فكرة توكيل تويوتا من التوكيلات المحترمة فى مصر

[DR/WAFEK]

ما تآخذنيش في الكلمة ، كان حق حضرتك تستنى و تشتري العربية بعد إنتشار قطع

الغيار برّا التوكيل بالصورة إللي حضرتك شايفها .


.

والله عندك حق بص انا مضطر اامن لمده سنتين كده لحد ما قطع الغيار تنتشر لما اشتريت العربيه السواق اللى كان موصلنى للمعرض قالى اوعى تفكر تصلح فى التوكيل هو يقصد طبعا اى توكيل لانهم بيضربوا سعر الحاجه مرتين على الاقل وفعلا دا اللى انا شايفه ل>لك نفسى تنتشر وانا مش داخل التوكيل غير للصيانه الدوريه فقط

[llottfy]

حمد لله على سلامتك اهم حاجه........قول الحمد لله انه جت على اد كده .وماتزعلش

[Ahmed Selim]

أولاً حمداً لله على سلامتك

ثانياً أنا شايف أن قطع الغيار اللى أنت كاتبها تقريباً هى العفشة الأمامية........يعنى المبلغ ده فى توكيل مش كبير قوى خصوصاً أنهم قبل المقايسة أكيد سألوك مأمن ولا لأ

لو مكنتش مأمن كانت القطع هتقل شوية لو ينفع

الوضع الحالى اللى هيحصل فيه كالأتى

مندوب التأمين هيجى و يعاين و لو فى حاجة شايف أنها مش لازم تتغير هيقولهم عليها......و بعد لما يتفقوا على القطع اللى هتتغير هيبدأو رحلة الفصال........بدون مبالغة ممكن تلاقى ال 19 ألف بقو 16 أو 15 كمان.

أنا مرة كنت خبطت كلب و الأكصدام الأمامى أتكسر بس كان ممكن يتلحم......رحت التوكيل ( فرع أسكندرية و معرفش حد هناك خالص ) الراجل سألنى مأمن.....قولتله أيوة قالى خلاص هنغير......سألته لو مكنتش مأمن كنت هتعمل أيه؟؟؟ قالى كنا هنصلحة بس شكلة مش هيبقى حلو.

أتمنى تكون الفكرة وصلت.