سؤال لوحوش الميجان

[mohamed1992]

السلام عليكم :- ازيكوا يا وحوش
انا كنت عامل موضوع في قسم المقارنات بين اليارس و الميجان و معايا 75 الف جنية
و في بعض الاعضاء نصحوني ب اليارس و البعض الأخر نصحوني ب الميجان
و انا طبعا عجباني الميجان أكتر عشان الأمان و الكماليات و كدة فكنت عاوز اعرف
1- ايه سعر ميجان من مو 2006 الي مو 2007 لاتزيد عدد الكيلوهات عن 50الف كيلو تعملها كام جنية
2- ايه اخبار قطع الغيار خارج التوكيل عشان بسمع ان قطع غيار الميجان في التوكيل غالية جدا
3- ايه هي مشاكل اليجان
وشكرا مقدما

[احمد عبدالله]

أنا ركبت الإتنين و شهادة أحاسب عليها إن الميجان أحسن من اليارس بكتير في كل حاجة ما عدا التكييف بفرق بسيط لصالح اليارس و أنا راكب ميجان بقالي فترة كبيرة مشفتش منها أي حاجة وحشة و كل إصحابي بيحبوها جدا و في السفر بيتخانقوا على الركوب معايا و بعدين برستيجها عالي أوي بالنسبة لسعرها و إمكانيات و ثبات و أمان ماتحلمش ب أكثر من كده
بالنسبة لسؤال حضرتك عن السعر فهو هيبقى في حدود المبلغ اللي معاك معتقدش إنه هيزيد ده لو سيدان كامله مش إكستريم أو هاتشباك من غير بانوراما
أما عن قطع الغيار إنزل نزله واحده الحرفيين أو التوفيقية و انت هتتطمن على الآخر
الميجان مشكلتها زي مشكلة أي عربية عايزة إحترام في المعاملة و صيانة دورية غير كده هي قمة في الإعتمادية و عمرها ما هتزعلك

[modybasha]

بص يا باشا :
لو معاك فلوس تعمل صيانة وكل شوية رايح التوكيل جى من التوكيل واجازتك ضايعة علشان الباشا مع العربية لان التوكيل جمعة وسبت اجازة وتبقى باشا ومعاك كل الكماليات .... هات ميجان
ولو عايز يبقى معاك فلوس وتوفر كتييييييييييييييييييييييييييير وتبقى بيه مش باشا هات اليارس
والعربية موديل 2006 من 60 الى 65 لو نظيفة
2007 ب70 الى 75 لو نظيفة
انا كنت بيه ومعايا فلوس دلوقتى باشا وشحات لان التوكيل كل شهر تقريبا 1000 جنيه
الرينو ميجان حلوة جدا بس صيانتها على 60 الف
وكل حاجة بتتغير بسعر كبير من 1000 وانت طالع
الياريس صيانتها على 120 الف وما بتتغيرش لانه هو سير تكييف ودينمو وشكرا
اللهم بلغت اللهم فاشهد

[د.محمود صلاح]

عايزة اهتمام بالصيانة الدورية وهتعيش معاك كويس

[romeo_6887]

اللي اعرفه انك مع الميجان
لازم تتابع الصيانه في التوكيل
اي حد هيشتغلك في العربيه
هيعكلك الدنيا في العربيه

[yalahwy2010]

الياريس حلوة لما تحب تبيعها قدام
الميجان كعربية ليك...وتبقى بتاعتك...طول ما هى ماشية معاك كويسة من غير أى مشاكل هتحبها أكتر من الياريس.....
اليابانى معروف انه بيعيش.....دا لو انت شارى العربية لتجارة أو بتفكر تبيعها وتكسب فيها كمان..او ما تخسرش كتير
لكن العربية كركوبة...ألميجان تكسب بجدارة..زلكن احنا هنا فى مصر السوق هو اللى بيحكمك
انا كنت شارى ميجان 2005 من سنة تقريبا
كنت شاريها ب 73000......سيدان....نظيفة....رشة اكصدام ورفرف....وصيانات فى التوكيل
انا لو حبيت أبيعها دلوقتى مش هتجيب أكتر من 60000.....وهدوخ لو لقيت مشترى
الياريس لو فكرت تبيعها هتبيعها بسعر أكبر ....ومش هتخسر فيها كتير
لكن لو انت بتفكر تشترى وهتبيع بعد سنتين تلاتة....خليك فى الياريس
لو ناوى تشترى والعربية تفضل معاك 5 او 6 سنين.....يبقى الميجان تكسب
والسوق هو السبب فى رخص الميجان المستعمل....دا مش عيب فى العربية
العربية قطع غيارها متوفرة برة التوكيل....وأرخص بكتير....وشغاال زى الفل
وربنا يوفقك.....

