العدادات هتجننننننني

[bebo_bebo]

سلم عليكو د أول مشاركة ليا ف قسم رينو أنا معايا عربية رنو ميجان موديل 2000 وكان عندي شوية مشاكل ف الكهربا مش عرف د ممكن تكون إيه وديتها لكذا كهربائي والفتي شغاال شغاال حتى التوكيل اللي على سبب ومتلعش هو معلش طولت ف الموضوع المهم أنا عندي والعربية باردة يعني لم بدورها الصبح العدادات كلها بتعد تعمل ريستارت يعني بتبئة شغالة والربم شغال والبنزين والحرارة وحب فجأة تؤم فاصلة ومشتغلة تاني والعدادات التربتيك وإستهلاك البنزين وكدة كلو بيرجع زيرو تاني وتشتغل وبعد كدة مفيش سنيتن وتؤم عملة ريستارت تاني طول مل عربية باردة وساعة بتعملها والعربية سخنة بس طبعاً مش بنفس المعدل غير كدة بتعمل صوت شرارة كهربا ف السماعات لما بتعمل كدة بس برد مش ديماً فن مش عرف د ممكن يكون إيه شورو علي يا أعضاء المنتدى

[romeo_6887]

روح لكهربائي بيفهم
ممكن تكون في سلك عايز يتغير
ان شاء الله بسيطه

[ashrafsadany]

فى كهربائى وحش فى الرينو تبع ورشة فى محطة التعاون فى فيصل وهوا عبقرى بشهادة التوكيل اسمو تقريبأ مصطفى انا معايا نمرة الميكانيكى الى شغال فى الورشة وليس الكهربائى واسمو عبدة ممكن ارسلهالك لو تحب

[cementman]

اخر مرة غيرت البطارية امتى ؟؟؟

[bebo_bebo]

من حوالي شهر والعدادات بتعمل كدة من أبل وبعد مغايرة البطارية

[cementman]

الأحتمال الأقرب كابل البطارية يحتاج لتغيير أو صنفرة

[bebo_bebo]

أنهي قبل فيهم ؟ ومش ممكن تكون مثلاً كتوت دينامو مثلاً أو كويل بايز أنا مش عرف أنت اه رأيك؟

[cementman]

ممكن يكون حاجات كتير بس احنا ناخد الحكاية واحدة و احدة و نبتدى بالأسهل يعنى ممكن تبتدى بانك تشوف نهايات الكبلات اذا كان فيها حاجة مصدية و تجيب حاجة اسمها wd-40
و ترشها على الأجزاء المعرضة للصدأ

[cementman]

كمان ممكن تراجع على الصواميل اذا كانت مربوطة لاحكام
و حاول تفتكر مثلا أول مرة حصلت المشكلة دى ياترى كنت عامل أى شغل فى العربية قبلها؟؟؟

[Mohd_Adel_Amin]

كمان ممكن تراجع على الصواميل اذا كانت مربوطة لاحكام
و حاول تفتكر مثلا أول مرة حصلت المشكلة دى ياترى كنت عامل أى شغل فى العربية قبلها؟؟؟

انا كان حصل معايا موقف مشابه وفعلا اتضح ان الكابل مش مربوط كويس لأني كنت فكيت البطارية اثناء شغل كهرباء في العربية , ممكن حضرتك تشيك على الكابلات ..

[bebo_bebo]

انا كان حصل معايا موقف مشابه وفعلا اتضح ان الكابل مش مربوط كويس لأني كنت فكيت البطارية اثناء شغل كهرباء في العربية , ممكن حضرتك تشيك على الكابلات ..

أنهي كابلات بظبط؟

[Mohd_Adel_Amin]

أنهي كابلات بظبط؟

الكابلين المتوصلين بالبطارية

[hishamsabry]

أنا مندهش بجد يا جماعة أنكم قدرتوا تفهموا كلام الراجل و كمان تردوا علية
و اضح أنى أنا اللى مش بفهم بسرعة أنا طلع عينى و أنا بحاو ل أفهم الراجل عاوز أية واضح ان العربى أتغير أو أنا اللى مش بفهم فارسى كويس

[cementman]

للأسف الناس أصبحت تجهل قواعد الكتابة والاملاء

[bebo_bebo]

أبل بس متال الناس بتاجهل وكدة أعرف الموقف أنا معنديش كيبورد عربي وباستخدم سايت الالتحويل تاراباً مش غلطتي وبلاش بس تألو جهل والكلام مندة !! لا حول الله يا رب هو أنا أدامك صومالي يعني عشان معرفش الإملاء وكدة د الظروف وشوف اللنك بنفسك !!

ظ…طط±ط± Yamliâ„¢ - ظ„ظˆطط© ط§ظ„ظ…ظپط§طھظٹط ط§ظ„ط¹ط±ط¨ظٹط© ط§ظ„ط°ظƒظٹط©