مشكلة فى ميجان 2007 !!!!

[WalidAdel]

دلوقتي زي مابعض الاعضاء عارفين اني اشتريت ميجان 2007 اوتو اول فئه
المهم في يوم نازل الصبح كده دورت و سخنت العربيه و مشيت العربيه تقيله اوي اوي و مش عايزه تطلع كانها طالعه علي التالت قولت اجيب الستيب ترونك مش عايز يشتغل كاتب انها علي ال دي المهم العربيه اكتشفت اني حمار و مش فاهم حاجه قامت كتبالي Check Gear Box قولت زي الفل و روحت طالع علي التوكيل عدل بلاشغل بلا قرف اما اشوف المصيبه دي ايه روحت الميكانيكون العرب و دخلت العربيه و بعد الكشف و التمحيص و التدقيق طلعلي تقرير لطيف ظريف خفيف كده ب 12.500 ليه بقي :
تغيير علبة دريكسيون كامله 3400
تغير السلونيت باكيج كله 1200
مقص يمين (العجله اليمين مقلوبه لجوه )
بطاحه يمين
جوز مساعدين (بعد الكشف)
جوز طنابير (حالتهم 50%)
الموتور خشن (مش عارفين لييه)
تغير ترس كده اسمه صعب في وش الموتور (في صوت حشرجه كده من قدام لما الموتور بيبقي سلانسيه)
جوز كاوتش خلفي و امامي (بايظين خالص)

المهم في الحوار اللي دار بيني و بين المهندس اللي جابلي التقرير دا

المهندس :ازاي عربيه عامله كيلوا متر كده و فيها الشغل دا كله يستحيل تكون عامله كده اكيد عامله اكتر
انا : يعني ممكن يكون ملعوب في العداد بتاعها
المهندس : جايز و ليه لأ
انا : طيب وانتوا مش توكيل ولا ايه
المهندس : طبعا توكيل بس العربيه دي اول مره تخش عندنا
دفعت 200 جم و اخت العربيه و مشيت زي الباشا

المهم روحت و قولت لازم اعرف العربيه عامله قد ايه بالظبط دخلت علي المنتدي و اخت نمر التوكيلات كلها و اعرف العربيه عندهم ولا لأ برقم الشاسيه المهم وصلت للاتي العربيه كانت بتعمل صيانه في فرع المقطم و اخر صيانه عملتها 70 الف من 3 شهور تقريبا


اضحك عليا انا بقي في المشوار ده لسنه قدام
و مش عارف اخد حقي ازاي الراجل بتاع المعرض ليه عندي 7 الف جنيه بقيت فلوس العربيه (5 و 2 عموله) و انا كنت موقف كل دا علشان الكارت و سايبه عمال يدور عليه ( لو تفتكروا موضوع الكارت) و بعدين بفكر اعمل محضر اثبات حاله و اروح اجيب ورقه تثبت ان العربيه دي دخلت التوكيل يوم كذا و عملت صيانة ال 70 الف و المعرض باعها علي انها 48 الف و تبقي قضية غش و تدليس و اقفلهم المعرض ان شاء الله و الحمد لله ان الواحد ايده طايله اوي اوي في البلد بنت التيييييييييت دي
ولا حد عنده اقتراحات اخري يشور عليا

و بعدين الحاجات اللي في العربيه دي مالهاش اي حلول غير التغير الجذري و الاسعار دي بره التوكيل كده بردوا ولا ايه

معلش انا عارف اني طولت اوي اوي بس ماليش حد يفيدني في المصيبه دي غيركوا
تقريبا هاشحت قريب

تم تعديل العنوان بواسطتى
مشرف الأوروبى 1

[hossam_elwani]

متزعلش منى انت الى غلطان ايه الى خلاك تتدخل فى الدوامة دى من الاول ليه مكشفتش عليها فى التوكيل قبل ما تخلص فيها؟؟؟

[mostafabakry]

ما تسيبش حقك و اعمل محضر رسمي بالكلام دا او انه يتحمل تكاليف الصيانة
انت بتقول ان التكلفة 13000 و انت ليك 7000 يبقي يتحمل هو ال 6000 الفرق و العربية تتصلح و يا دار ما دخلك شر
لو رفض يبقي عليك و علي القسم و اعمله قضية تزوير و غش و برده ما تدهوش باقي الفلوس

[muradallam]

