رينو الفرنسية لصناعة السيارات و الجزائر

[wawoo]

يمكن الموضوع دة يكون حساس شوية بس دة خبر مهم لينا فى مصر ...

ذكرت صحيفة لوموند الفرنسية أن شركة رينو الفرنسية لصناعة السيارات تستعد للإعلان عن إقامة مصنع للسيارات في الجزائر.
وقال متحدث باسم رينو إنه لم يتم الانتهاء من المناقشات في الجزائر لكنه اضاف أن المجموعة تراقب ما يحدث في عدد من الدول.
وقالت لوموند إن رينو ستبني المصنع في الرويبة على مشارف العاصمة الجزائرية وستجمع طرازيها لوجان وسانديرو اللذين يباعان تحت علامة داتشيا التجارية وكذلك طراز سيمبول الذي يصنع حاليا في تركيا.


طيب مش مصر كانت تبقى اولى باقامة مصنع فيها و خصوصا ان مبيعات رينو فى مصر مش قليلة ...انا شخصيا مضايق من الخبر

[farahat]

لا طبعاً مبيعاتهم في مصر قليلة جداً إذا ما قورنت بالمبيعات في دول المغرب العربي (الجزائر و المغرب و تونس ) ، دول تقريباً جزء من فرنسا

[hesham_tawfiq]

دول مش جزء من فرنسا
قرنسا لحد دلوئتى بتعتبر الجزاير الباك يارد بتاعتها
جنوب فرنسا
على كل مش شايف الموضوع دا حساس لينا فى حاجه

[frhateg]

يعني اللوجان بتتصنع في المغرب مش مزعلانة و لما تتصنع في الجزائر حنزعل بالعكس كلها بلاد عربية . و الموضوع عادي و الا ايه .

[Egyzizo]

مش هينفع لوجان الجزائرية تنزل مصر عشان مافيش اتفاقية زى بتاعة أغادير بين مصر والجزائر.

[magomago]

الجزائر حاليا ارض بكر للاستثمار والصناعه

[lomar]

لان مصر ما بتديش المميزات الي اخدتها رينو في المغرب او الجزائر

[khashab]

مبروك للأخوة الجزائريين و عقبلنا كده ان شاء الله

[أحمد كمال]

يمكن الموضوع دة يكون حساس شوية بس دة خبر مهم لينا فى مصر ...

ذكرت صحيفة لوموند الفرنسية أن شركة رينو الفرنسية لصناعة السيارات تستعد للإعلان عن إقامة مصنع للسيارات في الجزائر.
وقال متحدث باسم رينو إنه لم يتم الانتهاء من المناقشات في الجزائر لكنه اضاف أن المجموعة تراقب ما يحدث في عدد من الدول.
وقالت لوموند إن رينو ستبني المصنع في الرويبة على مشارف العاصمة الجزائرية وستجمع طرازيها لوجان وسانديرو اللذين يباعان تحت علامة داتشيا التجارية وكذلك طراز سيمبول الذي يصنع حاليا في تركيا.


طيب مش مصر كانت تبقى اولى باقامة مصنع فيها و خصوصا ان مبيعات رينو فى مصر مش قليلة ...انا شخصيا مضايق من الخبر

مبيعاتهم هنا قليلة جدا مقارنة بماركات تانية كتير هنا ... و صفر مقارنة بمبيعاتهم في دول المغرب العربي .... هناك تقريبا مفيش غير رينو في الشارع !

لا طبعاً مبيعاتهم في مصر قليلة جداً إذا ما قورنت بالمبيعات في دول المغرب العربي (الجزائر و المغرب و تونس ) ، دول تقريباً جزء من فرنسا

ده اللي كنت عايز أقوله .....

[karimnet]

حتى لو اتعملت حتبقى بجمارك فحنفضل هنا مغربى .. و الحمد لله لأنى مثقش فى تقفيل مجانين

[wawoo]

مبيعاتهم هنا قليلة جدا مقارنة بماركات تانية كتير هنا ... و صفر مقارنة بمبيعاتهم في دول المغرب العربي .... هناك تقريبا مفيش غير رينو في الشارع !



ده اللي كنت عايز أقوله .....

طيب ما هو فى مصنع رينو فى المغرب يقدر يكفى كل دول المغرب العربى ..و بعدين لو تاخد بالك من الخبر ..هى رينو ليسة بتدرس الموضوع يعنى ممكن يكون فى دول بديلة و فيها سوق واعد ..لية متكونش مصر ..مهو لازم يكون فى تحرك من الجانب المصرى شوية لتحفيز مشروع زى دة ..

لو عندك ارقام مابيعات فى مصر ياريت تفدنا بيها ..و لو مثلا الوجان اتصنعت فى مصر..ممكن تنزل بسعر ممتاز جدا و تنافس فعلا و تحقق مابيعات كبيرة فى بلد تعدادة حيوصل ال90 مليون و اكتر خلال اشهر ...

دة غير ان العلاقات المصرية الفرنسية ممتازة و مصر اعتقد دخلت فى الدول الفرانكوفونية من فترة

[zaza_lanos]

نحن لا نتحدث الفرنسية بطلاقة
وملناش فى الصناعة

الناس ده بتعمل مشاريع فى بلاد محترمة ذات قوانين عقلانية

[Sameh]

اللى يشوف العربيات فى شوارع الجزائر هيفهم إن هم اختاروا بيبنوا خط الإنتاج داخل أكبر سوق ليهم فى شمال أفريقيا ، هناك بتشوف موديلات رينو وبيجو ماسمعناش عنها وجميع الفئات بما فيها الفان والمينى فان والبيك أب وموديلات من 30 سنة لحد 2010 كلها نفس الماركة يا بيجو يا رينو و شوية سيتروين ، والفخامة هناك لا تعنى مرسيدس وبى إم إنما c6 و 607 فأكيد هو ده السبب اللى اختارو عشانه يجمعوا عربياتهم هناك (ده غير عامل اللغة طبعاً ومعرفتهم التامة بالجزائر)
إحنا بقا عشان الجمارك ومستوى المعيشة وجشع المستوردين والجهل بأنواع العربيات والتسعيير فأحسن حاجة بتتجمع وهتتجمع فى مصر هى الصينى أو الكورى مع القليل من الماركات المحترمة للصفوة

[msalx]

بس الجزائر مش فالاتفاقية ( اغادير ) وبالتالى العربية مش هتتباع فى مصر .... !!!!

[wawoo]

اللى يشوف العربيات فى شوارع الجزائر هيفهم إن هم اختاروا بيبنوا خط الإنتاج داخل أكبر سوق ليهم فى شمال أفريقيا ،

مصر سوق اكبر من الجزائر ....و لو الجزائر كانت مهمة كدة كانت رينو عملت مصانع فيها قبل تركيا ..مافيش خبرات كفاية فى الجزائر لمصنع زى دة

مصر ممكن تكون مرشحة بقوة لو فى مستثمرين مهتمين هنا ...