إعـــــــلان

**N3N** · 13-02-2010, 10:33 AM

بالتاكيد العربيه جميله لكن في حاجه خلتني اتردد موضوع ارتفاع السيارة 12سم بعد تحملها
ثانيا : موضوع تقفيل الماتور ومنظر الاسلاك ال واضح اوي وعدم وجود غطاء داخلي للماتور
لكن انا مازلت بحترم الفرنساوي اي كان نوع التقفيل لكن لازم التوكيل يكون عنده فكرة بهذة المواضيع لتجنبها وال سمعته ان موضوع الارتفاع ده وال مكتوب في الكتالوج بتاع العربية مبدائي وال حتنزل مصر حيكون ارتفاعها 19سم مش عارف هل هذا الكلام صحيح او خطا وشكرا

**wal** · 13-02-2010, 11:16 AM

يا استاذn3n
بغض النظر عن الارقام سواء 12 او19 السيارة لماتشوفها بالنظر تحس انها عالية ومفيش مشاكل منها فى المطبات وبالشكل العام اعلى من الهوندا سيفيك والكروز مثلا
ثانيا موضوع الماتور هو كل اللى ناقصه الغطاء علشان الاسلاك ماتبنش والتوكيلات مابتجبوش كنوع من التوفير وساعات بيتباع كاوبشنز لوحدة فى بعض الماركات (معرفش موجود فى رينو ولا لأ) ولوشلت غطاء الماتور من اى عربية هتشوف المنظر اللى ماعجبكش فى الفلوانس الاسلاك مبعككة على بعض وعلى فكرة سيارات كتير ومحترمة مالقيتش فيها غطا الماتور مثل الفورد فوكاس اللى كنت هاجيبها ودى سيارة ماعليهاش كلام والهوندا سيفيك اول فئة وممكن تلاقى الغطاء فى الفلوانس فى اعلى فئة ب158 الف

**tarek7elmy** · 13-02-2010, 12:02 PM

كنت عايز اعرف اسعار قطع الغيار؟

كنت عايز اعرف اسعار قطع الغيار؟
انا كمان بفكر بس كنت عايز اعرف ايه اغبار قطع الغيار من حيث الاسعار و التواجد

**bukla** · 13-02-2010, 12:07 PM

المشاركة الأصلية كتبت بواسطة n3n مشاهدة المشاركة

بالتاكيد العربيه جميله لكن في حاجه خلتني اتردد موضوع ارتفاع السيارة 12سم بعد تحملها
ثانيا : موضوع تقفيل الماتور ومنظر الاسلاك ال واضح اوي وعدم وجود غطاء داخلي للماتور
لكن انا مازلت بحترم الفرنساوي اي كان نوع التقفيل لكن لازم التوكيل يكون عنده فكرة بهذة المواضيع لتجنبها وال سمعته ان موضوع الارتفاع ده وال مكتوب في الكتالوج بتاع العربية مبدائي وال حتنزل مصر حيكون ارتفاعها 19سم مش عارف هل هذا الكلام صحيح او خطا وشكرا

انا شخصيا ميفرقش معايا موضوع غطا الموتور دة انا عايز اقول لك ان فى بداية بحثى عن عربية اشتريها كنت معجب بالسبيرانزا تيجو و فرحت قوى لمل فتحت الكابوت و لقيت ان الموتور لة غطاء و لكن بعد التيست درايف غيرت فكرتى تماما مع كامل احترامى لملاك العربية دى اصلا متنفعش تتركب و لا يدفع فيها مليم دة انا لما سوقت العربية حسيت ان اللانوس بتاعتى جاجوار فالموضوع مش غطاء بلستيك يتحط فوق الموتور اللى ياثر على اعجابى بالعربية من عدمة و على فكرة انا عملت تيست درايف لعربيات كثيرة خلال السنة الماضية و ما زلت حاجز تيست درايف للفلوينس ان شاء الله حيكون التاكيد الاخير على صحة اختيارى من عدمة (يعنى اروح اسحب فلوسى ولا اكمل)

اما بالنسبة لارتفاع العربية انا كلمت مندوب المبيعات انهاردة و اكد ان الشركة درست الشارع المصرى كويس و ان ارتفاع العربية اللى حتنزل للشارع المصرى 19 سم و للتاكيد على كلامة قال لى ان برة حينزل جنط 17 و مش حينزل فى مصر بسبب حالة الشارع المصرى

المشاركة الأصلية كتبت بواسطة wal مشاهدة المشاركة

السلام عليكم يا bukla
انا كنت قبل المعرض بيوم هجيب الفورد فوكاس الجديدة لشدة اعجابى بيها الى الان بس قلت استنى المعرض وبعد كدة اجيبها لانى كنت متوقع ان مش هلاقى حاجة جامدة بس لما دخلت قسم رينو بصراحة الفلوانس شديتنى جدا وعجبتنى قوى القاعدة بداخلها والخامات الداخلية والتابلوه احدث شوية من الفوكاس والسعر اقل ورينو برضه ماركة محترمة والفوكاس هتتغيرالسنة اللى جاية بشكل جديد 2011 فتوكلت على الله وحجزتها اخريوم فى المعرض بس من فرع المهندسين(نادى الزمالك)وحجزت الفئة 141 الف والحمد لله انى لاقيتها لانهم قالولى مش هتنزل تانى علشان انا بحب فتحة السقف جدا وانا متفائل خيرفى العربية دى ان شاء الله

