أسعار و مواصفات رينو فلونس 2010 - ميجان iii سيدان

[kikooooo]

طب قطع الغيار تتوقعو كدا هيبقى اخبارها ايه؟؟فى نفس مستوى العربيات اللى فى فئتها زى الكروز والتويوتا؟او حتى زى الميجان القديمة
واستهلاك البنزين هيبقى كتير ولا قليل على حجمها دا..هما قالولى انها تقريبا 280 كيلو لل 20 لتر
انا سمعت انها نازلة كعربية اقتصادية لمتوسطى الدخل :)
انا برضه شفتها امبارح وعجبتنى جدااا..وعاوز اروح احجزها..بس لسه مقلق حبتين وخايف اغامر..
وحاولت اعرف معلومات عنها منهم ..بس لسه هما مايعرفوش حاجة عنها ..كل اللى قالوه ان قطع غيار الرينو عامة هيرخص..وهتبقى ارخص كمان من كل العربيات اللى فى فئتها..ياااارب

[Sbadry]

حد يا جماعه لاحظ ان الرفارف صاج وليست فبر؟؟
برضه مش متأكد من الميجان هل التصفيح اللى أسفل الكارتيره معدن زى الفلونس
و على فكره، أول فئه أوتوماتيك فيها ستائر أبواب خلفيه و زجاج خلفى بس الأعلى مفيهاش ربما على أساس وجود فتحات تكييف خلفيه.
أن شاء الله هأحجز بس كنت عايز أعرف اذا كان نازل منها خليجى؟؟

[mohaismail]

طب ممكن نعرف اسعار الميجان هاتشباك الجديدة

[badran]

طب ممكن نعرف اسعار الميجان هاتشباك الجديدة

وياريت صور ليها. العربية ماخدتش تغطية كفاية خالص .

[ehab49]

مشكور جدا علي المعلومات من تجهيزات السيارة واسعار

[kikooooo]

طب ممكن نعرف اسعار الميجان هاتشباك الجديدة

نازل منها تلات موديلات بـ 128 و 138 و 144
هى بالظبط زى الفلوينس من حيث الاوبشنز والتابلوه..بس الموديل اللى فيه 6 ايرباج مش موجود

[TAMER2020]

الميجان الهاتشباك أحلى بكتييييييييييييييييييير

[ilavm]

هي الميجان الهاتش باك شكلها حلو جدا
بس بصراحة اشك في الأسعار دي
بيتهيألي قطع الغيار عالية زي عادة الرينو

[amrsabet]

النهاردة كنت فى المعرض وكان لى حوارامتد لاكثر من ساعة فى المعرض مع شريف العالم مدير التسويق فى رينو واكد لى ان الموتور اللى موجود فى الفلوانس والميجان الهاتش باك موتور جديد وبعض

وبعض امكانياته كالتالى :
- الموتور فى الفئات الاتوماتيك 105 حصان عند 6000 لفة
- العزم 142 نيوتن وليس 151 كما هو موضح على الموقع الرسمى لرينو فى تركيا عند 4250 لفة
- التسارع من 0-100 فى 13.9 ثانية
- اقصى سرعة 180 كم فى الساعة
- استهلاك الوقود داخل اليلد 10.1 لتر/ 100 كم
- استهلاك الوقود خارج البلد 6.2 لتر / 100 كم

[egytamer]

الصراحة العربيتين روعة شكل وخامات وتقفيل انا انهردا كنت في المعرض وشفتهم بجد تحفة واستغربت لما عرفت الاسعار كنت متخيل اكتر من كدا بكتير بجد الاسعار ممتازة

[د.محمود صلاح]

تركى ولا فرنسى ؟

[amrsabet]

العربيتين تركى وليس فرنسى لكن الفلوانس قاعدة عجلاتها اطول من الميجان الهاتشباك

[Ghamrawy]

بس انا كنت قريت ان الموتور يا 99 حصان يا vvt 110 حصان

[badran]

بس انا كنت قريت ان الموتور يا 99 حصان يا vvt 110 حصان

كلام مظبوط هم كده حطوا موتور اضعف من الميجان 2 .

دي مواصفات الموتور القديم

Engine Capacity (CC) 1600 Number of cylinders/Valves 4 Cyl. / 16V Horse Power (bhp) 115 Maximum Torque Nm/RPM 152 / 4200 Top Speed 196 Acceleration 0-100 KPH (Sec.) 10.9 Fuel Consumption (L/100KM) Avarage 6.8

[amrsabet]

الماتور ده 105 حصان والماتور 110 حصان مش هاينزل مصر