مشكلة فى ميجان 2007 !!!!

[refattosa]

ا/ احمد عبد المقصود

سؤال معلش خارج الموضوع و بعد هذن صاحب التوبيك

تقريبا انا عندي موضوع الديفارز دة لاني باسمع صوت رجرجة اول ما بدور و العربية

باردة لمدة ثانية واحدة و بعدين بتروح

هل ممكن التوكيل يعمله علي حسابه لان انا عربيتي لسة داخل الضمان

و شكرا لحضرتك مقدما

[ecybrarian]

ولا يهمك...وماتخليش حد يكرهك في عربيتك..كل إللي انت قولته ده سهل وبسيط بإذن الله زي ما قال لك الزعيم احمد عبد المقصود...اخطر حاجات في الميجان هم الشاسية ودواخل العربية والموتور والفتيس والضفيرة...لو دول فيهم مشاكل ولا حد لعب فيهم يبقى فعلا المشتري لبس العربية..ابدء بالأهم فالمهم وواحدة واحدة وبراحة هاتلاقي معاك عربية محصلتش بإذن الله...دي رينو مش تويوتا :-))))

[Mohamed.Ramah]

قدر الله ماشاء فعل وباذن الله المشكلة تتحل بس متسيبش حقك وروح اعملة فضيحة فى المعرض دة هناك ومتسيبش حققك وحضرتك بتقول ايدك طايلة خلاص استغل النقطة دة علشان تجيب حقك وباذن الله تصلحها وترجع زى الاول واحسن

[Ahmed Selim]

ا/ احمد عبد المقصود

سؤال معلش خارج الموضوع و بعد هذن صاحب التوبيك

تقريبا انا عندي موضوع الديفارز دة لاني باسمع صوت رجرجة اول ما بدور و العربية

باردة لمدة ثانية واحدة و بعدين بتروح

هل ممكن التوكيل يعمله علي حسابه لان انا عربيتي لسة داخل الضمان

و شكرا لحضرتك مقدما

هو الصوت عامل زى صوت بلاستيك بيتكسر تقريباً و الموضوع مفيهوش رجة خالص......عموماً أنت روح التوكيل و قولهم أنا شاكك فى الديفازر بس هيطلبو منك تسيب العربية لتانى يوم عشان يتأكدو أنه هو ( لأن الصوت مش بيطلع غير و العربية باردة تماماً .... يعنى مش أقل من 8 الى 10 ساعات مركونة )

و لو طلع هو بيغيروه على حسابهم طبعاً.

[Ahmed Selim]

حاضر ياباشا ربنا يستر بقي انا ان شاء الله ابعت للاستاذ طارق و اشوف كده
بس اخلص من حوار المعرض ده و بتاع

بس متطولش عشان الموضوع ده مفيهوش تهريج......لو يوم يومين ماشى ..... أكتر من كده لأ

خصوصاً لو الصوت بيظهر كل يوم الصبح مش ساعات أه و ساعات لأ

[meso76]

هوطبعا الموضوع يغيظ بس انا عاوز اقول ان مافيش داعى للزعل اوى (معظم الحاجات المطلوب تغيرها دى حاجات فى العفشة وطبيعى تكون حالتها مش كويسة فى كتير من العربيات فى مصر نظرا للشوارع الجميلة بتاعتنا) من ناحية تانية 70000 كيلو هو مش رقم يخض اوى (انا عربيتى موديل 2006 وعاملة 84000 كيلو)

انا طبعا مش بدافع عن اللى بايع العربية لأن ما ينفعش يتقال عليه غير انه "نصاب"

لكن لو افترضنا حسن النية، ممكن لوحة العدادات الأصلية باظت وصاحبها القديم غيرها بواحدة استيراد
(اعتقد ده السيناريو المنطقى)
افتراض حسن النية لأن مافيش حد عربيته تكون عاملة 70000 كيلو ويغير لوحة العدادت علشان يعملها 48000 كيلو (الفرق مايستاهلش خالص وماعتقدش انه يفرق فى سعر العربية)

[د.محمود صلاح]

قدر الله وما شاء فعل ,, كان يجب أخذ الحيطة والحذر ,, لو قدرت ترجعهاله يكون أفضل الحلول

