تقييم متواضع عن اللوجان

[derinyym]

الحمد لله على مااعطى
انا اشتريت اللوجان بعد عناء من التوكيل بسبب تاخر الاستلام بس استلمت العربية وعملت بها الف كيلو لحد دلوقت
بالنسبه لتقييمى للعربية من وجهة نظرى وبدون زعل
-الابواب تقيلة شوية يعنى علشان اشارة وجود باب مفتوح ماتظهرش لازم ترزع الباب
-الغيارات قريبة من بعضها شويه يعنى على سبيل المثال بتاخد التانى على سرعة 20 ك/س عند 2000 ل/د وطبعا مابازودش عن 2000 ل/د علشان العربية بتلين وبتكون السرعة 78 ك/س على الخامس عند 2000 ل/د
-انا شايف ان الفرامل قريبة شوية من دواسة البنزين يعنى كل مادوس الفرامل ادوس بنزين مع الفرامل مع ان رجلى صغيرة مش كبيرة يعنى لازم اسوق وانا لامؤاخذه قالع الجزمة ومش عايز حد يضحك
-لما بادى العربية الغيار الاول احيانا بيكون صعب شويه
- صوت الموتور عالى شويه وهزة الفتيس بس دى حاجات طبيعية
-الباور تقيلة شوية يعنى بتتعب فى السواقة لمسافات طويله
المميزات
الشكل عاجبنى جدا
عالية عن الارض
العفشه كويسه
السحب كويس
استهلاك البنزين كويس
الخلاصة
العربية لو قطع الغيار اتوفرت فى الاقاليم تبقى العربية كويسة جدا وها تكون صفقة ممتازة لاى حد عايز يشترى عربية اقل من 70 الف

[ahmadalsattar]

الحمد لله على مااعطى
انا اشتريت اللوجان بعد عناء من التوكيل بسبب تاخر الاستلام بس استلمت العربية وعملت بها الف كيلو لحد دلوقت
بالنسبه لتقييمى للعربية من وجهة نظرى وبدون زعل
-الابواب تقيلة شوية يعنى علشان اشارة وجود باب مفتوح ماتظهرش لازم ترزع الباب
-الغيارات قريبة من بعضها شويه يعنى على سبيل المثال بتاخد التانى على سرعة 20 ك/س عند 2000 ل/د وطبعا مابازودش عن 2000 ل/د علشان العربية بتلين وبتكون السرعة 78 ك/س على الخامس عند 2000 ل/د
-انا شايف ان الفرامل قريبة شوية من دواسة البنزين يعنى كل مادوس الفرامل ادوس بنزين مع الفرامل مع ان رجلى صغيرة مش كبيرة يعنى لازم اسوق وانا لامؤاخذه قالع الجزمة ومش عايز حد يضحك
-لما بادى العربية الغيار الاول احيانا بيكون صعب شويه
- صوت الموتور عالى شويه وهزة الفتيس بس دى حاجات طبيعية
-الباور تقيلة شوية يعنى بتتعب فى السواقة لمسافات طويله
المميزات
الشكل عاجبنى جدا
عالية عن الارض
العفشه كويسه
السحب كويس
استهلاك البنزين كويس
الخلاصة
العربية لو قطع الغيار اتوفرت فى الاقاليم تبقى العربية كويسة جدا وها تكون صفقة ممتازة لاى حد عايز يشترى عربية اقل من 70 الف

مبروك على السياره ربنا يديلك من خيرها ان شاء الله
الابواب طبيعى لانها لسه جديده
لكن ما معنى الغيارات قريبه من بعض
و هل سحب العربيه مرضى لك و خصوصا لو العربيه فيها ناس كتيير راكبه معاك
مبروك مرة اخرى

[fido2010]

مبروك مليون مبروك علي اللوجان

[derinyym]

معنى الغيارات قريبه يعنى مثلا لو انا عايز سرعة الموتور ماتزيدش عن 2000 ل/د بانقل التانى على 20 ك/س وبعدين انقل التالت على 30 ك/س وبعدين الرابع على 45 ك/س وبعدين الخامس على 60 ك/س وبعدين الاقى سرعة العربية 78 ك/س على الخامس وسرعة الموتور 2000 ل/د
بمعنى ان range بين كل نقلة والتانية صغير

