ارجوا المساعده من الاعضاء بخصوص الميجان

[Direction]

السلام عليكم .

هذه اول مشاركه لى فى هذا المنتدى واتمنى المساعده منكم انا كنت فى سوق السيارات امس وكان فى نيتى شراء سياره مستعمله فى حدود ال 70 الف جنيه ومكنش فى دماغى الميجان نهائى بصراحه ولكن سبحان الله اول ماشفت الميجان تعلقت بيها جدا ولكن رفض انى اتعاقد فى نفس اليوم وقلت استفسر الاول عن الميجان وشوف اذا كانت تناسبنى ام لا لانى بصارحه مش ناوى اجيب عربيه تطلع عينى من اعطال ومصاريف وطبعا اول حاجه عملتها انى سألت اصحابى ومكانيكيه اعرفهم عن الميجان وبصراحه سمعت كلام زعلنى جدا واكيد انتوا سمعتوا نفس الكلام لان سمعة الميجان فى مصر سيئه جدا وده كان واضح فى السوق.
1- كثرة عدد سيارات الميجان فى السوق بشكل غريب وكأن ملاك الميجان عاوزين يخلصوا منها
2-سعرها الغريب اللى يتراوح من 55 الى 75 حسب الحاله وده مش مناسب ابدا لإمكانيتها ابداااا.
3-حزن الملاك على الخساره (اشترى عربيه سنة 2006 ابيعها بنصف الثمن فى 2010) يعنى مثلا شوفو lancer الكرستاله صاحبها اشتراها ب55الف فى 1999 ويبعها بنفس السعر فى 2010 وعجبى.

....أتمنى المشاركه من الأعضاء اصحاب الميجان وتوضيح هل الذى رايته فى السوق منتطقى وهل سمعة الميجان الموجوده الان بين الناس حقيقيه ولا ده جهل منهم وبجد انا فى حيره شديده ويارب تنصحونى بما يرضى الله وبدون تحيز؟

[ashrfmshrf]

انا شخصيا جربت سيارات كثير وحاليا عندي سيارة دايو لانوس موديل الفين كنت شاريها زيرو ولما فكرت اشتري بجانبها سيارة تانية جديدة زيرو اخترت الميجان واشتريت ميجان زيرو 2010 فول اوبشين اوتوماتيك وبرغم كل السمعة السيئة الي بتتكلم عنها الا اني عملت مقارنة بين كل السيارات الموجودة في السوق لقيت الميجان بتتفوق بانها بتديك مزايا اكتر وشكل مميز مختلف شوية مقابل سعر انا شايف انه معقول
موضوع اعادة البيع ماهمنيش وماهمنيش هاخسر كام لأني مش ناوي ابيعها
ومن يوم ما اشتريتها وانا سعيد بيها جدا وشايف انها سيارة فوق الممتازة
فرايي الشخصي اذا كان قدامك سيارة ميجان حالتها كويسة مستعمله وبسعر زي ما انت بتقول فاشتريها واستمتع بيها
ولكن لو كل افكارك في اعادة البيع واسعار اعادة البيع ففكر في نوع تاني

[Sharky]

حلقات عن الأسباب الحقيقة لسوء سمعة الميــجان

http://www.nilemotors.net/Nile/24062-ii.html

[Direction]

الف شكر ياجماعه على المشاركه وادعولى اجيب الميجان وانضم معاكم فى المنتدى وانشاء الله هكون معاكم خطوه بخطوه وانا بشترى الميجان..

[newuser2009]

وانا كمان محتار اشتري ميجان ولا لأ
كل الناس بتحذرني منها
بس امكانيات كبيره ومتانه و امان و راحه و ثبات وشكل محترم جدا

[Direction]

انا معاك هو شىء محير اعتقد المشكله ان مع كتر الامكنيات مع السينسورز الكتيره الموجوده فى العربيه هيسبب مشاكل كتيره اولا صعوبة معرفة فين المشكله بالظبط لان التكنولوجى الموجوده فيها لحد ما معقده ومفيش حد فاهم فيها ده لحد علمى ممكن يكون فى بس انا معرفش لذلك هتعتمد على التوكيل لو حصل اى مشكله وانت عارف طبعا التوكيل مولع ده لو انت خارج الضمان انا لما شفت اسعار قطع الغيار عرفت الناس خايفه تجيبها ليه اسعار مولعه بس اكيد فى حل تانى غير انى اعتمد على الوكيل ممكن الاعضاء يفيدونا ويقوللنا هل من الممكن انى اصلح العربيه بره التوكيل وفين اماكن الناس الى يقدروا يصلحوا الميجان واماكن قطع الغيار التى تؤدى الغرض وتغنينى عن انى اروح التوكيل لان انا سمعت ان eim بتغير كل ماهو اقل كفائه من 80 % وده غير منطقى فى رأى وياريت اسمع اراء ناس تانيه لان ممكن اكون غلطان.

