احسن سروجى لفرش جلد بالأسكندرية

[emadhassan]

الحمد لله انا حجزت أمبارح عربية رينو سيمبول فى التوكيل والمفروض ان شاء الله استلمها بعد أسبوعين واحب اقدم شكرى لكل أعضاء قسم رينو للمعلومات الهامة فى كل التقارير و التقييمات من ملاك السيمبول و التى ساعدتنى كثيرا فى اختيار العربية دى 0
لكن بعد اذن حضراتكم كنت عاوز أعرف سروجى ممتاز فى الأسكندرية علشان يعمل فرش جلد و ياريت كمان محل كماليات محترم اجيب منه غطاء للعربية و باركينج سينسور و أنذار و روافع زجاج تشتغل مع الانذار وهل فيه أنذار ممكن منه أدور العربية بالريموت و شكرا لكل من يتفضل بالمشاركة 0

[frhateg]

اولا : ألف مبروك عليك وربنا يديك خيرها و يكفيك شرها .
ثانيا : بالنسبة لكماليات العربية عليك و علي سعيد نصار حتلاقي عنده كل اللي انت بتسال عليه .

[Egyzizo]

حاسب حاسب يا أخ عمـــاد ..
حوار روافع الزجاج ده مش شغال فى اللوجان
والتوكيل بيرفض يركبه سواء عنده أو فى أى حتة وبيخرج من الضمان
فيا ريت تتأكد من الموضوع ده فى السيمبول.

[ramy_gamal]

فعلا سعيد نصار حاجته ممتازة واسعارة كويسه جدا

[hobby10]

معلش ياجماعة انا عاوزة اعرف اروح ازاى لسعيد نصار ده ؟؟؟؟؟؟؟؟

[hobby10]

فى واحد كويس اسمه السجان وانت داخل سموحة من عند كوبرى الاربراهيمية كده على ايدك اليمين .... هو شاطر ونظيف بس غالى شوية

[alex_life1989]

سعيد نصار فى عزبة سعد قبل المدينة الجامعية

[hobby10]

سعيد نصار فى عزبة سعد قبل المدينة الجامعية

شكرااااا

[emadhassan]

اولا : ألف مبروك عليك وربنا يديك خيرها و يكفيك شرها .
ثانيا : بالنسبة لكماليات العربية عليك و علي سعيد نصار حتلاقي عنده كل اللي انت بتسال عليه .

شكرا جزيلا

[hosammostafa]

فى واحد خلف نادى الترام بالشاطبى اسمه هدير السلام شغله نظيف وسعره كويس

[Islam_galal]

في واحد سمعته كويسه من كوبري الجامعه و انت نازل علي البحر يبقي علي شمالك بعد ما تعدي شارع بورسعيد

[bishoo33]

هانى السروجى
- كامب شيزار- شارع يورسعيد
ممتاز

[alexman007]

فرحات باشا (سعيد نصار والسوري موجود) وكل ناس رينو الجامدين والاستاذه هبة
فيه واحد بقى هدية مني ليكوا في عزبة سعد برضه بيعمل فرش الارضيات كويس جدا لانه اصلا سروجي وكمان بتاع اكسسوار وقطع غيار اسمه السوري (حمايا هههههههههههههههه شوفته الكوسه؟؟؟؟)
كمان بيتعامل مع مصنع فرش كراسي بياخده مقاسات الكراسي وبعدين يبعتوهاله وهو بيقفل وكمان شفته كان بيقفل سكودا فانتازيا كراسي وارضيات عاملها تمام جدا ...بس مش عشان حمايا هههههههه
على العموم انا حعملها عنده وححاسبه كمان
للعلم هو جابلي غطاء العربية مقاس لارج ب145 مبطن..
هو اسمه السوري في عزبة سعد برضه

وسلامي ليكوا
محمود عزت

[alexman007]

نسيت حاجة
بدعوكم كلمكم لحضور افتتاح معرض مكتبة اسكندرية الدولي للكتاب واللي عايز دعوه يشرفني في المكتبة وحجبهاله على طول
محمود عزت
إدارة المستشارين
0127140865

[frhateg]

اعذرني اخويا محمود مكنتش اعرف ان حماك بيبيع اغطية كراسي و علي العموم ملحوقه ... انت اعمل الفرش و صور العربية و دي تكون احسن دعاية . تحياتي .