[logan2010]

معنى الغيارات قريبه يعنى مثلا لو انا عايز سرعة الموتور ماتزيدش عن 2000 ل/د بانقل التانى على 20 ك/س وبعدين انقل التالت على 30 ك/س وبعدين الرابع على 45 ك/س وبعدين الخامس على 60 ك/س وبعدين الاقى سرعة العربية 78 ك/س على الخامس وسرعة الموتور 2000 ل/د
بمعنى ان range بين كل نقلة والتانية صغير

و ما العيب فى الموضوع ده بقا التسارع يعنى ؟؟؟؟؟

[frhateg]

1000 مبروك عليك و ربنا يديك خيرها و يكفيك شرها .
البابين اللي وارا ثقال شوية ده بالنسبة لأن استعمالهم قليل شوية . انما ايه رايك في الباب اللي جنبك . بالنسبة للنقل عندك لغاية 3000 rbm ده علشان زي ما انت في التليين . اما بالنسبة لقرب دواسة البنزين و الفرامل فبصراحة انا مش حاسس بالموضوع ده . بالنسبة لصعوبة الغيار الأول فطالما العربية ماشية فهي لا تقبل الغيار الأول و علي فكرة ده في معظم ان لم يكن في كل العربيات . المهم ان انت تكون متمتع بقيادة اللوجان حتلاقي كل اللي انت بتقول عليه طبيعي جدا و الف مبروك عليك مرة ثانية .

[mostafabakry]

اولا مبروك عالعربية و ربنا يبارك لك فيها
انا بصراحة معايا اللوجانmcv و بصراحة ابوابها عمرها ما كانت تقيلة ابدا و بتقفل عادي و بدون ما ترزع الباب و بالعكس تحس ان الباب بيروح لوحده و هو بيقفل بسبب الراع الحديد اللي ماسك الباب و باقل دفعة بتلاقي الباب قفل كويس
ممكن حضرتك تشيك علي الأبواب بنفسك و تنضف الكوالين بتاعتها يمكن فيها تراب و لا حاجة بيحوشها و هي بتقفل

اما موضوع الغيارات انا معاك ان مشوارها مش كبير بس هو ليه انت بتنقل عند 2000 ار بي ام دا قليلة جدا و فعلا متعبة انت لو قريت المانوال بتاع العربية هتلاقه بيقولك انك ماتزودش عن 3500 ار بي ام في اول 1500 كم عشان الموتور لسه جديد
انا عن نفسي كنت بغير عند 2500 ار بي ام و ما كنتش حاسس بمشكلة
اما موضوع الدواسات فأنا كنت راكب بيجو قبل اللوجان و تخيل بقا الوسع اللي في العربيات القديمة دي و لما ركبت اللوجان ماحستش بالفرق الكيبر اللي حضرتك بتقول عليه يعني عمري ما جيت ادوس فرامل رحت دايس بنزين
انا متفق معاك ان صوت الموتور عالي نسبيا بس هتحس بفرق كبير كل ما العربية مشيت يعني انا حاليا عامل 35 الف كم و الصوت ارتاح كتير عن الأول و يمكن انا اتعودت بس لما سألت ناس كانت بتركب معايا و كانت بتركي عربيات مختلفة قالولي ان صوت الموتور مش عالي للدرجة بس هو اعلي من الياباني و قريب جدا من الكوري

هزة الفتيس دي اغلب الناس اتكلم عنها بس بصراحة انا الحمدلله معنديش اي هزة او عضة في الفتيس

عموما حضرتك لسه العربية جديدة و اكيد لسه ما اتعودتش عليها ، مع الوقت هتتعود علي العربية و لو لسه في حاجة متضايقاك اتصل بالتوكيل و شوف ايه هيقلولك عليها

و مرة تاني الف مبروك

[derinyym]