[Ahmed Selim]

راجعو الموضوع اللى شاركى بعته من أوله لأخره و بعد كده لو عندكوا أسئلة نتكلم فيها.

سريعاً كده.....الميجان من بعد 2005 تم أصلاح بعض العيوب اللى كانت فيها و فى ناس غير التوكيل بتشتغل فيها و فاهميين كويس و أسعار قطع غيارها برة التوكيل معقولة جداً.

ملحوظة أخيرة : أى توكيل غير eim هيعمل اللى بيعمله eim فى موضوع قطع الغيار............انت بتبقى رايح تشتكى من عيب معين و هو بيقولك على العيب جاى من أيه......تصليح القطعة المعيبة دى مش من ثقافة التوكيلات عموماً.

[newuser2009]

راجعو الموضوع اللى شاركى بعته من أوله لأخره و بعد كده لو عندكوا أسئلة نتكلم فيها.

سريعاً كده.....الميجان من بعد 2005 تم أصلاح بعض العيوب اللى كانت فيها و فى ناس غير التوكيل بتشتغل فيها و فاهميين كويس و أسعار قطع غيارها برة التوكيل معقولة جداً.

ملحوظة أخيرة : أى توكيل غير eim هيعمل اللى بيعمله eim فى موضوع قطع الغيار............انت بتبقى رايح تشتكى من عيب معين و هو بيقولك على العيب جاى من أيه......تصليح القطعة المعيبة دى مش من ثقافة التوكيلات عموماً.

يعني قصدك ان موديل 2005 معيوب و ما بعده سليم ؟ لان المبلغ اللى معايا يجيب 2005
(من 60 الى 65)
الحقيقه انا قريت كتير من المواضيع اللى في اللينك و لسه محتار اجيب عربيه جباره زي دي و بالامكانيات و الامان ده و في احتمال انها تتعبني في قطع الغيار و الاعطال الكتير و خصوصا انا ماليش صبر على التصليح و الميكانيكيه و كده
ولا اجيب عربيه ورق مفيهاش اي امكانيات بس قطع غيارها متوفره ومشاكلها قليله لان مفيهاش حاجه اساسا ممكن تعطل يعني ماتور و اربع عجلات و شويه كماليات

و تستمر الحيره

[د.محمود صلاح]

توكل على الله حضرك من سكان القاهرة فماعندكش مشكلة عويصة

[Sharky]

كان فيه بعض سيارات فى 2005 كان فيها مشاكل
مثل :
1- البطارية
2- علبة الدريكسيون
3- الكويلات
4- الفتيس

لو كانت السيارات دى كانت بتعمل صيانة دورية فى التوكيل حتلاقى كل المشاكل دى أتحلت فى الضمان بدون مقابل

يعنى لو لقيت موديل 2005 عامل كل صيانته الدورية فى التوكيل أو مراكز الصيانة المعتمدة للتوكيل يبقى توكل على الله لإن حتلاقى كل العيوب اللى ظهرت اتحلت خلاص

[Direction]

طب ياريت اعرف رايكم اذا كنت اشترى الميجان مستعمله موديل 2005 او 2006 ولا اللوجان 2010 زيرو لان هم تقريبا نفس الرينج.
انا عارف انو سؤال غريب بس انا محتار جدا الصراحه

[Ahmed Selim]

يعني قصدك ان موديل 2005 معيوب و ما بعده سليم ؟ لان المبلغ اللى معايا يجيب 2005
(من 60 الى 65)
الحقيقه انا قريت كتير من المواضيع اللى في اللينك و لسه محتار اجيب عربيه جباره زي دي و بالامكانيات و الامان ده و في احتمال انها تتعبني في قطع الغيار و الاعطال الكتير و خصوصا انا ماليش صبر على التصليح و الميكانيكيه و كده
ولا اجيب عربيه ورق مفيهاش اي امكانيات بس قطع غيارها متوفره ومشاكلها قليله لان مفيهاش حاجه اساسا ممكن تعطل يعني ماتور و اربع عجلات و شويه كماليات

و تستمر الحيره :u_thin1[1]:

موديل 2005 كان فيه بعض العربيات اللى فيها عيوب صناعة و اللى متابع صيانته مع التوكيل هتلاقى مشاكله أتحلت فى الضمان زى ما شاركى قال.