[Ahmed Selim]

بص يا باشا :
لو معاك فلوس تعمل صيانة وكل شوية رايح التوكيل جى من التوكيل واجازتك ضايعة علشان الباشا مع العربية لان التوكيل جمعة وسبت اجازة وتبقى باشا ومعاك كل الكماليات .... هات ميجان
ولو عايز يبقى معاك فلوس وتوفر كتييييييييييييييييييييييييييير وتبقى بيه مش باشا هات اليارس
والعربية موديل 2006 من 60 الى 65 لو نظيفة
2007 ب70 الى 75 لو نظيفة
انا كنت بيه ومعايا فلوس دلوقتى باشا وشحات لان التوكيل كل شهر تقريبا 1000 جنيه
الرينو ميجان حلوة جدا بس صيانتها على 60 الف
وكل حاجة بتتغير بسعر كبير من 1000 وانت طالع
الياريس صيانتها على 120 الف وما بتتغيرش لانه هو سير تكييف ودينمو وشكرا
اللهم بلغت اللهم فاشهد

أعذرنى يا باشا بس كلامك مش مظبوط

التوكيل فاتح جمعة و سبت للصيانات الدورية فقط
موديل 2006 لو حالة نضيفة و مش عاملة حوادث مش أقل من 75 ألف و خصوصاُ لو كم قليل
السوق فى أسعار أقل أينعم بس حالات طين للأسف.

أسعار قطع الغيار و الصيانة برة التوكيل معقولة جداً و مش محتاج التوكيل تقريباً فى أى حاجة.

أخر نقطة بتاهة صيانة ال 60 ألف دى..........الصيانة دى بيتغير فيها الحاجات المعتادة و معاهم طقم الكاتينة......فكرة أن الياريس بيتغير فيها الكاتينة على 120 ألف دى جديدة عليا

اللى أعرفه أنها بتتغير على 85 ألف كم...........من الموضوع ده

http://www.nilemotors.net/Nile/6932-a.html

و صيانة ال 85 ألف ب 1800 جم فى الياريس و صيانة ال 60 ألف ب 2250 جم فى الميجان.

[Ahmed Selim]

انا لو حبيت أبيعها دلوقتى مش هتجيب أكتر من 60000.....وهدوخ لو لقيت مشترى

تجيب أكتر طبعاً و لو عاوز تبيع تعالى سوق الجمعة هتخلصها فى يوميها بس متدقش فى السعر كتير عشان هياخدها منك تجار.

أنا ساكن جنب السوق و لما بعدى يوم الجمعة التجار بيوقفونى عشان يشترو.....الكلام ده مكنش بيحصل من سنة فاتت.

و لسه واحد كان عامل أعلان عن ميجان 2005 مانيوال فى المنتدى قال أنه نزل بيها السوق أول كلام سمعه كان 58 ألف جم.....لما وقف و التجار أبتدو يتلمو حوالين العربية و صلوا السعر ل 67 ألف جم و كانو بيتخانقو مين اللى ياخدها.

[zkralla]

بص يا باشا :
لو معاك فلوس تعمل صيانة وكل شوية رايح التوكيل جى من التوكيل واجازتك ضايعة علشان الباشا مع العربية لان التوكيل جمعة وسبت اجازة وتبقى باشا ومعاك كل الكماليات .... هات ميجان
ولو عايز يبقى معاك فلوس وتوفر كتييييييييييييييييييييييييييير وتبقى بيه مش باشا هات اليارس
والعربية موديل 2006 من 60 الى 65 لو نظيفة
2007 ب70 الى 75 لو نظيفة
انا كنت بيه ومعايا فلوس دلوقتى باشا وشحات لان التوكيل كل شهر تقريبا 1000 جنيه
الرينو ميجان حلوة جدا بس صيانتها على 60 الف
وكل حاجة بتتغير بسعر كبير من 1000 وانت طالع
الياريس صيانتها على 120 الف وما بتتغيرش لانه هو سير تكييف ودينمو وشكرا
اللهم بلغت اللهم فاشهد

أنا شايف حضرتك بتبالغ على الناحيتين يعنى لا اليارس بياعه قوى كده ولا الميجان تقيله قوى كده الميجان دلوقتى منتشره جدا فى فئة عربيات هى فى الاساس لا تمتع بانتشار كبير زى اللوجان والفيرنا واللانوس

أنا شايف الميجان - بصفه عامة - عربية حلوه قوى واول عربية رينو تعمل انتشار جامد فى فئة عربيات مش منتشره اصلا ( هى الى فتحت الباب ثم واللوجان وراها )

وبعدين حضرتك بتصرف على العربية 12 الف جنيه كل سنه بتغير أيه ولو بتغير يبقى ليه حضرتك بتروح التوكيل طب ما تخلى التوكيل للحاجات الحساسه مش قطع الغيار الخارجيه

[mohamed1992]

شكرا جدا ليكوا بس انا كنت عاز اسأل علي حاجة هو ليه كل الي بيجيب الميجان بيكون عامل كيلوهات لا تقل عن 50الف كيلو و كنت عاوز اعرف العربية بتفتح بوقها بعد كام كيلو