و ما العيب فى الموضوع ده بقا التسارع يعنى ؟؟؟؟؟

العيب ان حضرتك وانت راكب العربية كل شويه تنقل

[derinyym]

اما موضوع الغيارات انا معاك ان مشوارها مش كبير بس هو ليه انت بتنقل عند 2000 ار بي ام دا قليلة جدا و فعلا متعبة انت لو قريت المانوال بتاع العربية هتلاقه بيقولك انك ماتزودش عن 3500 ار بي ام في اول 1500 كم عشان الموتور لسه جديد
انا عن نفسي كنت بغير عند 2500 ار بي ام و ما كنتش حاسس بمشكلة

انا بانقل على 2000 rpm علشان زى ماقلت لحضرتك العربية بتلين ومش عايز اقرص عليها لحد 1000 km وعلى فكرة كانت بتعمل 6L/100km

[hesham_tawfiq]

بص ياباشا
اصبر على عربيتك لحد ماتكمل 3000 كيلو وهتحس بفرق كللى عن اللى انت بتحكيه - فرق للاحسن طبعا - الف مبروك عليك وربنا يباركلك فيها

[amr.elsayed]

بس بردو النقل على 2000 ار بى ام دة قليل جدا
انقل على 3000 افضل .. مش معنى انك تليين العربية انك تحسس عليها
بالعكس خليك طبيعى .. وفى المتوسط يعنى ولا تقرص على الماتور على 4000 ار بى ام خليك اول الف على 3000 ار بى ام و 3500 ار بى ام
على فكرة كل لما بتمشى بالعربية اكتر كل حاجة بتنعم معاك اكتر دة اللى انا حاسيته
الباور بيخف عن الاول والفتيس بيتحسن شوية بشوية
عموما ربنا يباركلك فيها ويكفيكم شرها ويعطيك خيرها والف مبروك

[zkralla]

ال مبروك رينا يديك خيرها ويكفيك شرها

بس ليه تعليق على التقييم الجميل بتاعك

معنى الغيارات قريبه يعنى مثلا لو انا عايز سرعة الموتور ماتزيدش عن 2000 ل/د بانقل التانى على 20 ك/س وبعدين انقل التالت على 30 ك/س وبعدين الرابع على 45 ك/س وبعدين الخامس على 60 ك/س وبعدين الاقى سرعة العربية 78 ك/س على الخامس وسرعة الموتور 2000 ل/د
بمعنى ان range بين كل نقلة والتانية صغير

ده ميزه مش عيب لان العربية ماتورها كويس على وزنها ويدوبك تمشى شويه وتلاقى العربية طلبت الغيار التالى العيب أنه يكون الرنج ده كبير يعنى عكس ما حضرتك بتقول


الابواب تقيله لان وزن الباب نفسه تقيل سنه وديه برضه ميزه


الباور تقيل سنه ده من وجهه نظرى بيدى ثبات اكتر بس فيه ناس بتحب الباور الخفيف

لكن صوت الماتور فعلا عالى شويه خاصتا فى الصباح

[best2010]

ده ميزه مش عيب لان العربية ماتورها كويس على وزنها ويدوبك تمشى شويه وتلاقى العربية طلبت الغيار التالى العيب أنه يكون الرنج ده كبير يعنى عكس ما حضرتك بتقول

مش فاهم وجهة نظر حضرتك .. يا ريت لو توضح اكتر
وانا عن نفسى باتفق مع صاحب الموضوع و مش بحب النقل كل شوية صغيرة ..لان ده بيخلى ايدى على الفتيس دايماً

[meko_s]

هل صوت الموتور مسموع من جوة العربية و انا فاتح الازاز و لا من برة بس

[menocomp]

انا بانقل على 2000 rpm علشان زى ماقلت لحضرتك العربية بتلين ومش عايز اقرص عليها لحد 1000 km وعلى فكرة كانت بتعمل 6L/100km

يعنى حضرتك بتنقل على 2000 rpm والعربية عاملت معاك 6 ليتر /100 كم.
دة كدة يبقى هايل جدا. أنا كنت بنقل على 2.5 أو 3 والعربية بتعمل 8.2 ليتر/100 كم.