أسعار قطع الغيار و الصيانة فى الموضوع اللى شاركى بعته قبل كده سواء برة التوكيل أو فى التوكيل..............لو الأسعار غالية عليك يبقى بلاش العربية دى.

و خللى بالك........السعر القليل فى 90% من الحالات بيعكس حالة سيئة للعربية

يعنى أنا واحد من الناس معايا 2005 و العربية ماشية 108 ألف لحد دلوقتى و لو فكرت أبيع مش هطلب أقل من 75 ألف و حالة العربية تحكم ( أنا مش بفكر أبيع )

طب ياريت اعرف رايكم اذا كنت اشترى الميجان مستعمله موديل 2005 او 2006 ولا اللوجان 2010 زيرو لان هم تقريبا نفس الرينج.
انا عارف انو سؤال غريب بس انا محتار جدا الصراحه

الوحيد اللى يقدر يجاوب على السؤال ده هو أنت

هل تقدر أنك تعمل صيانة للميجان لو أحتاجت حاجة ؟؟؟؟؟

المقدرة هنا مش معناها فلوس بس.........وقت كمان.

لو متقدرش يبقى توكل على الله و جيب لوجان.


و لازم الكشف فى التوكيل لو ناويين على ميجان مستعملة.

[newuser2009]

موديل 2005 كان فيه بعض العربيات اللى فيها عيوب صناعة و اللى متابع صيانته مع التوكيل هتلاقى مشاكله أتحلت فى الضمان زى ما شاركى قال.

أسعار قطع الغيار و الصيانة فى الموضوع اللى شاركى بعته قبل كده سواء برة التوكيل أو فى التوكيل..............لو الأسعار غالية عليك يبقى بلاش العربية دى.

و خللى بالك........السعر القليل فى 90% من الحالات بيعكس حالة سيئة للعربية

يعنى أنا واحد من الناس معايا 2005 و العربية ماشية 108 ألف لحد دلوقتى و لو فكرت أبيع مش هطلب أقل من 75 ألف و حالة العربية تحكم ( أنا مش بفكر أبيع )

قصدك ان سعر العربيه كده قليل ؟
انا شايف كل موديلات 2005 بالسعر ده !!
و ال 2006 من 70 الى 75

حضرتك شايف اسعار قطع الغيار معقوله مقارنه بالاسيوي مثلا ولا في فرق كبير؟
انا شفت اسعار الميجان بس مش لاقى اسعار قطع غيار الالنترا مثلا علشان اقارن ما بينهم
يعني لو فرق مش كبير اكيد الافضليه للميجان
و ربنا يرزقنا و نجيب ميجان جديده و ما نتعبش قلبنا

[Ahmed Selim]

قصدك ان سعر العربيه كده قليل ؟
انا شايف كل موديلات 2005 بالسعر ده !!
و ال 2006 من 70 الى 75

حضرتك شايف اسعار قطع الغيار معقوله مقارنه بالاسيوي مثلا ولا في فرق كبير؟
انا شفت اسعار الميجان بس مش لاقى اسعار قطع غيار الالنترا مثلا علشان اقارن ما بينهم
يعني لو فرق مش كبير اكيد الافضليه للميجان
و ربنا يرزقنا و نجيب ميجان جديده و ما نتعبش قلبنا :c_laugh[1]:

قصدى أقولك ان العربية حالة......و ميغركش السعر القليل

من أسبوعين كان فى موضوع الدكتور محمود صلاح عمله عن عربية موديل 2005 و صاحبها بيبيعها ب 51 ألف..........كلمت صاحب الأعلان و طلعت عاملة حادثة و مغيرة نصف خلفى.

و قبلها بكام يوم كان فى واحد عامل أعلان هنا عن عربية موديل 2005 برضه و قال انه نزل السوق بيها ( كانت مانيوال ) و التجار أبتدوا يتلمو عليه و وصلو سعرها ل 67 ألف و ابتدوا يتخاتقو على مين اللى ياخدها و رفعو على بعض مطاوى و صاحب العربية خلع......و العهدة على الراوى.

قطع الغيار للعربيات التانية معنديش معلومات كتير عنها بس ممكن تنزل شارع دمشق أو التوفيقية و تشوف أسعار قطع غيار دى و دى و تقارن.

و ربنا يرزقك و تجيب مرسيدس أو بى أم يا باشا :)