ما تسيبش حقك و اعمل محضر رسمي بالكلام دا او انه يتحمل تكاليف الصيانة
انت بتقول ان التكلفة 13000 و انت ليك 7000 يبقي يتحمل هو ال 6000 الفرق و العربية تتصلح و يا دار ما دخلك شر
لو رفض يبقي عليك و علي القسم و اعمله قضية تزوير و غش و برده ما تدهوش باقي الفلوس

+1
انا مع الكلام ده

[Ahmed Selim]

أولاً قدر الله و ما شاء فعل

لو تفتكر أول سؤال سألته ليك كان " كشفت عليها فين "


المهم

العلبة فى 50% من العربيات بيقولك عاوزة تتغير.....طالما أنت مش بتسمع صوت تخبيط فى الدركسيون فى النقر الصغيرة أو على شريط مترو يبقى متقلقش و طنش العلبة.

جوز المساعدين و الطنابير و البطاحة ممكن يعملو 2000 جم من برة التوكيل جداد.....و زود كمان 200 جم تيل عشان لازم يتغير مع الطنابير

المقص مش عارف بكام بالظبط برة التوكيل بس أعتقد كبيره أستيراد 500 أو 600 جم.

السولونيد مش عارف أيه ظروفه خالص

الترس اللى فى وش الموتور ده هل هو الديفازر ( أو بعض الصنايعية بيقولو عليه ديفوزر ) ؟؟؟؟ و أيه اللى بيحصل بالظبط ؟

بالنسبة لموضوع المحضر.....هل مثبوت فى العقد أن العربية ماشية 48 ألف كم ؟ غالباً لأ......طيب أيه اللى يثبت للنيابة أنك مش أنت اللى بتدعى عليه عشان ترجع العربية ؟؟؟؟

أنت اللى ممكن تعمله أنك تستنى لما تاخد الكارت و تساومه على المبلغ الباقى خصوصاً لو معهوش ما يثبت أنه ليه عندك فلوس.

ربنا معاك و طمنا عليك.

[Ahmed Selim]

ما تسيبش حقك و اعمل محضر رسمي بالكلام دا او انه يتحمل تكاليف الصيانة
انت بتقول ان التكلفة 13000 و انت ليك 7000 يبقي يتحمل هو ال 6000 الفرق و العربية تتصلح و يا دار ما دخلك شر
لو رفض يبقي عليك و علي القسم و اعمله قضية تزوير و غش و برده ما تدهوش باقي الفلوس

يا باشا مفيش ما يثبت أنه أخد العربية بحالة معينة.....و لاقها فى حالة تانية.

ممكن بكل بساطة يترد عليه كالأتى " و أنا مالى أنت مستلم منى العربية سليمة و باظت منك "

[Ahmad Aboul Fotouh]

قدر الله وماشاء فعل
بص متسيبش حقك.. يا ريت يا جماعه لو حد هنا في المنتدي ليه اي سلطه في البلد يحاول يساعده (ظابط, وكيل نيابه او .....)

[bukla]

ربنا معاك فى انك تقدر ترجع حقك
بس انا ليا استفسار ازاى الحرامى دة عرف يلعب فى العداد و يقلل الكيلومتر مش المسألة المفروض انها متحصلش فى العربيات الجديدة

[WalidAdel]

متزعلش منى انت الى غلطان ايه الى خلاك تتدخل فى الدوامة دى من الاول ليه مكشفتش عليها فى التوكيل قبل ما تخلص فيها؟؟؟

فعلا عندك حق في دا انا اللي استاهل ضرب البراطيش كمان

[WalidAdel]

أولاً قدر الله و ما شاء فعل

لو تفتكر أول سؤال سألته ليك كان " كشفت عليها فين "

فعلا بس انا قولت الراجل ده ثقه يعني و بتعامل معاه من زمان و مش هايغشني في حاجه و العربيه من بره و من جوه باينه اوي انها ليسه جديده يعني مامشيتش كتير دا اللي خلاني ماخدهاش التوكيل اكشف عليها

الترس اللى فى وش الموتور ده هل هو الديفازر ( أو بعض الصنايعية بيقولو عليه ديفوزر ) ؟؟؟؟ و أيه اللى بيحصل بالظبط ؟

تقريبا هو ده و الصبح بسمع صوت شخلله كده او زي مايكون صوت بليه مفروطه حاجه كده

بالنسبة لموضوع المحضر.....هل مثبوت فى العقد أن العربية ماشية 48 ألف كم ؟ غالباً لأ......طيب أيه اللى يثبت للنيابة أنك مش أنت اللى بتدعى عليه عشان ترجع العربية ؟؟؟؟

أنت اللى ممكن تعمله أنك تستنى لما تاخد الكارت و تساومه على المبلغ الباقى خصوصاً لو معهوش ما يثبت أنه ليه عندك فلوس.