الف مبروك و ان شاء الله ربنا يكتبلك خيرها و يكفيك شرها و يكون اختيار موفق ان شاء الله
و اتمنى ان نتعاون فى جمع المعلومات و الرد على التساؤلات لافادة جميع الاعضاء المحترمين فى هذا المنتدى الرائع

**bukla** · 13-02-2010, 12:15 PM

المشاركة الأصلية كتبت بواسطة tarek7elmy مشاهدة المشاركة

كنت عايز اعرف اسعار قطع الغيار؟
انا كمان بفكر بس كنت عايز اعرف ايه اغبار قطع الغيار من حيث الاسعار و التواجد

و العهدة على الراوى
واللى هو التوكيل طبعا ان جميع قطع غيار العربية نزلت مع العربية و متوافرة الان فى التوكيل
اما الاسعار فهى تزيد قليلا عن اسعار الكورى (ماعرفش قليلا دى يعنى قد اية) بس هى طبعا حتكون معمرة عن الكورى وهى غير معلنة و لكن ان شاء الله اول ما اعرفها سوف اقوم بنشرها هنا فى الموقع

**Ahmed Selim** · 13-02-2010, 07:03 PM

غطاء الموتور كان بينزل فى الميجان 2 لحد 2006 أو 2007 و بعد كده منزلش.....العقيد خالد معاه 2008 و جاب الغطاء من التوكيل ( أفتكر ب 400 جم ) و برضه هو متوافر فى الحرفيين.....و الكلام على الميجان 2.

معلومة بخصوص أرتفاع العربية أو ال ground clearance هو 119 ملل = 11.9 سم بس العربيات الأوروبى عموماً مش بتهبط جامد مع التحميل.....يعنى أخرها مع التحميل هيكون فى حدود ال 11 سم.
بالمناسبة....الميجان 2 أرتفاعها عن الأرض 12 سم.....و بسم الله ما شاء الله مفيش حاجة أسمها تحك فى المطبات يعنى فى فترة 5 سنين محكتش معايا غير مرات معدودة على أصابع اليد الواحدة.

بالنسبة لقطع الغيار.......بدرى قوى على الموضوع ده.....عندكو فترة فى حدود سنة على الأقل من بداية أستلام العربية على ما تلاقو قطع الغيار متوفرة برة التوكيل.....خلال السنة أنتو أصلاً فى الضمان و غالبا هتكونو مأمنين....يعنى كل التعامل هيبقى مع التوكيل و بالتالى لا داعى للقلق.....و ممكن تبصو بصة على أسعار قطع غيار الميجان خارج التوكيل....فى المواضيع المثبتة.....

**bukla** · 13-02-2010, 08:13 PM

يا جماعة ازاى بس 12 سم يعنى اوطى من السيفيك ب 3 سم اللى كل الناس بتشتكى انها بتحك فى كل المطبات اللى بتقابلها
و بعدين انا مش قادر اكذب عينى العربية عالية قوى عن الارض
عموما انا بصراحة كدة ناوى اروح المعرض فى اقرب فرصة و انا معايا المتر بتاعى و هاقيس الارتفاع بنفسى و اقولكم النتيجة النهائية

**د.محمود صلاح** · 13-02-2010, 08:14 PM

إلى حاجزي الفلوانس :- أحسنتم الإختيار

**bukla** · 13-02-2010, 08:17 PM

المشاركة الأصلية كتبت بواسطة د.محمود صلاح مشاهدة المشاركة

إلى حاجزي الفلوانس :- أحسنتم الإختيار

الف شكر و تشرفنا بمرورك

**Ahmed Selim** · 13-02-2010, 08:51 PM

المشاركة الأصلية كتبت بواسطة bukla مشاهدة المشاركة

يا جماعة ازاى بس 12 سم يعنى اوطى من السيفيك ب 3 سم اللى كل الناس بتشتكى انها بتحك فى كل المطبات اللى بتقابلها
و بعدين انا مش قادر اكذب عينى العربية عالية قوى عن الارض
عموما انا بصراحة كدة ناوى اروح المعرض فى اقرب فرصة و انا معايا المتر بتاعى و هاقيس الارتفاع بنفسى و اقولكم النتيجة النهائية

أنا جبت المعلومة دى من على النت......من موقع مستقل مش من موقع رينو

الله أعلم بمدى صحته....خصوصاً أنى بعد كلامك ده دورت على موقع أنا بثق فيه على الفلوينس بس للأسف مفيش لسه معلومات عنها فيه

دورت على السيفيك لقيت موديل 2006 سيدان ارتفاعه فعلاً 15 سم

مستنين بقى نتيجة الأختبار بتاعك......و أنا إن شاء الله رايح التوكيل فى المقطم يوم الأثنين و لو لقيتها هقارنها بالميجان و هحاول أجيب كل المعلومات الممكنة بخصوصها.

معلومة جديدة بخصوص مواتير الفلوينس

**Ahmed Selim** · 13-02-2010, 08:54 PM

المشاركة الأصلية كتبت بواسطة amr_moh مشاهدة المشاركة

ماشي يا عم أحمد

منور يا عمور.........مش شايفين مشاركاتك المتميزة بقالنا فترة.

Comment

Comment

Comment

إعـــــــلان

.

الى حاجزى الفلوينس

الى حاجزى الفلوينس

Comment

Comment

Comment

Comment

Comment

Comment

Comment

Comment

Comment

Comment

Comment