هل الفلونس مناسبه للطرق المصريه؟

[Hosam_Optrawy]

ارتفاع الفلوونس 12 سم وهى فى كامل حمولتها

يعنى وهى فاضيه هاتكون 15 سم مثلا زى اغلب العربيات

عادى يعنى ماتقلقش

[Horsepower]

الفلوينس و الميجان اللى نازلة مصر متعدل فيها الارتفاع عن المودلات اللى موجودة فى اوروبا مخصوص و دة ملوش علاقة بالموصفات اللى انت بتقرائها على الانترنت...ياريت متتهمش الناس بالنصب و انت مش متاكد من معلوماتك

اظن يعنى واضح بالنظر ان السيفيك واطية جدا عن الارض و بدليل الخبط و الرزع اللى بيحص لكل ركبها ..يظهر الاسطوانة اللى عملتها كانت اسطوانة سحرية او كنت بتعدى من تحت السيفيك و نصها فوق الرصيف مثلا ...

ياريت تقول كلام منطقى عشان على الاقل نستوعب كلامك

اللهم لا حول ولا قوة إلا بالله
لأ أنا بأعلن إني بتهم مسئول المبيعات بالنصب لأن مفيش في الدنيا عربية سيدان إرتفاعها 19 سم و لو إنت عندك غير كدة هات لنا هنا لينك فيه مواصفات عربية سيدان ال Ground Clearance بتاعها 19سم ... والكل مستني ردك.
مش أي حد يقولنا أي حاجة نصدقها ... المفروض إننا أعضاء أكبر منتدى في مصر ... لما يتقال إن فيه عربية سيدان إرتفاعها 19 سم و نلاقي مش بس المعلومة عدت بدون تعليق, لا و كمان فيه ناس مصدقاها يبقى صباح الفلللللللللللل.
واضح إن حضرتك من الناس إللي بتبني معلوماتها بالنظر ... سيفيك إيه و إسطوانة سحرية ... أنا بكلم صاحب الموضوع لو موضوع الGround Clearance للفلوانس ده يهمه ... إيه بقى إللي إنت بتقوله ده يعني لو الراجل مشي ورى كلامك وإشتراها و طلعت واطية فعلا هتعليهالو إنت؟؟؟ ... إنت كدة بتشوشر على إن الناس تعرف الحقيقة.
إقرأ في اللينكات دي:

http://www.nilemotors.net/Nile/121189-2010-ground-clearance.html

http://www.nilemotors.net/Nile/121420-ground-clearance-2009-2010-a.html#post3872326681

(أحمد سامي)

أنا بردو مش معاك يا أخ horsepower في اتهام الناس بالنصب .. الموضوع مطروح للنقاش ولسه ما في شئ أكيد .
اتمنى اي حد من الأخوه يقدر يجيبلنا معلومه مؤكده بأي وسيله .

والله يا أخي أنا مبتهمش حد بالنصب إللا لم أكون متأكد ... مفيش عربية في الدنيا إرتفاعها 19 سم ... و لازم الناس تعرف كدة ... و لازم كمان مسئولي المبيعات يعرفو إننا مش بنقبل أي كلام يقال لنا.

ارتفاع الفلوونس 12 سم وهى فى كامل حمولتها

يعنى وهى فاضيه هاتكون 15 سم مثلا زى اغلب العربيات

عادى يعنى ماتقلقش

يا حسام باشا الموضوع ده إتفتح عند الهوندا من يومين و كلنا ردينا عليه

http://www.nilemotors.net/Nile/124775-2010.html

مفيش شركة بتعرض ال Ground Clearance مع كامل الحمولة لأن الرقم ده هيتغير مع أي تعديلة في العربية ... مثلا ممكن تغير المساعدين بمساعدين رياضيين.