[llottfy]

قدر الله وماشاء فعل

[WalidAdel]

بس متطولش عشان الموضوع ده مفيهوش تهريج......لو يوم يومين ماشى ..... أكتر من كده لأ

خصوصاً لو الصوت بيظهر كل يوم الصبح مش ساعات أه و ساعات لأ

هو حاليا يوم اه و يومين تلاته لأ انا كده كده ان شاء الله رايح يوم الخميس توكيل المقطم علشان احاول اطلع منهم ورقه تثبت ان العربيه دي ماشيه اكتر من 70 الف و حكاية ان صاحب المعرض ممكن يتبلي عليا و يقول ان انا اللي مغير العداد رديت عليه انهارده لاني كنت قاعد معاهم و قولتلهم انا استلمت العربيه منكوا بعد ما التامين جهه و عاين العربيه قالي اه قوتلوا التامين لما جهه عاين مش اخد قراية العدادا كان كام قالي اه قولتلوا بس يبقي انا مش لاعب في حاجه و الموضوع ده منكوا انتوا سواء اول معرض او تاني معرض او معرض التالت اللي جايه منه العربيه وانا هاعرف اجيب حقي وبتاع بس و مشيت و سيبتهم يخبطوا راسهم في روس بعض
و الاستاذ احمد جمال تفضل مشكورا و عرض انه يكلم الميكانيكي بتاعه و اروحله يعملي الديفزور دا الاول علشان ابقي مطمن وانا ماشي وانا ان شاء الله الاسبوع الجاي هاظبط معاه و اروح اعمله علشان ابقي مطمن


و شكرا لكل الردود يارجاله

[WalidAdel]

هوطبعا الموضوع يغيظ بس انا عاوز اقول ان مافيش داعى للزعل اوى (معظم الحاجات المطلوب تغيرها دى حاجات فى العفشة وطبيعى تكون حالتها مش كويسة فى كتير من العربيات فى مصر نظرا للشوارع الجميلة بتاعتنا) من ناحية تانية 70000 كيلو هو مش رقم يخض اوى (انا عربيتى موديل 2006 وعاملة 84000 كيلو)

انا طبعا مش بدافع عن اللى بايع العربية لأن ما ينفعش يتقال عليه غير انه "نصاب"

لكن لو افترضنا حسن النية، ممكن لوحة العدادات الأصلية باظت وصاحبها القديم غيرها بواحدة استيراد
(اعتقد ده السيناريو المنطقى)
افتراض حسن النية لأن مافيش حد عربيته تكون عاملة 70000 كيلو ويغير لوحة العدادت علشان يعملها 48000 كيلو (الفرق مايستاهلش خالص وماعتقدش انه يفرق فى سعر العربية)

منا فكرت كده بس هايفرق في حاجتين اولا العربيه ماشاء الله عليها من بره و جوه زيروا فهو نزل العداد شويه علشان تبان العربيه ماستعملتش اصلا و بعدين لما ينزل العداد الحبه دول هاتبقي في الضمان ليسه و دا لي سعر بردوا

[WalidAdel]

العربيه انهارده الصبح وانا نازل كتبتلي علي شاشه Check AirBag و في صوت التكته اللي حضراتكوا بتقولوا عليها بتاعة شريط الاير باج
المهم بقي ان الموضوع ده مش مستمر بمعني ان ساعات الشاشاه يتكتبلي عليها كده و تطفي و شويه و تكتب تاني و شويه و تطفي و هكذا و الصوت بيروح و ييجي بردوا مش مستمر هل كده الموضوع كبير ولا ايه بالظبط
معلش انا تاعبكوا معايا بس اعمل ايه و اخويا اللي هو العربيه بتاعته اصلا مركبني الذنب بقي ايه و انهارده مصحيني من النوم يقولي تعال انزل علشان تدور العربيه انا بخاف ياعم لحسن تنفجر مني اصله اكبر مني بقي

[Ahmed Selim]

غالباً شريط الأيرباج أبتدى يودع........

