صاعقة من التوكيل وارجو المساعدة

[georgedada82]

حضرتك مامن تبع شركة ايه
ودفعت كام لحد التصليح ما خلص

[georgedada82]

بص حضرتك انا اخدت الكلام من حضرتك وكلمت مدير الصيانة محمد عادل قالي ان مفروض فعلا بيتدفع نص المبلغ قالي بس ممكن العملاء بتوعنا نسمح لهم لحد الربع مقدم عشان يبدوا التصليح
المهم قالي حضرتك كلمني وانا اتابع معاك المهم كلمت بتاع الصيانة قالي مفيش مشكلة طالما هو وافق
دلوقتي عاوز اعرف من حضرتك معلومة حضرتك مامن فين ووقالوا لك هيصرفوا لك كام

[Samah AbdAllah]

سؤال صغير هو التامين مش بيتدخل الا بعد الصيانة ما تخلص ولا المفروض بيتفاوض مع التوكيل قبل البدأ ويستقروا على ايه هيتعمل وبكام؟؟؟؟؟؟؟؟؟؟

[georgedada82]

ايوة ما هو في مفاوضات بس ايه اللي بيجري التوكيل بيقدر حاجات كتير حتي لو فيها نسبة شك بسيطة علي انها بايظة يقوم حاطتها
مثلا هما شاكين في المساعدين الاماميين وعاوزين يكشفوا عليهم يقوم حاطت في المقايسة اتنين مساعدين جداد فهما ماشيين بمبدا احنا نقدر بالاعلي لما العميل تيجي له فاتورة اقل مفيش مشكلة لكن ما ندفعهوش مبلغ اكتر من المقايسة ( لان المقايسة حاجة تقديرية يعني )
بس وبعد المقايسة ما تطلع يروح خبير التامين يعاين ويناقش المقايسة وبعد كده تبدا التصليحات وتنتهي وييجي يعاين تاني بعد التصليح وياخد الفاتورة ويسلمها للشركة وبعدين الشركة تصرف التعويض
وفي الحالة دي في حلين اما الواحد ما يتسلمش العربية ويسيبها في التوكيل لحد ما التعويض يتصرف ويدفع للتوكيل
او يدفع هو في التوكيل من فلوسه ويستلم العربية ويمشي وبعد كده يتعامل مع التامين
بس كده

[zaiody]

انا مأمن عند مصر للتامين
وانا مدفعتش حاجة تحت الحساب زي ما قلتلك
بدأو الشغل وبعدين دفعت لما استلمت
عموما هو التوكيل مش حيسرقك حتى لو دفعت مقدم كون مطمن من الحكاية دي
مقلتليش اديها كام للموظفة اللي في شركة التامين؟

[georgedada82]

معرفش صدقني انا عندي الناس عرضت عليهم حتي اوصلهم لحد التوكيل بعربية صاحبي عشان يعملوا المعاينة الراجل المهندس رفض اصلا اني اوصله بس دي ست بجحة جدا بجد بس علي فكرة الورق بيها او من غيرها هيمشي يعني