مع احترامى الشديد لكلام جضرتك ولاكن لا يبدو ان حضرتك شفت العربية ولا تعرف عربيات رينو من الكليو حتى الميجان لانها بلفعل من اعلى السيارات فى فئتها ودا ممكن يتلاحظ بلعين المجردة وانا معايا كليو من 2001 وفوكس من 2006 ومع التحمي الكليو بتبقى اعلى من الفوكس مع العلم ان الاتنين اعلى من السفيك الى معروف للجميع انها من اقل السيارات ارتفاعآ على الطريق وخاصة مع التحميل

شوفتها في المعرض إللي فات (فورميولا الأهرام) و نالت أكبر نصيب من الوقت عندي هي و الإمبريزا WRX ... أرجوكم متبنوش معلوماتكم على ملاحظات بالنظر ... أرجوكم.

يعني السيفيك أعلى من الجيتا و الأوكتافيا............. طيب
يا راجل دي بتحك و إحنا 4 بس في مطبات الرحاب الإستندارد و الميجان و إحنا ركبينها 5 بنطلع بيها مطبات المعمورة من غير مشاكل اللي لو طلعتها السيفيك مش هتنزل أصلا

شوف الموضوع ده:

http://www.nilemotors.net/Nile/121189-2010-ground-clearance.html#post3872323246

[bukla]

الرد النهائى فى اللينك دى
ارجو قفل هذا الموضوع نهائيا

http://www.nilemotors.net/Nile/124892-a-3.html

[Horsepower]

أخيرا يا حضرات,
كلامي من الأول واضح ... أنا إتهمت مسئول المبيعات بالنصب في معلومة إن ال Ground Clearance للفلوانس 19 سم , إذا كان قالها ... لا توجد سيارة سيدان بهذا الإرتفاع.
و عرضت على صاحب الموضوع طريقة يتأكد بيها ما إذا كان ال Ground Clearance للفلوانس 12 سم ده صحيح أم لا ... إذا كان الموضوع فعلا يهمه.
و السلام عليكم جميعا,

[neversighs]

الرد النهائى فى اللينك دى
ارجو قفل هذا الموضوع نهائيا

http://www.nilemotors.net/Nile/124892-a-3.html

في اشارتك للمشاركه اللي ذكرت فيها ان حضرتك قست بنفسك ارتفاع العتب عن الارض ولقيتو 19 سم .. احب الفت نظرك يا أخ Bukla ان المطلوب هو قياس ارتفاع اوطى نقطه فالسياره عن الارض وهو ده المقصود من ال Ground Clearance وليس ارتفاع العتب ..( مش العتب هو اللي بيحك فالمطبات)
ونشكرك جزيل الشكر على تعبك وتعاونك

[neversighs]

على كل حال نتمنى ان الوكيل يكون واعي للنقطه ده وفعلا يكون منزل السياره بمواصفات مصريه لان السياره دي ماشاء الله جميله جدا ومش عاوزين اي شئ ينغصنا فيها

[neversighs]

حد يعرف يا شباب اللي يحجز اليومين دول يستلم امتى؟

[N3N]

ناوي ان شاء الله

[Gabrial]

حد يعرف يا شباب اللي يحجز اليومين دول يستلم امتى؟

انا حجزت يوم السبت و الاستلام فى اول اسبوع من ابريل باذن ربنا .

[د.محمود صلاح]

اذا كان على الطرق المصرية ولا عربية مناسبة إلا أن تكون دبابة !!

[neversighs]

ناوي ان شاء الله

ان شاء الله ناوي

[Sbadry]

أستلمت الفلونس

مساء الخير يا شباب
أحب أطمنكم أن العربيه جميله و عاليه
أنا أستلمت من السبع من يومين، وان انشاء الله أقولكم رأيى بعد مأجربها (محمله) .
عموما أن عرفت من صديق لى أن فودافون عملوا Test Drive العربيه و سابت عندهم أنطباع أيجابى جدا وغالبا هتكون البديل لأسطول عربياتهم (حاليا كورولا 2006 على ما أعتقد)

[osha966]

أعلى السيارات ارتفاعا من الأرض هى الفورد فوكس =16 -17سم

[osha966]

يا جماعة الفلونس ارتفاعها 12 سم فعلا وده من أوطى نقطة فى السيارة مش من العتب-والله أعلم البتنزل مصر نفس الأرتفاع ولا معدلة

[osha966]

أعلى السيارات ارتفاعا فى السوق. هى الفورد الفوكاس =16سم