تكلفته بره التوكيل 400 الى 500 جم و يخلص فى 10 دقايق

لو تعرف ترجع العربية للمعرض توكل على الله.........واضح أن أخوك قفل من العربية و بالتالى مش هيبقى مبسوط و هيبقى قلقان حتى لو العربية ماشية زى الألف

[yalahwy2010]

غالباً شريط الأيرباج أبتدى يودع........

تكلفته بره التوكيل 400 الى 500 جم و يخلص فى 10 دقايق

لو تعرف ترجع العربية للمعرض توكل على الله.........واضح أن أخوك قفل من العربية و بالتالى مش هيبقى مبسوط و هيبقى قلقان حتى لو العربية ماشية زى الألف

ازيك يابو حميد
أيه أخبارك انت والعقيد
ابقى سلملى عليه....
موضوع الاستاذ وليد...انا شايف ان الحاجات اللى لقاها فى العربية محتاجة تتغير...ممكن يجيبها من برة وبسعر كويس
الايرباج....شوف الفيشة اللى تحت كرسى السواق...ممكن تلاقيها محتاجة زقة
وماتزعلش على العربية....أنا شايف انها حاجات عادية....لكن عقابا للراجل اللى بعلك العربية ...عرفه ان انت عرفت وماتديلوش باقى فلوسه....يا يرجعلك البيعة كلها وخالتى وخالتك واتفرقوا الخالات...وكل واحد فى حاله....لأنه ماعندوش ضمير....مش عشان العربية فيها مشاكل....لأ...عشان هو ما وضحش المشاكل اللى فيها ومغير العداد....دا أسمه غش

[WalidAdel]

غالباً شريط الأيرباج أبتدى يودع........

تكلفته بره التوكيل 400 الى 500 جم و يخلص فى 10 دقايق

لو تعرف ترجع العربية للمعرض توكل على الله.........واضح أن أخوك قفل من العربية و بالتالى مش هيبقى مبسوط و هيبقى قلقان حتى لو العربية ماشية زى الألف

لا خالص هو بيقولي انا هابيعها و اجيب واحده تانيه9 حاله احسن من دي قوتلوا و علي ايه مانعمل دي و خلاص و احنا الحمد لله معانا اعضاء في قسم رينو هايظبطونا و بتاع
و بالنسبه للراجل بتاع المعرض عمل العبيط و قالي انا معرفش حاجه انا اتفرجت علي العربيه زي زيك و اضحك عليا زي زيك بالظبط و اللي ضحك علينا يالمعرض الاولاني يالتاني قوتلوا ياسلام
فرديت عليه قولتلوا المهم سواء انت او المعرض الاولاني او التاني او حتي الشركه اللي طالعه منها العربيه انا هاعرف مين منكوا و هاجيب حقي منه حتي لو قعدت سنه في الموضوع ده انا فاضي و مش ورايا حاجه فبيقولوا طيب و فلوسي قوتلوا لما اعرف مين اللي ضحك عليا و اخدها منه هابقي اجيبهالك

[farahat]

الحمد لله على كل شيء طبعاً ، و في الاول و في الأخر دة نصيب مش هينفع نقول لو كنت كشفت و لو كنت عملت ، هي رزق و جالك كدة قول الحمد لله .
بس أنا شايف انها حاجات عادية و ممكن تحصل في أي عربية تانية مستعملة ، هي يمكن بس عشان جت مع بعضها حسستك انها كبيرة و خصوصاً مع المقايسة الضخمة إلي عملوها دي ، هي كلها حاجات بسيطة إن شاء الله .


متهيألي أهم حاجتين لزم يتعملو أو تلات حاجات دلوقتي يعني ، هما الترس و طقم السولينويد (لو أنا فاهم قصدك صح يبقى بتاع الفتيس ، يعني محتاج صيانة فتيس ) و بعدين الإيرباج ، و باقي الحاجات تستنى شوية و تعمل واحدة واحدة ، و تتعمل كلها برة التوكيل مش محتاجة توكيل ، انما الحاجات الأساسية دي توكيل عشان تبقى مضمونة .
و ربنا يعينك ، و الحمد لله انها حاجات ما تعيبش العربية ، يعني كلها مستهلكات و لما تتظبط حتعيش معاك و تنبسط بيها إن شاء الله