فعلا انا ناوي اعمل كده و هو لو غشني في العربيه دي عن قصد مش بعيد يتبلي عليا ان انا اللي نغير العداد مافيش حاجه بعيده دلوقتي عليه

[megane_man]

العربية المفروض لسه في الضمان

[Ahmed Selim]

ربنا معاك فى انك تقدر ترجع حقك
بس انا ليا استفسار ازاى الحرامى دة عرف يلعب فى العداد و يقلل الكيلومتر مش المسألة المفروض انها متحصلش فى العربيات الجديدة

بيغير العداد بواحد أستيراد من الحرفيين

تقريبا هو ده و الصبح بسمع صوت شخلله كده او زي مايكون صوت بليه مفروطه حاجه كده

لو الصوت ده صوت عامل زى حاجة بلاستيك بتتكسر و بيحصل بس الصبح لما لتكون العربية باردة يبقى هو الديفازر.........و ده مينفعش تسكت عليه عشان عواقبه مش ظريفة.
أبعت لطارق human12 هو لسه عامله من شهر أو أيمن momo10000 عشان يدلك على حد تجيب منه الحاجات اللى عاوزها و أهمها الديفازر و يدلك كمان على ميكانيكى كويس يعملهولك

ربنا معاك.

[WalidAdel]

بيغير العداد بواحد أستيراد من الحرفيين



لو الصوت ده صوت عامل زى حاجة بلاستيك بتتكسر و بيحصل بس الصبح لما لتكون العربية باردة يبقى هو الديفازر.........و ده مينفعش تسكت عليه عشان عواقبه مش ظريفة.
أبعت لطارق human12 هو لسه عامله من شهر أو أيمن momo10000 عشان يدلك على حد تجيب منه الحاجات اللى عاوزها و أهمها الديفازر و يدلك كمان على ميكانيكى كويس يعملهولك

ربنا معاك.

حاضر ياباشا ربنا يستر بقي انا ان شاء الله ابعت للاستاذ طارق و اشوف كده
بس اخلص من حوار المعرض ده و بتاع

[frhateg]

[quote=walidadel;3872355136]

و مش عارف اخد حقي ازاي الراجل بتاع المعرض ليه عندي 7 الف جنيه بقيت فلوس العربيه (5 و 2 عموله) و انا كنت موقف كل دا علشان الكارت و سايبه عمال يدور عليه ( لو تفتكروا موضوع الكارت) و بعدين بفكر اعمل محضر اثبات حاله و اروح اجيب ورقه تثبت ان العربيه دي دخلت التوكيل يوم كذا و عملت صيانة ال 70 الف و المعرض باعها علي انها 48 الف و تبقي قضية غش و تدليس و اقفلهم المعرض ان شاء الله و الحمد لله ان الواحد ايده طايله اوي اوي في البلد بنت التيييييييييت دي[/quote]
الله يعوض عليك . اكيد الجماعة بتوع المعارض دول بيبقوا عاملين حسابهم في الظروف دي كويس قوي و واخدين ضماناتهم كمان و انت بتقول انك تعرفه طب لو ما كنتش تعرفه كان عمل معاك ايه و بتقول ايدك طايله اوي اوي طب ورينا ..و بعدين انت داخل المنتدي و سألت المتخصصين و الأستاذ احمد قال لك روح التوكيل . يالله معلهش الواحد مبيتعلمشي ببلاش .

[frhateg]

و المعرض باعها علي انها 48 الف و تبقي قضية غش و تدليس و اقفلهم المعرض ان شاء الله و الحمد لله ان الواحد ايده طايله اوي اوي في البلد بنت التيييييييييت دي
ولا حد عنده اقتراحات اخري يشور عليا

الله يعوض عليك . اكيد الجماعة بتوع المعارض دول بيبقوا عاملين حسابهم في الظروف دي كويس قوي و واخدين ضماناتهم كمان و انت بتقول انك تعرفه طب لو ما كنتش تعرفه كان عمل معاك ايه و بتقول ايدك طايله اوي اوي طب ورينا ..و بعدين انت داخل المنتدي و سألت المتخصصين و الأستاذ احمد قال لك روح التوكيل . يالله معلهش الواحد مبيتعلمشي ببلاش .